Jon 19:1 - Yesus Aqa Anjam Bole

¹ Onaqa Pailat na Yesus osiqa aqa qaja tamo naŋgo baŋq di atsiqa minjrej, “Niŋgi na Yesus bu toqoŋ na kumbaiŋyiye.” Degsi minjrnaqa naŋgi na Yesus osib bu toqoŋ na kumbaiŋyeb.

Jon 19:1 Iomraidhean Croise

Matyu 20:19

Naŋgi na e degsib gisaŋbosib e ojsib tamo naŋgi Qotei aqa ñam qaliesai qaji naŋgo baŋq di e atqab. Yimqa naŋgi na e ojsib misiliŋboqnsib bu toqoŋ na kumbaiŋboqnsib ŋamburbasq di lubsib moiotbqab. Ariya bati qalub koboamqa e olo subq na tigelqai.”

Matyu 23:34

“Deqa niŋgi quiye. E na Qotei aqa medabu o qaji tamo naŋgi ti Qotei aqa powo tamo ti Qotei aqa dal anjam qalie tamo naŋgi ti qariŋnjroqnit nuŋgoq boqnqab. Nuŋgoq boqnibqa niŋgi na naŋgi qudei ñumoqnsib moiotnjroqnqab. Osib naŋgi qudei ŋamburbasq di gaintnjrqab. Osib naŋgi qudei ojeleŋosib nuŋgo Qotei tal miligiq dia kumbaiŋnjroqnqab. Osib naŋgi qudei teteinjribqa naŋgi jaraiosib qure bei beiq giloqnqab.

Luk 18:33

Osib e kumbaiŋbosib lubsib moiotbqab. Bati qalub koboamqa e olo subq na tigelqai.”

Luk 23:16

Deqa e na ijo qaja tamo qudei naŋgi minjrit naŋgi bu toqoŋ na Yesus kumbaiŋyosib a uratib olo gilqas.”

Luk 23:23

Onaqa tamo uŋgasari naŋgi olo tulaŋ koba murqumyoqnsib siŋgila na Pailat saidyoqnsibqa waiŋyosib minjoqneb, “Ni Yesus ŋamburbasq di qame!” Degsib siŋgila na Pailat minjoqnsib naŋgo anjam dena Pailat aqa anjam qalotoqneb. Deqa Pailat a naŋgo anjam di dauryosiqa minjrej, “Di kere. Uŋgum. E na ijo qaja tamo naŋgi minjrit Yesus osi gilsib ŋamburbasq di qamib moiqas.”

2 Korin 11:24

Bati 5-pela Juda tamo naŋgi na e kumbaiŋbo 39 toqneb.

Hibru 11:36

Ariya jeu tamo naŋgi na Qotei aqa tamo qudei naŋgi misiliŋnjroqnsib kumbaiŋnjroqneb. Osib naŋgi tonto talq di breinjroqnsib sil siŋgila koba dena naŋgi tontnjroqneb.

1 Pita 2:24

Kristus a gago une kalil qoboiyosiqa aqa segi jejamuq di atsiqa a ŋamburbasq di iga qa gaiŋej. Iga gago une kalil torei uratosim ŋambile sosim kumbra tiŋtiŋ yoqnqajqa deqa osiqa ŋamburbasq di iga qa gaiŋej. Jeu tamo naŋgi na Yesus qalougetosib jaqatiŋ koba yeb. Onaqa aqa jaqatiŋ dena a na iga olo boletgej.