Jon 17:5 - Yesus Aqa Anjam Bole

⁵ O Abu, nami mandam a brantosaisonaqa e ni ombla ñam koba ti soqnem. Ñam di ni na e olo ebimqa aqo ombla ñam koba ti sqom.

Jon 17:5 Iomraidhean Croise

1 Pita 1:20

Tulaŋ nami Qotei a mandam atosaisosiqa a Kristus qa qalieosiqa a giltej. Kristus na niŋgi awaiŋgwajqa deqa marsiq a giltej. Ariya bini bati endeqa diŋo bati jojomqo deqa Qotei a niŋgi qa osiqa Kristus qariŋyonaq bej.

Jon 10:30

Aqo ijo Abu wo iga tamo qujai.”

Filipai 2:6

Kristus a segi Qotei. Ariya a deqa are qalosaioqnej.

Hibru 1:10

Qotei na aqa Ŋiri degsi minjsiqa olo anjam bei dego endegsi minjej, “O Tamo Koba, ni nami mandam atem unu. Osim laŋ dego ino segi baŋ na gereiyem.

Hibru 1:3

Yesus a na Qotei aqa riaŋ koba iga osorgeqnu. Yesus aqa so ti Qotei aqa so ti ombla kerekere. Aqa anjam siŋgila ti unu deqa anjam dena a na iŋgi iŋgi kalil siŋgilatejunu. A na gago une kobotetgosiqa laŋ qureq oqsiq Qotei siŋgila koba ti unu qaji aqa baŋ woq di awejunu.

Jon 17:24

“O Abu, tamo uŋgasari ni na e ebem qaji qure e sqai qaji di naŋgi dego e ombla sqajqa deqa e ni pailmonum. Naŋgi e ombla sosibqa riaŋ ti ñam koba ti ni na nami ebem qaji di unqajqa deqa ti e ni pailmonum. Nami ni mandam atosaisosimqa agi riaŋ ti ñam ti di ni na e ebem. Di kiyaqa? Ni na e tulaŋ qalaqalaiboqnem deqa.

Jon 8:58

Onaqa Yesus na kamba minjrej, “Niŋgi quiye. E bole merŋgwai. Abraham a ŋambabosaisonaqa e nami Qotei ombla soqnem.”

Jon 1:18

Tamo bei na Qotei aqa ulatamu unosai. Qotei aqa Ŋiri qujai a segi Qotei. A aqa Abu Qotei aqa areq di sosiqa beteryejunu. A na qujai iga Qotei osorgej.

Jon 14:9

Onaqa Yesus na minjej, “O Filip, e bati olekoba niŋgi koba na soqnem. Ni e qa qalieosaiunum e? Tamo a e nubqo di a ijo Abu dego unqo. Deqa ni kiyaqa e merbonum, ‘Ni na ino Abu iga osorge’?

Matyu 25:34

Osiyqa tamo bole ijo baŋ woq di unub qaji naŋgi endegsi minjrqai, ‘Ijo Abu a niŋgi qa tulaŋ areboleboleiyqo. Nami a mandam atej bati deqa a nuŋgo Mandor Koba sosim niŋgi taqatŋgwajqa marej. Deqa niŋgi ijoq boiye. Babqa ijo Abu a nuŋgo Mandor Koba sosim niŋgi taqatŋgwas.

Jon 3:13

Tamo bei a laŋ qureq oqosai. E Tamo Aŋgro e segi qujai laŋ qureq dena mandamq aiem.

Uli Anjam 3:21

Tamo a Satan ombla qotsim siŋgilaqas di e na minjitqa aqo ombla ijo awo jaram kobaq di awoqom. Nami e segi qoto siŋgilaosimqa aqo ijo Abu wo aqa awo jaram kobaq di awoem dego kere.

Uli Anjam 13:8

Deqa tamo uŋgasari kalil mandamq endi unub qaji naŋgi na wagme juwaŋ di biŋiyoqnsib aqa ñam tulaŋ koba soqtoqneb. Tamo uŋgasari naŋgi di Qotei a nami mandam atosaisosiqa naŋgi ŋambile gaigai sqajqa saidosiq ŋambile qa buk miligiq di naŋgo ñam neŋgreŋyosai. Buk di agi Kaja Du nami qalnab moiej qaji aqa segi buk.

1 Jon 1:2

Ŋambile di boleq donaqa iga unem. Iga ŋambile deqa mare mare laqnum. Ŋambile di gaigai sqas. Nami ŋambile di aqa Abu wo sosiqa boleq donaqa iga unem. Deqa iga a qa niŋgi merŋgeqnum.

Jon 17:1

Yesus a na aqa aŋgro naŋgi anjam degsi minjrsiq koboonaqa laŋ goge tarosiqa Qotei endegsi pailyej, “O Abu, bati brantqo. E ino segi Aŋgro deqa ni na e ñam koba ebime. Yim e kamba dego ni ñam koba emqai.

1 Pita 1:21

Kristus a na niŋgi aqaryaiŋgej deqa niŋgi Qotei qa nuŋgo areqalo siŋgilatosib unub. Kristus agi moinaqa Qotei na olo subq na tigeltosiqa metonaq a laŋ qureq oqsiq dia ñam kobaquja ej. Utru deqa niŋgi Qotei qa nuŋgo areqalo siŋgilatoqnsib anjam a nami marej qaji di aqa damu brantqajqa deqa tariŋoqnsib unub.