Jon 16:1 - Yesus Aqa Anjam Bole

¹ “Niŋgi ijo ñam ulontaib deqa e na anjam endi merŋgeqnum.

Jon 16:1 Iomraidhean Croise

Matyu 11:6

Ariya niŋgi quiye. Tamo naŋgi e nubsib e qa naŋgo areqalo siŋgilatosib olo ijo ñam ulontosaieqnub qaji naŋgi tulaŋ areboleboleinjrim sqab.”

Matyu 13:21

Ariya anjam di naŋgo are miligiq tulaŋ guma aiosai. Deqa naŋgi sokiñalayibqa bunuqna Qotei aqa anjam gotraŋyo qaji tamo qudei naŋgi bosib naŋgi gulube enjrsib ugeugeinjrqab. Yimqa naŋgo areqalo Yesus qa siŋgilateqnub qaji di naŋgi olo ulontqab.

Matyu 13:57

Naŋgi degsib yomu anjam marsib Yesus qa ugeeb. Onaqa a na minjrej, “Qotei aqa medabu o qaji tamo bei aqa segi qure utruq gilsim anjam minjroqnqas di naŋgi aqa anjam quetqa asginjrqas. Deqa a ñam saiqoji sqas. Aqa segi talq dia dego a ñam saiqoji sqas. Ariya a qure bei beiq giloqnsim anjam minjroqnqas di naŋgi aqa anjam quetoqnsib aqa ñam soqtoqnqab.”

Matyu 24:10

Bati deqa tamo uŋgasari gargekoba e qa naŋgo areqalo siŋgilato qaji naŋgi ijo ñam ulontosib naŋgi segi segi jeu sosibqa naŋgo segi was naŋgi ojeleŋoqnsib tamo uge naŋgo baŋq di atoqnqab.

Jon 15:11

Ijo areqalo agiende. E segi tulaŋ areboleboleibeqnu niŋgi dego tulaŋ areboleboleiŋgoqnem. Utru deqa e na anjam endi niŋgi merŋgonum.

Jon 16:4

Ariya bini e naŋgo kumbra deqa niŋgi saiŋgonum. Bunuqna naŋgi na niŋgi degŋgibqa niŋgi ijo anjam endeqa olo are qalqab.” Osiqa Yesus a olo anjam endegsi minjrej, “Nami e niŋgi koba na sosim deqa e na anjam endi niŋgi merŋgosaioqnem.

Rom 14:21

Deqa niŋgi kumbra di uratiye. Niŋgi wagme kio niŋgi wain kio uysibqa o kumbra bei kio ysibqa dena nuŋgo was bei uneq waiyqab di niŋgi kumbra uge yonub.

Filipai 1:10

O was qu, niŋgi kumbra kalil geregere pegiyosib kumbra tulaŋ boledamu dauryqajqa deqa e niŋgi qa pailyeqnum. Yimqa niŋgi kumbra bole bole yoqnsib une saiqoji soqnib diŋo bati bqas. Diŋo bati deqa Kristus a olo bosim tamo uŋgasari naŋgo une qa naŋgi peginjrqas.

1 Pita 2:8

Qotei aqa anjam bei dego nami endegsib neŋgreŋyeb unu, “Tamo qudei naŋgi tal aqa ai di quraqyoqnsib maŋgaleqnub.” O was qu, tamo naŋgi di Qotei aqa anjam gotraŋyeqnub. Utru deqa naŋgi tal aqa ai di quraqyoqnsib maŋgaleqnub. Naŋgi kumbra uge uge yeqnub deqa Qotei na naŋgi padaltnjrqas. Qotei a nami naŋgi qa degsi marej.