Jon 13:11 - Yesus Aqa Anjam Bole

¹¹ Yesus a qalieej, aqa aŋgro bei agi Judas a na Yesus osim jeu tamo naŋgo baŋq di atqas. Deqa a marej, “Niŋgi kalil milalo sosai.”

Jon 13:11 Iomraidhean Croise

Jon 13:18

“Ijo anjam endi e niŋgi kalil qa marosai. E segi na niŋgi giltŋgem deqa e niŋgi qa qalieonum. Ariya anjam bei Qotei aqa neŋgreŋq di unu qaji di aqa damu brantqas. Anjam agiende, ‘Tamo e ombla bem uyqas qaji a na e jeutbqas.’

Jon 13:2

Ariya bilaqtonaqa a na aqa aŋgro naŋgi joqsiqa koba na awoosib iŋgi uyoqneb. Iŋgi uyeqnabqa Satan a Judas Iskariot aqa are miligiq aisiqa Judas na Yesus osim jeu tamo naŋgo baŋq di atqajqa areqalo di tigeltetej. Judas a Saimon Iskariot aqa ŋiri.

Jon 13:21

Yesus a naŋgi anjam degsi minjrsiq koboonaqa a are tulaŋ gulubekobaiyonaqa marej, “Niŋgi quiye. E bole merŋgwai. Ijo aŋgro bei na e osim jeu tamo naŋgo baŋq di atqas.”

Jon 13:26

Onaqa Yesus na minjej, “Aŋgro e na endego bem osiy quiq di tuqtosiy anaiyqai qaji a na e osim jeu tamo naŋgo baŋq di atqas.” Degsi minjsiqa bem quiq di tuqtosiq Saimon Iskariot aqa ŋiri Judas anaiyej.

Jon 17:12

E naŋgi ti sosimqa ino ñam kobaquja ni na ebem qaji ñam dena naŋgi taqatnjroqnem. Deqa ijo aŋgro bei padalosai. Ijo aŋgro qujai agi ni na nami padalqajqa giltem qaji a segi padalqas. A padalamqa ino anjam bei nami neŋgreŋyeb qaji di aqa damu brantqas.

Jon 18:4

Gulube kalil Yesus aqaq di brantqas qaji di a nami qaliesoqnej. Deqa jeu tamo naŋgi aqaq bonabqa a naŋgo areq gilsiqa nenemnjrej, “Niŋgi yai qa bonub?”

Jon 2:25

A powo bei qa truquosai. Deqa tamo bei na tamo naŋgo kumbra Yesus a qalieqajqa minjqa keresai. A segi tamo naŋgo areqalo a qalie bole.