Jon 13:1 - Yesus Aqa Anjam Bole

¹ Qotei a nami Israel naŋgi Isip sawaq dia padalqa laqnabqa eleŋosiq aqaryainjrej deqa are qalqajqa yori bati koba jojomonaqa Yesus a endegsi qalieej, “E mandam endi so bati koboqo. E moisiy ijo Abu aqaq olo oqwa bati brantqo.” A degsi qalieosiq deqa aqa segi tamo uŋgasari mandamq di soqneb qaji naŋgi tulaŋ qalaqalainjroqnsiq gilsi gilsiq aqa moiqa bati itej.

Jon 13:1 Iomraidhean Croise

Matyu 26:45

Ariya Yesus a pailyo koboonaqa a olo tigelosiqa aqa aŋgro naŋgo areq aisiq minjrej, “Niŋgi aqaratosib geregere ŋereŋejunub e? Uŋgum. Bati koboqo. Niŋgi ŋam atsib uniye. E Tamo Aŋgro ojsib une tamo naŋgo baŋq di atqajqa bati agi bqo.

Matyu 28:20

O ijo aŋgro, anjam kalil e nami niŋgi merŋgoqnem qaji di niŋgi walwelosib tamo uŋgasari naŋgi minjroqnsib laqniye. Laqnibqa naŋgi quoqnsib dauryoqnqab. Niŋgi segi sosib wauoqnqab edegaib. E bati gaigai niŋgi koba na wauoqnsiy sqai. Degsim soqnim soqnim diŋo bati brantqas.”

Luk 22:53

E nami koba atra tal miligiq dia niŋgi koba na sosim anjam merŋgoqnem bati deqa niŋgi yala baŋ waiysib e ojosai. Ariya bini nuŋgo bati brantqo. Endego ambru aqa siŋgila agi brantqo.”

Luk 9:51

Onaqa Yesus a mandam uratosim laŋ qureq oqwajqa bati jojomonaqa a Jerusalem qureq aiqajqa areqalo qujaitosiqa Jerusalem areiysiq walwelej.

Jon 11:55

Onaqa Juda naŋgo yori bati koba jojomej. Qotei a nami Israel naŋgi Isip sawaq dia padalqa laqnabqa eleŋosiq aqaryainjrej deqa are qalqajqa yori bati jojomonaqa Juda tamo uŋgasari tulaŋ gargekoba naŋgo qure qureq dena tigelosib yori bati di unqajqa deqa Jerusalem beb. Juda naŋgo kumbra agiende. Yori bati di brantosaisoqnimqa naŋgi Jerusalem bosib naŋgo segi jejamu yansosib yori bati tariŋqab. Deqa naŋgi Jerusalem beb.

Jon 12:23

Minjnab qusiqa naŋgi kamba minjrej, “E Tamo Aŋgro. Deqa e ñam koba oqajqa bati brantqo.

Jon 13:29

Judas a na naŋgo silali jugwajqa quŋ taqatoqnej. Deqa naŋgi are qaleb, Judas a gilsim yori bati aqa iŋgi iŋgi awaiyqajqa deqa kio Yesus na degsi minjej. Naŋgi qudei are qaleb, Judas a gilsim iŋgi awaiyosim tamo iŋgi iŋgi saiqoji unub qaji naŋgi anainjrqajqa deqa kio Yesus na degsi minjej.

Jon 13:3

Ariya Yesus a qalieej, aqa Abu na iŋgi iŋgi kalil aqa baŋq di ateleŋej. A Qotei aqaq dena bej olo puluosim Qotei aqaq oqwas di dego qalieej.

Jon 13:34

Endego e dal anjam bunuj eŋgwai. Dal anjam bunuj agiende. Niŋgi nuŋgo was naŋgi qalaqalainjroqniye. E niŋgi qalaqalaiŋgeqnum dego kere niŋgi kamba dego nuŋgo was naŋgi qalaqalainjroqniye.

Jon 14:28

E niŋgi endegsim merŋgonum quonub, ‘E niŋgi uratŋgsiy olo niŋgi qa bqai.’ Niŋgi e qalaqalaibonub qamu niŋgi ijo anjam deqa areboleboleiŋgwo qamu. Di kiyaqa? E ijo Abu aqaq olo oqwai deqa. Ijo Abu na e tulaŋ buŋbejunu.

Jon 14:31

Ariya ijo areqalo agiende. Tamo uŋgasari mandamq endi unub qaji naŋgi endegsib qalieqab, e na ijo Abu tulaŋ qalaqalaiyeqnum deqa aqa anjam kalil a na e merbeqnu qaji di e olo dauryeqnum. Ariya niŋgi tigelab iga gilqom.”

Jon 16:28

Nami e ijo Abu ombla sosim dena mandamq aiem. Bini e olo mandam uratosiy aqaq olo oqwai.”

Jon 17:1

Yesus a na aqa aŋgro naŋgi anjam degsi minjrsiq koboonaqa laŋ goge tarosiqa Qotei endegsi pailyej, “O Abu, bati brantqo. E ino segi Aŋgro deqa ni na e ñam koba ebime. Yim e kamba dego ni ñam koba emqai.

Jon 17:16

Naŋgi dego mandam endeqa tamo sai. Agi e dego mandam endeqa tamo sai.

Jon 17:26

E na ino ñam naŋgi osornjroqnem. Naŋgi olo osornjrqai. Yimqa ni na e tulaŋ qalaqalaibeqnum dego kere naŋgi dego ino qalaqalaiyo kumbra ti sqab. Amqa e segi naŋgi ti sqai.”

Jon 17:5

O Abu, nami mandam a brantosaisonaqa e ni ombla ñam koba ti soqnem. Ñam di ni na e olo ebimqa aqo ombla ñam koba ti sqom.

Jon 18:4

Gulube kalil Yesus aqaq di brantqas qaji di a nami qaliesoqnej. Deqa jeu tamo naŋgi aqaq bonabqa a naŋgo areq gilsiqa nenemnjrej, “Niŋgi yai qa bonub?”

Jon 19:28

Ariya Yesus a endegsi qalieej, “Wau kalil ijo Abu na ebej qaji agi kobotonum.” Osiqa Qotei aqa anjam bei nami neŋgreŋyeb qaji di aqa damu brantqajqa deqa marej, “E ya qarbqo.”

Jon 2:13

Qotei a nami Israel naŋgi Isip sawaq dia padalqa laqnabqa eleŋosiq aqaryainjrej deqa are qalqajqa yori bati jojomonaqa Yesus a Jerusalem aiej.

Jon 6:4

Bati deqa Juda naŋgo yori bati koba bei jojomej. Qotei a nami Israel naŋgi Isip sawaq dia padalqa laqnabqa eleŋosiq aqaryainjrej deqa are qalqajqa bati jojomej.

Jon 7:30

Onaqa naŋgi Yesus aqa anjam di qusibqa naŋgi a ojsib tonto talq di waiyqa mareb. Ariya a ojqa bati kereosaisoqnej deqa tamo bei na a ojosai.

Jon 7:6

Onaqa Yesus na kamba minjrej, “Ijo bati kereosaiunu. Ariya bati kalil di nuŋgo bati.

Jon 8:20

Yesus a atra tal miligiq di sosiqa tamo uŋgasari naŋgi anjam degsi minjrej. A silali ato qaji warum jojomq di awesoqnej. Warum dia tamo naŋgi Qotei atraiyoqnsibqa silali atoqneb. Yesus ojqa bati kereosaisoqnej deqa tamo bei na a ojosai.

Rom 8:37

Ariya Kristus na iga qalaqalaigej deqa gulube kalil di gagoq di brantoqnqas di uŋgum. A na gaigai iga aqaryaigeqnu deqa iga qoto siŋgilaoqnsim tigelejunum.

1 Korin 1:8

Yesus Kristus a na niŋgi siŋgilatŋgoqnqas deqa niŋgi siŋgila na tigelesosib gilsib gilsib diŋo bati itqab. Yimqa gago Tamo Koba Yesus Kristus a olo laŋ qureq na brantimqa bati deqa niŋgi Qotei aqa ŋamgalaq di une saiqoji sqab.

Hibru 3:14

Iga nami siŋgila na Qotei qa gago areqalo siŋgilatem. Ariya gago areqalo di iga olo tulaŋ siŋgila na ojsimqa gilsim gilsim moiqom. Iga degyqom di iga Kristus aqa segi tamo uŋgasari tiŋtiŋ sqom.

Hibru 3:6

Ariya Kristus a Qotei aqa Ŋiri. Deqa Qotei na a wau yonaqa a na Qotei aqa tamo uŋgasari naŋgi taqatnjroqnej. Tamo uŋgasari naŋgi di Qotei aqa tal bul. Kristus a Qotei aqa anjam geregere dauryoqnsiq wau di yoqnej. Deqa iga gaigai Kristus qa gago areqalo siŋgilatoqnsim a olo bqajqa deqa tariŋoqnsim sqom. Iga degyqom di iga dego Qotei aqa tal bul sqom.

Hibru 6:11

Ariya gago areqalo agiende. Niŋgi kalil degsib siŋgila na wauoqniye. Osib mondoŋ Qotei na niŋgi olo boletŋgwajqa deqa tariŋoqnsib soqniye.

1 Pita 1:13

Deqa niŋgi gaigai ijo anjam di dauryqajqa are qaloqnsib nuŋgo walwel geregere taqatosib soqniye. Sosib Yesus Kristus qa nuŋgo areqalo siŋgilatoqnsibqa mondoŋ a olo laŋ qureq dena brantosim kumbra tulaŋ boledamu niŋgi eŋgwajqa deqa tariŋoqnsib soqniye.

1 Jon 4:19

Iga na gago Kristen was naŋgi qalaqalainjreqnum. Di kiyaqa? Qotei a namoqna iga qalaqalaigej deqa.

Uli Anjam 1:5

Yesus Kristus a Qotei aqa anjam kalil geregere palontosiq mareqnu qaji tamo. A tamo kalil naŋgi qa namoosiq subq na tigelej. A mandor kokba kalil mandamq endi unub qaji naŋgo Tamo Koba. A dego niŋgi qa are tulaŋ boleiyimqa niŋgi are lawo na soqniye. Yesus a na iga tulaŋ qalaqalaigeqnu. A moisiqa aqa leŋ aiej dena a na gago une kalil kobotetgej.