Jon 12:6 - Yesus Aqa Anjam Bole

⁶ Judas a tamo iŋgi iŋgi saiqoji unub qaji naŋgi qa are qalsiq anjam di marosai. A bajiŋ tamo. A Yesus aqa aŋgro naŋgo silali jugwajqa quŋ taqatoqnej. Deqa naŋgi quŋ miligiq di silali ateqnab a na olo bajiŋoqnej. A deqa are qalsiq marej.

Jon 12:6 Iomraidhean Croise

Matyu 21:13

Ariya naŋgi kalil jaraieqnabqa Yesus na minjrej, “Qotei aqa anjam bei nami endegsib neŋgreŋyeb unu, ‘Ijo tal endi pailyqajqa tal.’ Qotei aqa anjam degsi unu. Ariya niŋgi olo tal endi ugetonubqa a bajiŋ tamo naŋgo tal bulqo.”

Luk 8:3

Uŋa bei aqa ñam Joana. A Kusa aqa ŋauŋ. Kusa a Mandor Koba Herot aqa tal taqatoqnej qaji. Uŋa bei Susana. Uŋgasari gargekoba naŋgi dego Yesus dauryoqneb. Naŋgi naŋgo segi silali na Yesus aqa aŋgro ti iŋgi awaiyetnjroqneb.

Jon 10:13

A silali qa segi wauqa osimqa a kaja naŋgi geregere taqatnjrqasai. Deqa a kaja naŋgi qa are sosai. Deqa bauŋ juwaŋ bamqa a kaja naŋgi uratnjrsim ulaŋqas.

Jon 12:5

“Iga kiyaqa goreŋ di qariŋyosai? Osim meniŋ silali 300 osim tamo iŋgi iŋgi saiqoji unub qaji naŋgi aqaryainjrosai?”

Jon 13:29

Judas a na naŋgo silali jugwajqa quŋ taqatoqnej. Deqa naŋgi are qaleb, Judas a gilsim yori bati aqa iŋgi iŋgi awaiyqajqa deqa kio Yesus na degsi minjej. Naŋgi qudei are qaleb, Judas a gilsim iŋgi awaiyosim tamo iŋgi iŋgi saiqoji unub qaji naŋgi anainjrqajqa deqa kio Yesus na degsi minjej.

Galesia 2:10

Osib naŋgi anjam qujai segi aqo aiyel endegsib mergeb, “Gago ambleq endia Kristen tamo qudei naŋgi iŋgi iŋgi tulaŋ saiqoji unub. Deqa niŋgi naŋgi qa are walŋgaiq. Niŋgi naŋgi dego aqaryainjroqniye.” Onaqa iga naŋgi odnjrem. Di kiyaqa? Iga nami tamo iŋgi iŋgi saiqoji unub qaji naŋgi aqaryainjrqajqa are koba soqnej agi bini degsim unum.

1 Tesalonaika 5:22

Osib kumbra uge kalil uratoqniye.

Jems 2:2

E na niŋgi degsi merŋgonum. Di kiyaqa? Niŋgi qudei kumbra uge endeg-yeqnub. Ñoro tamo bei a gara tulaŋ boledamu na walaosim baŋriŋ gol na gereiyo qaji di jigsim nuŋgo Qotei tal miligiq gilimqa niŋgi aqa ñam soqtosib a geregereiyosib minjibqa awo jaram boleq di awoqas. Ariya tamo bei iŋgi iŋgi saiqoji unu qaji a gara jigat braŋo jigsimqa a dego Qotei tal miligiq gilimqa niŋgi aqa ñam ugetosib minjqab, “Ni qalaq di tigelesoqne” o “Ni mandamq di awo.”

Jems 2:6

O was qu, nuŋgo kumbra di uge. Niŋgi na tamo iŋgi iŋgi saiqoji unub qaji naŋgo ñam aguq ateqnub. Niŋgi are qaliye. Tamo yai naŋgi na niŋgi ugeugeiŋgoqnsib nuŋgo jejamuq di une eŋgoqnsib niŋgi joqoqnsib anjam pegiyo tamo naŋgo ulatamuq dia niŋgi tigeltŋgeqnub? Tamo silali koba ti unub qaji naŋgi segi na kumbra di yeqnub.