Jon 12:2 - Yesus Aqa Anjam Bole

² Gilnaqa qure deqaji tamo uŋgasari naŋgi unsibqa areboleboleinjrnaqa iŋgi goieteb. Ariya Marta a iŋgi suweiyosiq Lasarus wo Yesus wo tamo qudei ti metnjrnaq bosib koba na awoosib iŋgi uyoqneb.

Jon 12:2 Iomraidhean Croise

Matyu 26:6

Onaqa Yesus a Betani qureq gilsiqa tamo bei nami jejamu yu na ugetej qaji aqa ñam Saimon aqa talq di soqnej.

Mak 14:3

Onaqa Yesus a Betani qureq gilsiqa tamo bei nami jejamu yu na ugetej qaji aqa ñam Saimon aqa talq di soqnej. Sosiqa iŋgi uyeqnaqa uŋa bei a goreŋ quleq tulaŋ boledamu silali kobaquja na awaiyej qaji di jaliŋaq jigsiqa osi bosiqa aqa medabu paratosiqa Yesus aqa gateq di bilentej.

Luk 12:37

Tal lanja aqa wau tamo naŋgi a qa tariŋosib ŋam atoqnibqa bosim degsi unjrimqa naŋgi tulaŋ areboleboleinjrqas. Deqa a na naŋgi minjrim awoeleŋabqa iŋgi anainjroqnqas.

Luk 14:12

Yesus na anjam degsi minjrsiqa goio lanja di minjej, “Ni maruro atsimqa ino segi was naŋgi ti ino segi leŋ naŋgi ti tamo ñoro koba ejunub qaji naŋgi ti metnjraim. Ni degyqam di naŋgi na kamba maruro atsib ni metmib gilim iŋgi anaimqab.

Luk 22:27

Niŋgi are qaliye. Tamo yai a tamo kobaquja? Tamo awoosiq iŋgi uyeqnu a kio? Kaŋgal tamo iŋgi suweiyosiq anaiyeqnu a kio? Tamo agi awoosiq iŋgi uyeqnu qaji a tamo kobaquja. Ariya niŋgi degyaib. Niŋgi ijo kumbra dauryiye. Agi e nuŋgo ambleq endi sosimqa niŋgi kaŋgalŋgeqnum.

Luk 5:29

Yesus dauryosiqa giloqnsiq Yesus minjej, “Ni ijo talq bosim iŋgi uye.” Degsi minjsiqa aqa segi talq osi gilsiqa maruro atsiqa iŋgi goietej. A segi sai. Takis o qaji tamo tulaŋ gargekoba naŋgi ti Yesus aqa segi aŋgro naŋgi ti tamo laŋa laŋaj naŋgi ti dego metnjrnaq bosib koba na awoosib iŋgi uyoqneb.

Uli Anjam 3:20

“‘Ni e nube. E siraŋmeq di tigelesosimqa kindokindoŋeqnum. Tamo bei a ijo kakoro qusimqa siraŋ waqtetbqas e miligiq gilsiy aqo ombla iŋgi uyqom.