Jon 11:11 - Yesus Aqa Anjam Bole

¹¹ Yesus a anjam degsi marsiqa olo minjrej, “Gago was Lasarus a ŋeiejunu. E aisiy dudumyqai.”

Jon 11:11 Iomraidhean Croise

Matyu 27:52

Onaqa bati deqa Qotei aqa segi tamo uŋgasari gargekoba nami moreŋeb qaji naŋgo sub waqeleŋonabqa naŋgi olo subq na tigeleb. Ariya bunuqna Yesus a dego subq na tigelonaqa tamo uŋgasari naŋgi di Qotei aqa qure koba miligiq gilnabqa tamo uŋgasari gargekoba naŋgi na unjreb.

Matyu 9:24

Unjrsiqa minjrej, “Niŋgi sasaloiye. Aŋgro sebiŋ di a moiosai. A laŋa ŋeisiq qambumtejunu.” Degsi minjrnaqa naŋgi Yesus kikiyeb.

Jon 11:10

Ariya seŋ aisiq qoloqo sawa ambruqo. Deqa tamo naŋgi walwelqa keresai. Maŋgalqab.”

Jon 11:12

Onaqa Yesus aqa aŋgro naŋgi aqa anjam di qusibqa minjeb, “O Tamo Koba, a ŋeiejunu degam aqa ma saiqas.”

Jon 11:13

Naŋgi Lasarus a bole ŋeiejunu edegeb. Di sai. A bole moiej. Yesus a Lasarus aqa moio qa sigitosiqa ŋeio qa marej.

Jon 11:3

Deqa Maria wo Marta wo naŋgi na tamo qudei qariŋnjrnab Yesus aqaq gilsib minjeb, “O Tamo Koba, tamo ni tulaŋ qalaqalaiyeqnum qaji a maiyqo.”

Jon 3:29

Tamo uŋa baŋ ojqas qaji a segi na uŋa di oqas. Aqa was a laŋa qalaq di tigelesosimqa tamo uŋa baŋ ojqo qaji aqa anjam quoqnqas. Qusimqa tulaŋ areboleboleiyqas. Dego kere e bini tulaŋ areboleboleibqo.

Aposel 7:60

Degsi pailyosiqa siŋga tombol na awoosiq tulaŋ koba maosiq marej, “O Tamo Koba Yesus, naŋgi e lubonub naŋgo une deqa marsim kambatnjraime. Naŋgo une di kobotetnjrime.” A degsi pailyosiqa moiej.

1 Korin 15:18

Deqa tamo naŋgi Kristus qa naŋgo areqalo siŋgilatosib nami moreŋeb qaji naŋgi torei padaleb qamu.

1 Korin 15:34

Deqa niŋgi nanari kumbra uratosib areqalo bole ti sosib olo une yoqnaib. Niŋgi quiye. Nuŋgo ambleq di tamo qudei naŋgi Qotei qalieosaiunub. Niŋgi deqa jemaiŋgwajqa deqa e anjam di niŋgi merŋgonum.

1 Korin 15:51

Deqa e na uli anjam bei niŋgi endegsi merŋgwai. Iga kalil moiqasai. Ariya iga kalil jejamu bulyosim jejamu bunuj oqom.

Efesus 5:14

Suwaŋ dena iŋgi qudei boleq ateqnaqa iŋgi di suwaŋobuleqnu. Agi anjam bei endegsi unu, “Ni tamo ŋeiejunum qaji ni olo subq na tigel. Yim Kristus a na ni suwaŋ emqas.”

1 Tesalonaika 5:10

Yesus a iga qa moiej deqa iga ŋambile sqom kio iga moiqom kio di uŋgum. Iga Yesus koba na ŋambile gaigai sqom.

Jems 2:23

Agi Qotei aqa anjam bei nami endegsib neŋgreŋyeb unu, “Abraham a Qotei qa aqa areqalo siŋgilatej deqa Qotei na minjej, ‘Ni ijo ŋamgalaq di tamo bole une saiqoji.’” Osiqa Abraham kadoiyej. Anjam neŋgreŋyeb qaji di aqa damu agi brantej.