Jon 10:6 - Yesus Aqa Anjam Bole

⁶ Yesus a na Farisi naŋgi yawo anjam degsi minjrnaqa naŋgi qusib utru poinjrosai.

Jon 10:6 Iomraidhean Croise

Matyu 13:34

Yesus a na tamo uŋgasari naŋgi yawo anjam gargekoba deqaji minjroqnej. A anjam bei minjrosaioqnej. Yawo anjam segi minjroqnej.

Matyu 13:51

Yesus a na aqa aŋgro naŋgi anjam degsi minjrej. Osiqa nenemnjrej, “Yawo anjam kalil merŋgonum qaji endi niŋgi utru poiŋgwo e?” Onaqa naŋgi na minjeb, “Od.”

Mak 4:34

A anjam bei minjrosaioqnej. Yawo anjam segi minjroqnej. Olo segitoqnsiqa aqa segi aŋgro naŋgi yawo anjam aqa utru geregere plaltosiq minjroqnej.

Jon 16:25

Osiqa Yesus a olo anjam endegsi minjrej, “E anjam merŋgeqnum endi yawo na anjam merŋgeqnum. Bunuqna e olo yawo anjam bei merŋgwasai. Anjam aqa damu geregere plaltosiy ijo Abu qa merŋgoqnqai.

Jon 16:29

Onaqa Yesus aqa aŋgro naŋgi aqa anjam di qusib minjeb, “Od, endego ni boleq na anjam ubtosim mergonum. Ni yawo anjam mergosai.

Jon 6:52

Onaqa Juda naŋgi Yesus aqa anjam di qusib segi segi ŋiriŋosib maroqneb, “Tamo di a kiersimqa aqa segi jejamu iga anaigim uyqom?”

Jon 6:60

Onaqa Yesus aqa aŋgro naŋgi aqa anjam di qusibqa naŋgi segi segi gargekoba endegsib maroqneb, “Anjam di gulube koba. Tamo yai a anjam di poiyqa kere?”

Jon 7:36

A marqo, ‘Niŋgi e qa ŋamqab e nubqasai. Qure e sqai qaji di niŋgi oqwa keresai.’ Utru kiyaqa a degsi marqo?”

Jon 8:27

Naŋgi qaliesai, Yesus a naŋgi aqa Abu qa anjam degsi minjrej.

Jon 8:43

“Kiyaqa niŋgi ijo anjam endi poiŋgosai? Utru endegsi merŋgwai. Niŋgi ijo anjam quqwa keresai deqa.

1 Korin 2:14

Ariya tamo naŋgi Qotei aqa Mondor ti sosai qaji naŋgi laŋ qa iŋgi iŋgi di oqa keresai. Di kiyaqa? Naŋgi mareqnub, “Iŋgi iŋgi di bolesai. Di nanari tamo naŋgo iŋgi.” O was qu, iŋgi iŋgi di iga Qotei aqa Mondor aqaq dena eleŋeqnum. Deqa tamo naŋgi Qotei aqa Mondor ti sosai qaji naŋgi iŋgi iŋgi deqa poinjrqa keresai. Tamo naŋgi Mondor ti unub qaji naŋgi segi iŋgi iŋgi deqa poinjrqa kere.

2 Pita 2:22

Tamo naŋgi di bauŋ ti bel ti bul. Agi anjam bole bei endegsi unu, “Bauŋ naŋgo kumbra agiende. Naŋgi ŋiloqnsib olo puluoqnsib naŋgo ŋilo uyeqnub.” Anjam bei dego unu, “Bel naŋgo kumbra agiende. Naŋgi yaq di yaloqnsib olo boqnsib jagiq di briŋeqnub.”

1 Jon 5:20

Iga qalie, Qotei aqa Ŋiri a bosiq iga powo egej. Yim iga Qotei qa bole qalieqajqa deqa. Iga Qotei beteryejunum. Iga aqa Ŋiri Yesus Kristus dego beteryejunum. Yesus a segi Qotei bole. A segi ŋambile gaigai sqajqa utru.