Jon 10:5 - Yesus Aqa Anjam Bole

⁵ Tamo laŋaj bei na naŋgi metnjrqas di naŋgi aqa kakoro qaliesai deqa naŋgi a dauryqasai. Naŋgi a uratosib jaraiqab.”

Jon 10:5 Iomraidhean Croise

Mak 4:24

Osiqa minjrej, “Qotei aqa anjam niŋgi queqnub qaji endi geregere qusib dauryoqniye. Niŋgi dauryoqnqab dego kere Qotei a kamba powo koba eŋgoqnqas. Osim olo powo tulaŋ koba eŋgoqnsim sqas.

Luk 8:18

“Deqa niŋgi ijo anjam geregere qusib poiŋgem. Di kiyaqa? Tamo a powo ti sqas di Qotei na powo olo yimqa a powo koba oqas. Ariya tamo a powo ti sqasai di powo kiñala aqaq di unu qaji di Qotei na olo yaiyimqa a laŋa sqas. A mareqnu, ‘E powo ti.’ Di sai. A powo saiqoji.”

Jon 10:16

Ijo kaja qudei dego jeŋ oqeq di unub. Naŋgi jeŋ miligiq endi sosai. Deqa e naŋgi dego joqsiy bosiy ijo kaja jeŋ miligiq endi unub qaji naŋgi ti turtnjrsiy jeŋ qujaiq di breinjrqai. Yim naŋgi mandor qujaiq di sosib ijo medabu dauryoqnqab.

Jon 10:4

Aqa segi kaja kalil naŋgi joqsim oqedoqnsim a naŋgi qa namoosim giloqnimqa naŋgi aqa kakoro qa poinjrqo deqa naŋgi a dauryoqnqab.

2 Timoti 4:3

Ni que. Bunuqna tamo gargekoba naŋgi Qotei aqa anjam quqwa asginjroqnimqa naŋgi anjam utru bei bei quqwajqa are prugnjroqnim naŋgo segi areqalo na tamo qudei naŋgi metnjroqnib bosib gisaŋ anjam minjroqnib qusib arearetnjroqnqas.

1 Jon 2:19

Jeu tamo naŋgi di nami gago ambleq di soqneb. Sosib olo bunuqna iga uratgosib jaraieb. Di kiyaqa? Naŋgi Kristen tamo bolesai deqa. Naŋgi Kristen tamo bole qamu naŋgi iga ti unum qamu. Ariya naŋgi iga uratgosib jaraieb deqa iga qalieonum, naŋgi Kristen tamo bolesai.

1 Jon 2:21

Niŋgi anjam bole qaliesai e deqa osim anjam endi neŋgreŋyosai. Niŋgi anjam bole qalieonub e deqa osim anjam endi neŋgreŋyonum. Niŋgi qalie, iga anjam bole marqom dena iga gisaŋ anjam bei babtqa keresai.

Uli Anjam 2:2

Ino kumbra ti ino wau ti di e qalieonum. E qalie, ni siŋgila na tigeloqnsimqa tamo uge naŋgi qa tulaŋ asgimeqnu. Tamo naŋgi di endegsib mermeqnub, “Iga dego Qotei aqa anjam marqajqa deqa qariŋgwo.” Di gisaŋ. Qotei na naŋgi qariŋnjrosai. Ni naŋgo anjam di tenemtosim ni qalieonum, naŋgi gisaŋ tamo. Ni keretsim qalieonum.