Jon 10:11 - Yesus Aqa Anjam Bole

¹¹ E kaja naŋgo Mandor bole. Deqa e na kaja naŋgi aqaryainjrqa osiy ijo segi ŋambile uratosiy moiqai.

Jon 10:11 Iomraidhean Croise

Matyu 20:28

E Tamo Aŋgro. Niŋgi ijo kumbra qalieosib degsib dauryoqniye. Tamo naŋgi na e aqaryaibosib wauetbqajqa e deqa bosai. E na tamo naŋgi wauetnjrqa bem. E na tamo uŋgasari gargekoba naŋgi aqaryainjrsiy ijo segi ŋambile uratosiy naŋgi eleŋqai. E deqa bem.”

Jon 10:2

Tamo a siraŋmeq na jeŋ miligiq gilqas di a kaja naŋgo mandor bole.

Jon 15:13

Tamo bei na aqa kadoi naŋgi tulaŋ qalaqalainjrsim deqa a na naŋgi aqaryainjrqa osimqa aqa segi ŋambile uratosim moiqas di a kumbra tulaŋ boledamu yqas. Qalaqalaiyo kumbra dena qalaqalaiyo kumbra kalil tulaŋ buŋnjrejunu.

Efesus 5:2

Kristus a na iga tulaŋ qalaqalaigosiq deqa aqa segi ŋambile uratosiq iga qa moiej. Dego kere niŋgi dego qalaqalaiyo kumbra dauryosib walweloqniye. Atra tamo naŋgi atraiyo iŋgi iŋgi sabaŋ quleq bolequja di oqnsib Qotei atraiyeqnub dego kere Kristus a na aqa segi ŋambile Qotei atraiyosiq moinaqa Qotei a deqa tulaŋ areboleboleiyej.

Taitus 2:14

Kristus a na iga eleŋosim gago une kalil kobotqajqa deqa marsiq aqa segi ŋambile uratosiq moiej. Iga aqa segi tamo uŋgasari boledamu sosim kumbra bole bole siŋgila na dauryoqnqajqa deqa marsiq aqa segi ŋambile uratej.

Hibru 13:20

Gago Tamo Koba Yesus a gago Mandor Koba. A na kaja du du naŋgi geregere taqatnjreqnu. Aqa kaja du du agi iga. Aqa leŋ aiej dena a na Qotei aqa anjam bunuj gaigai sqas qaji di siŋgila-tej. Deqa Qotei agi iga are lawo egeqnu qaji a na Yesus subq na olo tigeltej.

1 Pita 5:4

Niŋgi kumbra degyibqa mondoŋ kaja naŋgo Mandor Koba Yesus a laŋ qureq na olo brantimqa bati deqa niŋgi awai tulaŋ boledamu oqab. Awai di ugeqa keresai. Gaigai sqas.

1 Jon 3:16

Yesus a aqa segi ŋambile uratosiq iga qa moiej. Aqa kumbra dena a na iga qalaqalaiyo kumbra osorgej. Deqa iga dego gago Kristen was naŋgi qa are qalsim gago segi ŋambile uratosim naŋgi qa moreŋqom.

Uli Anjam 7:17

Di kiyaqa? Kaja Du awo jaram koba jojomq di unu qaji a naŋgo Mandor Koba sqas deqa. A naŋgi joqsimqa ŋambile gaigai sqajqa ya jumbumq giloqnqas. Qotei a na naŋgo ŋam ya kalil nuntetnjrimqa naŋgi olo bunu akamqasai.”