Jon 10:10 - Yesus Aqa Anjam Bole

¹⁰ “Bajiŋ tamo naŋgi iŋgi bei qa bosaieqnub. Naŋgi kaja bajiŋosib ñumqajqa deqa beqnub. Ariya e degyqa bosai. E na kaja naŋgi ŋambile enjritqa naŋgi ŋambile sqajqa e deqa bem.

Jon 10:10 Iomraidhean Croise

Matyu 18:10

“Deqa niŋgi aŋgro kiñilala e qa naŋgo areqalo siŋgilateqnub qaji naŋgi qa ugeaib. E niŋgi endegsi merŋgwai. Naŋgo laŋ aŋgro naŋgi na naŋgi taqatnjroqnsibqa ijo Abu laŋ qureq di unu qaji aqa ulatamu bati gaigai unoqnsib naŋgi qa pailyeqnub.

Matyu 18:11

E segi Tamo Aŋgro. E na tamo uŋgasari padalejunub qaji naŋgi oqajqa deqa marsim mandamq aiem.

Matyu 20:28

E Tamo Aŋgro. Niŋgi ijo kumbra qalieosib degsib dauryoqniye. Tamo naŋgi na e aqaryaibosib wauetbqajqa e deqa bosai. E na tamo naŋgi wauetnjrqa bem. E na tamo uŋgasari gargekoba naŋgi aqaryainjrsiy ijo segi ŋambile uratosiy naŋgi eleŋqai. E deqa bem.”

Matyu 21:13

Ariya naŋgi kalil jaraieqnabqa Yesus na minjrej, “Qotei aqa anjam bei nami endegsib neŋgreŋyeb unu, ‘Ijo tal endi pailyqajqa tal.’ Qotei aqa anjam degsi unu. Ariya niŋgi olo tal endi ugetonubqa a bajiŋ tamo naŋgo tal bulqo.”

Matyu 23:13

Osiqa Yesus a olo anjam endegsi minjrej, “O dal anjam qalie tamo ti Farisi ti niŋgi ŋam atiye. Niŋgi anjam maro aiyelteqnub qaji tamo. Deqa tamo uŋgasari naŋgi laŋ qureq oqwajqa gam itqa mareqnabqa niŋgi na gam getentetnjreqnub. Niŋgi segi na laŋ qureq oqwajqa gam itqa keresai. Deqa tamo uŋgasari naŋgi dego laŋ qureq oqwajqa gam itqa yeqnab niŋgi na gam getentetnjreqnub. Nuŋgo une deqa niŋgi tulaŋ padalougetqab.

Mak 11:17

Ariya naŋgi kalil jaraieqnabqa Yesus na minjrej, “Qotei aqa anjam bei nami endegsib neŋgreŋyeb unu, ‘Ijo tal endi tamo uŋgasari kalil naŋgo pailyqajqa tal.’ Qotei aqa anjam degsi unu. Ariya niŋgi olo tal endi ugetonubqa a bajiŋ tamo naŋgo tal bulqo.”

Luk 19:10

E segi Tamo Aŋgro. Deqa e na tamo uŋgasari padalo gamq di unub qaji naŋgi ŋamosiy itnjrsiy eleŋqai. Yimqa naŋgi padalo gam uratosib ŋambile gaigai sqab. E deqa mandamq aiem.”

Jon 10:1

Osiqa Yesus a olo anjam endegsi minjrej, “Niŋgi quiye. E bole merŋgwai. Tamo bei a kaja naŋgo jeŋ miligiq gilqa osimqa siraŋmeq na gilqa uratosim qalaq na jeŋ prugosim miligiq gilqas di a bajiŋ tamo.

Jon 10:11

E kaja naŋgo Mandor bole. Deqa e na kaja naŋgi aqaryainjrqa osiy ijo segi ŋambile uratosiy moiqai.

Jon 12:47

Tamo bei a ijo anjam qusimqa ariya a dauryqasai di e aqa une deqa a pegiyqasai. E na tamo uŋgasari mandamq endi unub qaji naŋgo une qa peginjrqa bosai. E naŋgi oqajqa bem.

Jon 12:6

Judas a tamo iŋgi iŋgi saiqoji unub qaji naŋgi qa are qalsiq anjam di marosai. A bajiŋ tamo. A Yesus aqa aŋgro naŋgo silali jugwajqa quŋ taqatoqnej. Deqa naŋgi quŋ miligiq di silali ateqnab a na olo bajiŋoqnej. A deqa are qalsiq marej.

Jon 3:17

Qotei a na tamo uŋgasari mandamq endi unub qaji naŋgo kumbra qa naŋgi peginjrqajqa deqa are qalsiq aqa Ŋiri naŋgoq qariŋyosai. A na naŋgi eleŋam naŋgi padalaib deqa are qalsiq aqa Ŋiri qariŋyonaq mandamq aiej.

Jon 5:40

Ariya niŋgi ŋambile oqa marsib e qa bqajqa urateqnub.

Jon 6:33

Bem bole Qotei na niŋgi eŋgeqnu qaji di laŋ qureq dena mandamq aisiq tamo uŋgasari mandamq endi unub qaji naŋgi ŋambile enjreqnu.”

Jon 6:51

E segi ŋambile qa bem bole laŋ qure uratosim mandamq aiem qaji. Tamo bei a bem di uyqas di a ŋambile gaigai sqas. Bem di agi ijo segi jejamu. E na tamo uŋgasari mandamq endi unub qaji naŋgi ijo segi jejamu naŋgi anainjrit uyqab. Uysib naŋgi ŋambile sqab.”

Rom 2:21

Od, niŋgi gaigai tamo uŋgasari naŋgi dal anjam plaltosib minjreqnub. Ariya kiyaqa niŋgi segi olo dal anjam dauryosaieqnub? Niŋgi mareqnub, “Bajiŋaib.” Ariya niŋgi segi olo bajiŋeqnub.

1 Timoti 1:15

Kristus Yesus a na iga tamo uŋgasari une yeqnum qaji iga eleŋqa marsiq deqa mandamq aiej. Anjam di bole. Tamo kalil naŋgi qusib marqab, “Bole.” O Timoti, e nami une gargekoba yoqnem deqa e na une tamo kalil naŋgi tulaŋ buŋnjroqnem.

Hibru 6:17

Nami Qotei a anjam endegsi marej, “E na Abraham aqa leŋ naŋgi gereinjrqai.” Qotei aqa areqalo di a na olo bulyqa keresai. A iga degsi osorgwajqa deqa aqa anjam di olo siŋgilatej.

Hibru 7:25

Deqa tamo uŋgasari Yesus aqa ñam na Qotei aqa areq gileqnub qaji naŋgi di a na torei oqa kere. Di kiyaqa? A bati gaigai ŋambile sosim naŋgi qa Qotei pailyoqnqas.

2 Pita 1:11

Qotei na gam waqtetŋgimqa niŋgi laŋ qureq oqibqa gago Tamo Koba Yesus Kristus agi iga eleŋej qaji a nuŋgo Mandor Koba sosim niŋgi taqatŋgimqa niŋgi so bole gaigai sqab.