Jon 1:44 - Yesus Aqa Anjam Bole

⁴⁴ Filip a Betsaida qure qaji. Di Andru wo Pita wo naŋgo qure utru.

Jon 1:44 Iomraidhean Croise

Matyu 10:3

Ariya Filip wo Bartolomyu wo. Bei Tomas naŋgi takis o qaji tamo Matyu wo. Bei Alfias aqa ŋiri Jems naŋgi Tadius wo.

Matyu 11:21

Osiqa minjrej, “O tamo uŋgasari Korasin qure ti Betsaida qure ti di unub qaji, niŋgi tulaŋ padalougetqab. Tamo bei a Tair qure ti Saidon qure ti deq gilsiq maŋwa e nuŋgoq di yoqnem qaji di naŋgoq di yo qamu naŋgi nami are bulyosib naŋgo une qa are ugeinjrnaq are uge qa gara jigsib ŋam sumq di awoeb qamu.

Mak 3:18

Ariya Andru wo Filip wo. Bei Bartolomyu naŋgi Matyu wo. Bei Tomas. Bei Alfias aqa ŋiri Jems. Bei Tadius. Bei Saimon agi Rom naŋgi winjrqajqa maroqnej qaji.

Mak 6:45

Onaqa Yesus a na aqa aŋgro naŋgi endegsi minjrej, “Niŋgi qobuŋ gogetosib namoosib gilsib Betsaida qureq di tiryosib soqniye. E na tamo uŋgasari naŋgi minjritqa naŋgo qure qureq jaraioqnib bqai.”

Mak 8:22

Yesus a na naŋgi degsi minjrsiqa koba na qobuŋ na gilsib Betsaida qureq di tiryeb. Tiryosib mandamq ainabqa tamo qudei naŋgi na tamo bei ŋam qandimyej qaji a Yesus aqa areq osi bosib minjeb, “Ni ino baŋ aqa gateq di atimqa a olo boleosim ŋam poiyqas.”

Luk 10:13

“O tamo uŋgasari Korasin qure ti Betsaida qure ti di unub qaji, niŋgi tulaŋ padalougetqab. Tamo bei a Tair qure ti Saidon qure ti deq gilsiq maŋwa e nuŋgoq di yoqnem qaji di naŋgoq di yo qamu naŋgi nami are bulyosib naŋgo une qa are ugeinjrnaq unsib are uge qa gara jigsib ŋam sumq di awoeb qamu.

Luk 6:14

Naŋgo ñam agiende. Bei Saimon. Aqa ñam bei Yesus na Pita waiyej. Naŋgi aqa was Andru wo. Bei Jems. Naŋgi aqa was Jon wo. Bei Filip. Bei Bartolomyu.

Luk 9:10

Onaqa Yesus aqa aŋgro 12-pela qariŋnjrnaq qure qureq giloqneb qaji naŋgi olo Yesus aqaq bosibqa kumbra kalil naŋgi yoqneb qaji deqa Yesus saiyosib minjoqneb. Minjnabqa Yesus a qusiqa naŋgi joqsiq qure bei ñam Betsaida gileb.

Jon 1:43

Olo nebeonaqa Yesus a Galili sawaq gilqa osiqa Filip itosiq minjej, “Ni e daurbe.”

Jon 1:45

Ariya Filip a mati olo aisiqa Nataniel itosiq minjej, “Ni au. Iga tamo a qa nami Moses a dal anjam neŋgreŋyej qaji a unonum. Qotei aqa medabu o qaji tamo naŋgi dego a qa osib neŋgreŋyeleŋeb. Tamo di Yesus Nasaret qure qaji. A Josep aqa ŋiri.”

Jon 1:46

Onaqa Nataniel na kamba Filip minjej, “Nasaret di qure kobaquja sai. Di qure kiñala. Kristus a qure dena bqa kere kio?” Onaqa Filip na minjej, “Ni bosim tamo di unime.”

Jon 1:48

Onaqa Nataniel na Yesus nenemyej, “Ni kiersim e qa qalieonum?” Onaqa Yesus na kamba minjej, “Filip a ni metmosaisonaqa ni qura utruq di awesonamqa e ni numonum.”

Jon 12:21

Deqa Grik tamo naŋgi di Filip aqaq di branteb. Di kiyaqa? Filip a dego Grik tamo deqa. Filip aqa qure utru Betsaida. Qure di Galili sawaq di unu. Ariya naŋgi Filip aqaq di brantosib minjeb, “O gago was, iga Yesus unqa bonum.”

Jon 12:22

Onaqa Filip a aisiqa Grik tamo naŋgo anjam mareb qaji di Andru minjej. Minjsiqa Andru ombla gilsib anjam di olo Yesus minjeb.

Jon 6:5

Onaqa Yesus a ŋam atsiqa tamo uŋgasari tulaŋ gargekoba a dauryosib aqa areq beqnabqa unjrsiqa aqa aŋgro bei Filip nenemyej, “Iga qabe na iŋgi awaiyosim tamo uŋgasari kalil di anainjronam kereqas?”

Jon 6:7

Onaqa Filip na kamba Yesus minjej, “Iga 200 kina osim dena iŋgi awaiyosim iŋgi kiñala kiñala anainjrqom di kereqasai.”