Jon 1:42 - Yesus Aqa Anjam Bole

⁴² Degsi minjsiqa Saimon osiq Yesus aqa areq osi gilej. Onaqa Yesus na Saimon unsiqa minjej, “Ni Saimon, Jon aqa ŋiri. Bunuqna ino ñam Sifas mermoqnqab.” Ñam “Sifas” di Hibru anjam. Gago anjam, “Pita.” Aqa damu, “Meniŋ.”

Jon 1:42 Iomraidhean Croise

Matyu 10:2

Aqa aŋgro 12-pela siŋgila enjrej qaji naŋgo ñam agiende. Bei Saimon. Aqa ñam bei Yesus na Pita waiyej. Naŋgi aqa was Andru wo. Bei Sebedi aqa ŋiri Jems wo aqa was Jon wo.

Mak 3:16

Tamo 12-pela giltnjrej qaji naŋgo ñam agiende. Bei Saimon. Aqa ñam bei Yesus na Pita waiyej.

Luk 5:8

Onaqa Pita a Yesus aqa maŋwa di unsiqa Yesus aqa siŋgaq di siŋga pulutosiq minjej, “O Tamo Koba, e une tamo. Deqa ni e uratbosim gile.”

Luk 6:14

Naŋgo ñam agiende. Bei Saimon. Aqa ñam bei Yesus na Pita waiyej. Naŋgi aqa was Andru wo. Bei Jems. Naŋgi aqa was Jon wo. Bei Filip. Bei Bartolomyu.

Jon 13:18

“Ijo anjam endi e niŋgi kalil qa marosai. E segi na niŋgi giltŋgem deqa e niŋgi qa qalieonum. Ariya anjam bei Qotei aqa neŋgreŋq di unu qaji di aqa damu brantqas. Anjam agiende, ‘Tamo e ombla bem uyqas qaji a na e jeutbqas.’

Jon 21:2

Ya agu qalaq dia Yesus aqa aŋgro 7-pela naŋgi soqneb. Aŋgro bei Saimon Pita. Bei Tomas aqa ñam bei Didimus. Bei Nataniel. Nataniel aqa qure utru Kana. Kana a Galili sawaq di unu. Sebedi aqa ŋiri aiyel naŋgi dego ya agu qalaq di soqneb. Ariya Yesus aqa aŋgro aiyel dego naŋgi koba na soqneb.

Jon 4:16

Onaqa Yesus na minjej, “Ni mati aisim ino gumbuluŋ metosim niŋgi ombla endeq boiye.”

1 Korin 1:12

O was qu, niŋgi segi segi anjam na qoteqnub qaji nuŋgo utru agiende. Niŋgi qudei mareqnub, “E Pol dauryo qaji tamo.” Niŋgi qudei mareqnub, “E Apolos dauryo qaji tamo.” Niŋgi qudei mareqnub, “E Pita dauryo qaji tamo.” Ariya niŋgi qudei mareqnub, “E Kristus dauryo qaji tamo.” Niŋgi anjam na qoteqnub qaji nuŋgo utru agide.

1 Korin 15:5

Ariya a subq na tigelosiqa Pita aqaq di brantonaq unej. Osiqa aqa aŋgro 12-pela naŋgoq di dego brantonaq uneb.

1 Korin 3:22

E Pol ti Apolos ti Pita ti mandam ti ŋambile ti moio ti iŋgi iŋgi kalil bini unub qaji naŋgi ti iŋgi iŋgi kalil bunuqna brantqab qaji naŋgi ti di kalil nuŋgo.

1 Korin 9:5

Iga uŋa oqa are soqnim Kristen uŋa osim laqnqa kere e? Agi Tamo Koba Yesus aqa wau tamo qudei naŋgi ti aqa was naŋgi ti Pita ombla na uŋa oqnsib laqnub.

Galesia 1:18

Ariya wausau qalub koboonaqa e Pita segi unqajqa Jerusalem gilem. Gilsim bati 15 Pita ombla soqnem.

Galesia 2:11

Ariya bunuqna Pita a Antiok qureq bonaqa e aqa ulatamuq di a ŋiriŋtem. Di kiyaqa? A kumbra uge yej deqa.

Galesia 2:9

Tamo uŋgasari naŋgi mareqnub, Jems na Pita na Jon na naŋgi qalub Kristen naŋgo gate kokba. Ariya naŋgi qalub qalieeb, Qotei a e qa are boleiyosiq wau ebej. Deqa naŋgi aqo Barnabas wo gago baŋ ojsib mergeb, “Niŋgi gago Kristen was bole.” Osib naŋgi iga ti areqalo qujaitosim anjam endegsi keretem, aqo Barnabas wo sawa bei beiq dia Qotei aqa wau yoqnqom. Ariya naŋgi Juda naŋgo ambleq di wauoqnqab.