Jon 1:34 - Yesus Aqa Anjam Bole

³⁴ Qotei a na e degsi merbonaqa e tamo di unsimqa marem, ‘Bole, tamo di a Qotei aqa Ŋiri.’”

Jon 1:34 Iomraidhean Croise

Matyu 11:27

Yesus a degsi Qotei pailyej. Osiqa marej, “Ijo Abu na iŋgi iŋgi kalil ijo baŋq di ateleŋej unu. E Qotei aqa Ŋiri. Tamo bei a e qa qaliesai. Ijo Abu a segi e qa qalie. Tamo bei a ijo Abu qa qaliesai dego. E segi ijo Abu qa qalie. Ariya e na tamo qudei naŋgi ijo Abu osornjreqnum. Naŋgi dego ijo Abu qa qalie.

Matyu 16:16

Onaqa Saimon Pita na minjej, “Ni Kristus. Ni Qotei ŋambile gaigai unu qaji aqa segi Ŋiri qujai.”

Matyu 17:5

Pita a degsi mareqnaqa laŋbi tulaŋ suwaŋo aisiqa naŋgi kabutnjrej. Onaqa laŋbi miligiq dena anjam bei endegsi brantonaq naŋgi queb, “Endi ijo Aŋgro qujai e na tulaŋ qalaqalaiyeqnum qaji. E a qa tulaŋ areboleboleibeqnu. Deqa niŋgi aqa anjam quetoqniye.”

Matyu 26:63

Onaqa Yesus a torei mequmej. A anjam bei yala marosai. Deqa atra tamo gate na olo nenemyej, “Qotei ŋambile gaigai unu qaji aqa ñam na e ni nenemmqai, ni Kristus e? Ni Qotei aqa Ŋiri e? Ni e merbe.”

Matyu 27:40

“Ni nami marem, ‘E atra tal koba koŋgrontosiyqa bati qalub qa olo tigeltqai.’ Ni degsi marem. Deqa ni ino segi jejamu aqaryaiye. Ni Qotei aqa Ŋiri boleamqa ni ino segi jejamu aqaryaiyosim ŋamburbas uratosim mandamq aie.”

Matyu 27:43

A segi mareqnu, ‘E Qotei qa ijo areqalo siŋgilatejunum. E segi Qotei aqa Ŋiri.’ Aqa anjam di boleamqa Qotei na a aqaryaiyim ŋamburbas uratosim mandamq aiem.”

Matyu 27:54

Ariya qaja tamo naŋgi ŋamburbasq dia Yesus taqatesoqneb qaji naŋgo gate koba ombla na mimiŋ dosiq mandam reŋgiŋyonaq meniŋ kokba paraparaeleŋonab unsibqa naŋgi tulaŋ ulaugetosib mareb, “Bole. Tamo endi a Qotei aqa Ŋiri.”

Matyu 3:17

Unnaqa laŋ goge dena Qotei a anjam marnaqa tamo uŋgasari naŋgi aqa kakoro queb. A endegsi marnaq queb, “Di ijo aŋgro qujai. E na a tulaŋ qalaqalaiyeqnum. E a qa tulaŋ areboleboleibqo.”

Matyu 4:3

Onaqa walawalaiyo tamo Satan a Yesus aqa areq bosiqa minjej, “Ni Qotei aqa Ŋiriamqa meniŋ kalil endi minjrim bem bulyibqa ni uye.”

Matyu 4:6

“Ni Qotei aqa Ŋiriamqa endena prugosim mandamq aie. Agi Qotei aqa anjam bei nami endegsib neŋgreŋyeb unu, ‘Qotei na aqa laŋ aŋgro naŋgi minjrimqa bosib ni taqatmqab.’ Anjam bei dego nami endegsib neŋgreŋyeb unu, ‘Laŋ aŋgro naŋgi bosib baŋ na ni soqtmibqa ino siŋga meniŋ na qalqasai.’”

Matyu 8:29

Naŋgi aiyel Yesus aqa areq bosib leleŋkobayosib minjeb, “O Qotei aqa Ŋiri, ni iga kiergwajqa bonum? Iga padalqajqa bati bosaisonaqa ni laŋa ambleq di iga jaqatiŋ egwa bonum e?”

Mak 1:1

Qotei aqa Ŋiri Yesus Kristus aqa anjam bole e utruq na saqai.

Mak 1:11

Awoonaqa laŋ goge dena Qotei na Yesus metonaqa aqa kakoro quej. A endegsi minjnaq quej, “Ni ijo Aŋgro qujai. E na ni tulaŋ qalaqalaimeqnum. E ni qa tulaŋ areboleboleibqo.”

Luk 1:35

Onaqa laŋ aŋgro na minjej, “Qotei aqa Mondor Bole a ni qa aisimqa Tamo Koba Qotei aqa siŋgila ni emqas. Deqa a ino leŋq dena ŋambabosimqa aqa so tulaŋ boledamu sqas. Deqa a Qotei aqa kumbra ti sqas. Naŋgi a qa maroqnqab, ‘A Qotei aqa Ŋiri.’

Luk 3:22

Laŋ waqonaqa Qotei aqa Mondor binoŋ bulosiq laŋ goge dena aisiqa Yesus aqa jejamuq di awoej. Awoonaqa laŋ goge dena Qotei na Yesus metonaqa aqa kakoro quej. A na endegsi minjnaq quej, “Ni ijo segi aŋgro qujai. E na ni tulaŋ qalaqalaimeqnum. E ni qa tulaŋ areboleboleibqo.”

Jon 1:18

Tamo bei na Qotei aqa ulatamu unosai. Qotei aqa Ŋiri qujai a segi Qotei. A aqa Abu Qotei aqa areq di sosiqa beteryejunu. A na qujai iga Qotei osorgej.

Jon 1:49

Onaqa Nataniel a Yesus aqa anjam di qusiqa minjej, “O Qalie Tamo Koba, ni degsi maronum deqa e poibqo, ni Qotei aqa Ŋiri. Ni Israel naŋgo Mandor Koba.”

Jon 10:30

Aqo ijo Abu wo iga tamo qujai.”

Jon 10:36

Ariya ijo Abu a segi na e giltbosiqa qariŋbonaq mandamq aiem. Deqa e maronum, ‘E Qotei aqa Ŋiri.’ E degsi maronumqa niŋgi kiyaqa merbonub, ‘Ni Qotei aqa sawa osim maronum, “E segi Qotei?” ’

Jon 11:27

Onaqa Marta na Yesus minjej, “Od, Tamo Koba. E qalieonum, ni Kristus, Qotei aqa Ŋiri. Ni qujai Qotei na nami qariŋmonaqa mandamq aiem qaji. Deqa e ni qa ijo areqalo siŋgilatonum.”

Jon 19:7

Onaqa Juda tamo kokba naŋgi na olo Pailat minjeb, “Yesus a segi qa marqo, ‘E Qotei aqa Ŋiri.’ Aqa une deqa a moiem. Gago dal anjam degsi unu.”

Jon 20:28

Onaqa Tomas a na Yesus minjej, “O Yesus, endego e poibqo, ni ijo Tamo Koba. Ni ijo Qotei dego.”

Jon 20:31

Niŋgi ijo anjam endi sisiyosib Yesus qa nuŋgo areqalo siŋgilatosib a bole Kristus Qotei aqa Ŋiri degsi poiŋgwajqa deqa e na anjam endi neŋgreŋyonum. Yimqa niŋgi Yesus aqa ñam na ŋambile gaigai sqab.

Jon 6:69

Iga ni qa gago areqalo siŋgilatosim endegsi qalieonum, Qotei aqa segi Tamo Bole a na nami giltej qaji agi ni qujai.”

Rom 1:4

Ariya bunuqna Qotei na a olo subq na tigeltonaqa bati deqa Qotei aqa Mondor na iga endegsi osorgej, Yesus a Qotei aqa Ŋiri siŋgila koba. O was qu, a gago Tamo Koba Yesus Kristus.

2 Korin 1:19

Nami e na Sailas na Timoti na iga qalub Qotei aqa Ŋiri Yesus Kristus aqa anjam palontosim niŋgi merŋgoqnem. Niŋgi qalie, Yesus a dego laŋa odoqnsiq olo saidosaieqnu. A gaigai Qotei aqa ñam na odeqnu.

Hibru 7:3

Melkisedek a abu saiqoji. A ai saiqoji. A leŋ bei saiqoji dego. Aqa ŋambabo bati di iga qaliesai. Aqa moiqajqa bati di dego iga qaliesai. Deqa a Qotei aqa Ŋiri bul. Deqa a bati gaigai atra tamo sqas.

1 Jon 2:23

Tamo a Qotei aqa Ŋiri qoreiyqas di a Abu dego qoreiyqas. Ariya tamo a Qotei aqa Ŋiri qa aqa areqalo siŋgilatqas di a Abu qa dego aqa areqalo siŋgilatqas.

1 Jon 3:8

Satan a nami une atsiq boqnej agi bini degsi unu. Deqa tamo a une atoqnqas di a Satan aqa tamo sqas. Ariya Qotei aqa Ŋiri a Satan aqa wau kobotqa bej.

1 Jon 4:9

Qotei aqa Ŋiri qujai unu. Qotei na aqa Ŋiri di qariŋyonaq mandamq aiej. Yim iga aqa ñam na ŋambile gaigai sqajqa deqa. Qotei aqa kumbra dena iga osorgej, a na iga tulaŋ qalaqalaigeqnu.

1 Jon 5:20

Iga qalie, Qotei aqa Ŋiri a bosiq iga powo egej. Yim iga Qotei qa bole qalieqajqa deqa. Iga Qotei beteryejunum. Iga aqa Ŋiri Yesus Kristus dego beteryejunum. Yesus a segi Qotei bole. A segi ŋambile gaigai sqajqa utru.

2 Jon 1:9

Tamo bei a Kristus aqa anjam ojqa uratosim olo anjam bei totoryosim dauryqas di a Qotei ombla sqa keresai. Ariya tamo bei a Kristus aqa anjam siŋgila na ojesqas di Abu Qotei wo aqa Ŋiri wo naŋgi a koba na sqab.

Uli Anjam 2:18

Yesus a na e degsi merbsiqa olo endegsi merbej, “Taiataira qureq dia tamo uŋgasari naŋgi ijo ñam qa koroosib loueqnub qaji naŋgo laŋ aŋgro qa anjam endegsi neŋgreŋyosim aqaq qariŋye, ‘E Yesus. E Qotei aqa Ŋiri. Ijo ŋamdamu ŋam puloŋ bul puloŋeqnu. Ijo siŋga minjaleqnu. Bras geregere ñomyeqnab minjaleqnu dego kere. E na anjam endi ni qa qariŋyonum.