Jon 1:21 - Yesus Aqa Anjam Bole

²¹ Onaqa naŋgi na olo nenemyeb, “Di ni tamo yai? Ni Elaija kio?” Onaqa a na minjrej, “Sai.” Onaqa naŋgi na olo minjeb, “Ni Qotei aqa medabu o qaji tamo kobaquja iga a qa tariŋeqnum qaji tamo de kio?” Onaqa a na kamba minjrej, “Sai. E a sai.”

Jon 1:21 Iomraidhean Croise

Matyu 11:14

Ariya niŋgi ijo anjam endi quqwa are soqnimqa quiye. Qotei a nami marej, ‘E na Elaija qariŋyit bosim ijo medabu osim anjam maroqnqas.’ Anjam di agi Qotei aqa neŋgreŋq di unu. Ariya niŋgi quiye. Elaija agi bej. E Jon qa marqa osimqa Elaija aqa ñam na yawo anjam mareqnum.

Matyu 16:14

Onaqa naŋgi na minjeb, “Tamo qudei naŋgi mareqnub, ni Jon yansnjro qaji tamo. Tamo qudei naŋgi mareqnub, ni Elaija. Ariya qudei naŋgi mareqnub, ni Jeremaia kio Qotei aqa medabu o tamo naŋgi nami soqneb deqaji bei kio?”

Matyu 21:11

Degsib mareqnabqa tamo uŋgasari qudei Yesus dauryosib aioqneb qaji naŋgi na kamba minjreb, “Tamo endi Yesus. A Qotei aqa medabu o qaji tamo bole. Aqa qure utru Nasaret. Nasaret qure agi Galili sawaq di unu.”

Luk 1:17

Tamo Koba Kristus a bqa laqnimqa Jon a Kristus qa namoosimqa Qotei aqa medabu o qaji tamo Elaija aqa kumbra ti siŋgila ti osim Kristus aqa gam gereiyetqas. A Kristus aqa gam endegsi gereiyqas. Tamo naŋgi naŋgo aŋgro ti jeu jeu soqnibqa a na naŋgi anjam minjroqnimqa naŋgi are bulyosib koba na are qujaitosib sqab. Tamo naŋgi Qotei aqa anjam gotraŋyeqnub qaji a na powo ti siŋgila ti enjroqnimqa naŋgi are bulyosib kumbra uge uratosib tamo naŋgi kumbra bole bole yeqnub qaji naŋgo kumbra dauryosib sqab. A na degsim tamo uŋgasari naŋgo areqalo gereiyetnjrim soqnibqa Tamo Koba a bqas.”

Jon 1:22

Deqa olo nenemyeb, “Ni tamo yai? Ni segi qa kiersi mareqnum di geregere mergimqa iga olo aisim tamo naŋgi iga qariŋgonub qaji di minjrqom.”

Jon 1:25

Onaqa naŋgi na olo Jon nenemyeb, “Ni Kristus sai. Ni Elaija sai. Ni Qotei aqa medabu o qaji tamo di sai. Deqa ni kiyaqa tamo uŋgasari naŋgi yansnjreqnum?”

Jon 6:14

Tamo uŋgasari kalil naŋgi Yesus aqa maŋwa di unsib deqa maroqneb, “Bole, Qotei aqa medabu o tamo nami Qotei na qariŋyim bqajqa marej qaji agi a di.”

Jon 7:40

Onaqa tamo uŋgasari qudei naŋgi Yesus aqa anjam di qusib mareb, “Bole, Qotei aqa medabu o qaji tamo kobaquja nami Qotei na qariŋyim bqajqa marej qaji agi a endi.”