Jon 1:15 - Yesus Aqa Anjam Bole

¹⁵ A qa nami Jon na tamo uŋgasari naŋgi minjroqnsiqa endegsi leleŋoqnej, “E tamo deqa nami endegsi merŋgoqnem, ‘Tamo ijo qoreq na bqas qaji a na e tulaŋ buŋbejunu. Di kiyaqa? E ŋambabosaisonamqa a nami soqnej deqa.’”

Jon 1:15 Iomraidhean Croise

Matyu 3:11

“Niŋgi are bulyqajqa deqa e ya na niŋgi laŋa yansŋgeqnum. Ariya Tamo Koba a bunuqna ijo qoreq na bqas. A tamo siŋgila koba. Ijo siŋgila aqa siŋgila ti keresai. Deqa e a kaŋgalyqajqa e tamo bolesai. A bosimqa Qotei aqa Mondor aqa siŋgila na ti ŋamyuo na ti niŋgi yansŋgwas.

Mak 1:7

A Qotei aqa anjam palontoqnsiqa tamo uŋgasari naŋgi endegsi minjroqnej, “Tamo Koba a bunuqna ijo qoreq na bqas. A tamo siŋgila koba. Ijo siŋgila aqa siŋgila ti keresai. Deqa e a kaŋgalyqajqa e tamo bolesai.

Luk 3:16

Onaqa Jon a naŋgo areqalo di qalieosiqa minjrej, “Tamo Koba a bunuqna ijo qoreq na bqas. A tamo siŋgila koba. Ijo siŋgila aqa siŋgila ti keresai. Deqa e a kaŋgalyqajqa e tamo bolesai. E ya na laŋa yansŋgeqnum. Ariya Tamo Koba a bosimqa Qotei aqa Mondor aqa siŋgila na ti ŋamyuo na ti niŋgi yansŋgwas.

Jon 1:27

Agi e nami a qa endegsi merŋgoqnem, ‘A ijo qoreq na bqas.’ E nami niŋgi degsi merŋgoqnem. Tamo di a ñam ti. E ñam saiqoji. Deqa e na a kaŋgalyqajqa e tamo bolesai.”

Jon 17:5

O Abu, nami mandam a brantosaisonaqa e ni ombla ñam koba ti soqnem. Ñam di ni na e olo ebimqa aqo ombla ñam koba ti sqom.

Jon 8:58

Onaqa Yesus na kamba minjrej, “Niŋgi quiye. E bole merŋgwai. Abraham a ŋambabosaisonaqa e nami Qotei ombla soqnem.”

Kolosi 1:17

Tulaŋ nami iŋgi iŋgi kalil di brantosaisonaqa Yesus a soqnej. A na iŋgi iŋgi kalil di geregere taqateqnu. Deqa iŋgi iŋgi kalil degsi bole unub.

Hibru 13:8

Yesus Kristus a gaigai degsi unu. A nami soqnej, bini unu, bati gaigai degsi sqas.

Uli Anjam 1:11

Leleŋosiq merbej, “Kumbra kalil ni unqam qaji di neŋgreŋyosim qariŋyimqa tamo uŋgasari qure 7-pelaq dia Yesus aqa ñam qa koroosib loueqnub qaji naŋgoq gilqas. Tamo uŋgasari agi Efesus qureq dia, Smerna qureq dia, Pergamum qureq dia, Taiataira qureq dia, Sardis qureq dia, Filadelfia qureq dia, Laodisia qureq dia Yesus aqa ñam qa koroosib loueqnub qaji naŋgoq qariŋyim gilem.”

Uli Anjam 2:8

Yesus a na e degsi merbsiqa olo endegsi merbej, “Smerna qureq dia tamo uŋgasari naŋgi ijo ñam qa koroosib loueqnub qaji naŋgo laŋ aŋgro qa anjam endegsi neŋgreŋyosim aqaq qariŋye, ‘E Yesus. E segi qujai namoq di unum. E segi qujai bunuq di sqai. Nami e moiem. Bini e olo ŋambile unum. E na anjam endi ni qa qariŋyonum.