Jems 5:3 - Yesus Aqa Anjam Bole

³ Nuŋgo gol ti silva ti di baisuwi na ugetej. Deqa mondoŋ baisuwi dena nuŋgo une boleq atsim ŋamyuo bulosim nuŋgo jejamu koitsim ugeugeiyqas. Niŋgi ñoro koba laŋa koroiyeb unu deqa diŋo batiamqa niŋgi awai uge oqab.

Jems 5:3 Iomraidhean Croise

Aposel 2:17

‘Qotei a marqo, “Diŋo bati jojomamqa e na ijo Mondor qariŋyitqa tamo uŋgasari kalil naŋgoq aiqas. Aisim nuŋgo aŋgro mel ti nuŋgo aŋgro sebiŋ ti naŋgi siŋgila enjrimqa naŋgi ijo medabu osib ijo anjam maroqnqab. Nuŋgo aŋgro wala naŋgi ti nuŋgo tamo bole bole naŋgi ti areqalo waqtetnjroqnitqa ŋeiobilqeioqnsibqa ijo kumbra gargekoba unoqnqab.

Rom 2:5

Ino are miligi geteŋejunu deqa ni are bulyosai. Ino kumbra dena ni na ino awai uge tombol ateqnum. Deqa mondoŋ diŋo batiamqa Qotei a kumbra tiŋtiŋ na tamo naŋgo une qa minjrsimqa aqa minjiŋ boleq atsim awai tulaŋ ugedamu ni emqas.

2 Timoti 2:17

Naŋgo anjam di ma uge bulosim tulaŋ kobaqujaosimqa tamo naŋgi ugeugeinjrqas. Tamo aiyel anjam uge mareqnub qaji agi Himeneus wo Filetus wo.

2 Pita 3:3

Ariya ijo anjam kobaquja bei unu. E na niŋgi merŋgit poiŋgem. Mondoŋ diŋo bati jojomoqnimqa meqe meqem tamo naŋgi bosib naŋgo segi areqalo uge uge dauryosib misiliŋ anjam endegsib merŋgoqnqab,

Uli Anjam 17:16

Qala 10-pela ni unjronum qaji naŋgi ti wagme juwaŋ a ti naŋgi na sambala uŋa di jeutosib a tulaŋ ugeugeiyosib gara bumbraŋye-tosib aqa damu uyekritosib tanu ŋamyuo na koitqab.

Uli Anjam 20:15

Tamo uŋgasari kalil naŋgo ñam ŋambile qa buk miligiq di sosai qaji naŋgi di Qotei na breinjrnaq ŋamyuoq aieleŋeb.

Uli Anjam 21:8

“Ariya tamo naŋgi ulakobaoqnsib Yesus qa naŋgo areqalo siŋgilatosaieqnub qaji naŋgi kalil ŋamyuo kobaq aiqab. Tamo kumbra uge yo qaji, leŋ ojo qaji, sambala kumbra yo qaji, gumaniŋo qaji, quñam qalo qaji, qotei gisaŋ biŋinjro qaji, gisaŋ anjam maro qaji naŋgi kalil ŋamyuoq aieleŋqab. Ŋamyuoq dia meniŋ kalil yusiq ñaŋgaeqnu. Ŋamyuo di moio bunu qaji.”