Jems 4:7 - Yesus Aqa Anjam Bole

⁷ Deqa was qu, niŋgi nuŋgo segi ñam aguq atoqnsib Qotei aqa sorgomq di geregere soqniye. Sosib Satan gotraŋyoqniye. Yimqa Satan a na niŋgi uratŋgosim ulaŋqas.

Jems 4:7 Iomraidhean Croise

Matyu 11:29

Niŋgi e qa geregere qalieosib ijo anjam aqa sorgomq di soqniye. Di kiyaqa? E na tamo naŋgi lawo kumbra enjroqnsim ijo segi ñam aguq ateqnum. Deqa niŋgi e qa qalieabqa iŋgi bei na niŋgi gulube eŋgwasai. Niŋgi aqaratqab.

Aposel 26:19

“Deqa Mandor Koba Agripa, laŋ goge dena puloŋ ainaqa e unsimqa anjam Yesus na merbej qaji di gotraŋyosai.

Aposel 9:6

Deqa ni tigelosim Damaskus qureq aie. Aisim dia tamo bei itqam. A na ni wau kie yqam di mermqas.”

Rom 10:3

Qotei a iga tamo bole une saiqoji qa mergeqnu aqa kumbra di naŋgi qaliesai. Deqa naŋgi naŋgo segi siŋgila na tamo bole une saiqoji sqajqa are qaleqnub. Deqa naŋgi Qotei aqa sorgomq di sosib a segi na naŋgi aqaryainjrimqa naŋgi tamo bole une saiqoji sqajqa olo urateqnub.

Rom 14:11

Agi Qotei aqa anjam bei nami endegsib neŋgreŋyeb unu, “E segi Tamo Koba. E ŋambile gaigai unum qaji. Deqa e anjam bole endegsi marqai. Mondoŋ tamo uŋgasari kalil naŋgi e qa bosib ijo areq di siŋga pulutosib naŋgo medabu qujaitosib merbqab, ‘Ni segi Qotei.’”

Efesus 4:27

Niŋgi urur minjiŋ kobotqasai di niŋgi Satan gam waqtetibqa a na niŋgi olo uneq waiŋgwas.

Efesus 5:21

Kristus a nuŋgo Tamo Koba unu deqa niŋgi a qa ulaoqnsibqa kumbra dena Qotei aqa tamo uŋgasari naŋgo sorgomq di soqniye.

Efesus 6:13

Deqa niŋgi qoto qa iŋgi iŋgi Qotei na eŋgeqnu qaji di eleŋosib bati uge endeqa niŋgi siŋgila na tigelosib qotoqniye. Yim bunuqna qoto koboamqa niŋgi siŋgila na tigelesqab.

Hibru 12:9

Niŋgi are qaliye. Gago mandam qaji abu naŋgi na iga tingitgoqneb. Deqa iga naŋgo ñam soqtoqnem. Ariya gago laŋ qaji Abu a gago qunuŋ taqateqnu. Deqa iga aqa sorgomq di sosim aqa ñam soqtoqnqom. Osim deqa iga ŋambile gaigai sqom.

1 Pita 2:13

Niŋgi Tamo Koba Qotei qa are qaloqnsib deqa niŋgi tamo kokba ti sawa taqato qaji tamo naŋgi ti mandor kokba ti naŋgo anjam dauryoqniye.

1 Pita 5:6

Deqa niŋgi nuŋgo segi ñam aguq atoqnsib Qotei agi siŋgila ti unu qaji aqa sorgomq di soqniye. Yimqa bati a nami giltej qaji di brantimqa a na nuŋgo ñam olo soqtetŋgwas.