Jems 4:3 - Yesus Aqa Anjam Bole

³ Niŋgi iŋgi iŋgi qa Qotei pailyoqnsib ariya niŋgi osaieqnub. Di kiyaqa? Niŋgi areqalo uge na Qotei pailyeqnub deqa. Niŋgi nuŋgo segi jejamu qa arebole-boleiŋgoqnim sqajqa deqa maroqnsib iŋgi iŋgi di oqajqa are qaleqnub.

Jems 4:3 Iomraidhean Croise

Matyu 20:22

Onaqa Yesus na kamba naŋgi aiyel minjrej, “Anjam niŋgi merbonub di aqa utru niŋgi geregere poiŋgosai. E jaqatiŋ koba oqai. Jaqatiŋ di ya uge uyo bul. Jaqatiŋ e oqai di niŋgi aiyel dego oqa kere e?” Onaqa naŋgi na minjeb, “Od, aqo aiyel oqa kere.”

Mak 10:38

Onaqa Yesus na kamba minjrej, “Anjam niŋgi merbonub di aqa utru niŋgi geregere poiŋgosai. E jaqatiŋ koba oqai. Jaqatiŋ di ya uge uyo bul. E gulube koba dego oqai. Gulube di tamo naŋgi ya tuqtnjro bul. Jaqatiŋ ti gulube ti e oqai di niŋgi aiyel dego oqa kere e?”

Luk 11:10

Tamo kalil Qotei pailyeqnub qaji naŋgi iŋgi eqnub. Tamo kalil iŋgi qa ŋameqnub qaji naŋgi Qotei na aqaryainjreqnaq iŋgi di iteqnub. Tamo kalil siraŋme kindokindoŋeqnub qaji naŋgi Qotei na siraŋ waqtetnjreqnu.

Luk 15:13

Onaqa bati bei ŋiri yala na aqa ñoro kalil qariŋyosiqa silali osiq tigelosiqa sawa beiq gilej. Gilsiq dia diqosi laqnsiqa aqa silali kalil uyekritej.

Luk 15:30

Ariya ino aŋgro yala a na ino ñoro kalil osiqa gam qaji uŋa naŋgi ti sambalaosi laqnsiqa silali kalil uyekritej. Osiq olo bqoqa ni a qa tulaŋ areboleboleimqoqa bulmakau meli bunuj didiqo di agi qaletonum.’

Jems 4:1

O was qu, kiyaqa niŋgi segi segi anjam na qotoqnsib ŋiriŋkobaeqnub? Utru agiende. Niŋgi nuŋgo segi jejamu qa areboleboleiŋgeqnaqa kumbra uge uge yqajqa are prugŋgeqnu. Kumbra di nuŋgo jejamu qa sarqei kalilq di siŋgila na waueqnu. Utru deqa niŋgi anjam na qotoqnsib ŋiriŋkobaeqnub.

1 Jon 3:22

Osim iga iŋgi bei qa Qotei pailyimqa a gago pail qusim iŋgi di egwas. Di kiyaqa? Iga aqa dal anjam dauryoqnsim kumbra a tulaŋ areareteqnu qaji di yeqnum deqa.

1 Jon 5:14

Iga Qotei aqa areqalo dauryosim iŋgi bei qa pailyqom di a gago pail quqwas. Deqa iga Qotei ulaiyqasai. Iga aqa areq giloqnqom.