Jems 3:8 - Yesus Aqa Anjam Bole

⁸ Ariya tamo bei na aqa segi medabu taqatqa keresai. Gago medabu na gaigai tigeloqnsiq anjam uge uge mareleŋeqnu. Amal na tamo naŋgi uñinjroqnsib moiotnjreqnub dego kere gago medabu na iga kumbra uge ugeq breigeqnu.

Jems 3:8 Iomraidhean Croise

Rom 3:13

Naŋgi kalil anjam uge mareqnub. Tamo moio qaji sub meaŋesonaq tamo naŋgo qusa sub miligiq di qusaeqnu dego kere tamo kalil naŋgo medabu na anjam tulaŋ uge uge mareqnub. Naŋgi gisaŋ anjam koba mareleŋeqnub. Amal uge na tamo uñinjreqnub dego kere tamo kalil naŋgo medabu na tamo uŋgasari naŋgi ugeugeinjreqnub.

Jems 3:6

Gago medabu di ŋamyuo bul. A gago jejamu qa sarqei bei. Ariya medabu dena iga kumbra uge uge yoqnsim gago segi jejamu tulaŋ jigateqnum. Mondoŋ une tamo naŋgi ŋamyuo kobaq aisib padalqab dego kere gago medabu na gago so tulaŋ ugeugeiyeqnu.

Jems 3:7

Tamo naŋgi na wagme kalil naŋgi taqatnjreqnub. Wagme mandamq di laqnub qaji ti qebari ti qe ti kalil tamo naŋgi na taqatnjreqnub.

Uli Anjam 12:9

Qotei aqa laŋ aŋgro naŋgi na amal di osib waiyonab mandamq aiej. Amal di nami soqnej qaji. Aqa ñam Satan. Aqa ñam bei, “Tamo Uŋgasari Kalil Naŋgo Ñam Ugetetnjro Qaji Tamo.” A na tamo uŋgasari kalil mandamq di so qaji naŋgi gisa gisaŋnjroqnej. A ti aqa laŋ aŋgro naŋgi ti kalil wainjrnab mandamq aieb.