Jems 2:24 - Yesus Aqa Anjam Bole

²⁴ Deqa niŋgi qalieonub, tamo naŋgi Kristus qa naŋgo areqalo siŋgilatoqnsib kumbra bole dego turtsib yeqnub qaji naŋgi Qotei aqa ŋamgalaq di tamo bole une saiqoji unub. Ariya tamo naŋgi Kristus qa naŋgo areqalo siŋgilatosib olo kumbra bole bei babtqasai di naŋgi Qotei aqa ŋamgalaq di tamo bole sqasai.

Jems 2:24 Iomraidhean Croise

Rom 3:28

Di kiyaqa? Bini iga qalieonum, iga Yesus qa gago areqalo siŋgilatqom gam dena qujai iga Qotei aqa ŋamgalaq di tamo bole une saiqoji sqom. Iga dal anjam dauryqom gam dena sai.

Jems 2:23

Agi Qotei aqa anjam bei nami endegsib neŋgreŋyeb unu, “Abraham a Qotei qa aqa areqalo siŋgilatej deqa Qotei na minjej, ‘Ni ijo ŋamgalaq di tamo bole une saiqoji.’” Osiqa Abraham kadoiyej. Anjam neŋgreŋyeb qaji di aqa damu agi brantej.

Jems 2:25

Niŋgi sambala uŋa Rahap a qa dego are qaliye. Rahap aqa kumbra bole agiende. Josua a na tamo aiyel naŋgi qariŋnjrnaqa Jeriko qureq gilnabqa qure deqaji tamo naŋgi na tamo aiyel naŋgi di ñumqa laqnab Rahap na naŋgi aiyel ulitnjrsiqa gam bei osornjrnaqa naŋgi jeu tamo naŋgi alelnjrsibqa jaraieb. Rahap a kumbra bole di yej deqa a Qotei aqa ŋamgalaq di uŋa bole une saiqoji soqnej.