Jems 2:20 - Yesus Aqa Anjam Bole

²⁰ Ni nanari tamo. Ni mareqnum, “E Kristus qa ijo areqalo siŋgilateqnum.” Ni degsi maroqnsim ariya ni olo kumbra bole bei babtosaieqnum. Deqa ni laŋa medabu na mareqnum. Ni ijo anjam di aqa utru poimqo e? Ariya ni que.

Jems 2:20 Iomraidhean Croise

Rom 1:21

Naŋgi Qotei qa qalie unub. Ariya a segi Qotei bole naŋgi degsib marosaieqnub. Deqa naŋgi aqa ñam soqtosib a biŋiyosaieqnub. Naŋgo kumbra dena naŋgi nanaritnjroqnsiq naŋgo areqalo getentetnjreqnaqa naŋgi ambruq di laqnub.

Rom 3:28

Di kiyaqa? Bini iga qalieonum, iga Yesus qa gago areqalo siŋgilatqom gam dena qujai iga Qotei aqa ŋamgalaq di tamo bole une saiqoji sqom. Iga dal anjam dauryqom gam dena sai.

Rom 9:20

O tamo, ni tamo kiero deqa ni Qotei ŋiriŋtqam? Tamo bei na mandam osim web gereiyim web na tigelosim endegsi minjqas kio, “Ni kiyaqa e degsi gereibonum?” A degsi minjqa keresai.

Galesia 5:6

Tamo a Kristus Yesus beteryesqas di a marqas, iga muluŋ aiqom di laŋa. Iga muluŋ aiqasai di dego laŋa. Ariya iga Kristus qa gago areqalo siŋgilatosim dena iga qalaqalaiyo kumbra dauryoqnqom di kumbra bole utru ti.

Galesia 6:3

Nuŋgo ambleq di tamo bei a marqas, “E ñam koba ti unum.” Ariya a ñam ti sosai. A ñam saiqoji deqa a na aqa segi jejamu gisaŋyqo.

Kolosi 2:8

O was qu, niŋgi geregere ŋam atsib soqniye. Tamo qudei naŋgi bosib naŋgo segi powo na ti gisaŋ anjam na ti nuŋgo areqalo bulyetŋgosib niŋgi naŋgo anjam dauryqajqa walawala-iŋgoqnqab. Deqa niŋgi naŋgo anjam di dauryaib. Tamo naŋgi di naŋgo moma naŋgi ti mondor uge uge laŋ ti mandam ti taqatejunub qaji naŋgi ti naŋgo anjam dauryeqnub. Naŋgi Kristus aqa areqalo dauryosaieqnub.

1 Timoti 1:6

Tamo qudei naŋgi kumbra di dauryqa urateb deqa naŋgi tulaŋ nanarioqnsibqa anjam laŋa laŋa mareleŋeqnub.

Taitus 1:10

O Taitus, Krit nuiq dia anjam gotraŋyo qaji tamo gargekoba unub. Deqa ni na tamo bole bole naŋgi unjrsim gate ateleŋ. Anjam gotraŋyo qaji tamo naŋgi di anjam laŋa laŋa maroqnsib dena tamo uŋgasari naŋgi gisa gisaŋnjreqnub. Tamo naŋgi di Juda tamo. Deqa naŋgi tamo muluŋ breinjrqajqa tulaŋ siŋgi-laeqnub.

Jems 1:26

Tamo bei a endegsi are qalqas, “E gaigai Qotei qa loueqnum. Deqa e Kristen tamo bole.” Ariya tamo di a aqa segi medabu geregere taqatosaieqnu. Aqa kumbra dena a na aqa segi jejamu gisaŋyeqnu. Deqa a Qotei qa loueqnu di a laŋa loueqnu.

Jems 2:17

Dego kere iga Kristus qa gago areqalo siŋgilatosim ariya iga kumbra bole bei babtqasai di iga laŋa siŋgilatonum.

Jems 2:26

Iga qalie, tamo aqa jejamu a mondor ti sqasai di a moiqas. Dego kere tamo bei a Kristus qa aqa areqalo laŋa siŋgilatosim a olo kumbra bole bei babtqasai di a tamo moisiq aqa jejamu laŋa unu dego bul sqas.