Jems 1:9 - Yesus Aqa Anjam Bole

⁹ Nuŋgo ambleq di Kristen was bei a iŋgi tulaŋ saiqoji unu. Di uŋgum. A Qotei aqa ŋamgalaq di ñam koba ti unu. Deqa a areboleboleiyeme.

Jems 1:9 Iomraidhean Croise

Luk 1:52

Qotei a na mandor kokba naŋgi kobotnjroqnsiqa tamo uŋgasari naŋgo segi ñam soqtqa are qalosaieqnub qaji naŋgi gereinjroqnsiqa ñam koba enjreqnu.

Luk 10:20

Mondor uge naŋgi nuŋgo anjam dauryosib jaraieqnub niŋgi deqa tulaŋ areboleboleiŋgaiq. Nuŋgo ñam ijo Abu na laŋ qureq dia neŋgreŋyqo unu. Niŋgi deqa tulaŋ areboleboleiŋgem.”

Luk 14:11

Tamo naŋgi naŋgo segi ñam soqteqnub qaji naŋgo ñam Qotei na aguq atqas. Ariya tamo naŋgi naŋgo segi ñam soqtosaieqnub qaji Qotei na ñam kobaquja enjrqas.”

Rom 8:17

Ariya iga Qotei aqa aŋgro unum deqa mondoŋ iga iŋgi bole bole Abu Qotei na nami iga egwa marej qaji di oqom. Iŋgi bole di agi gago was Kristus a na nami esoqnej. A jaqatiŋ ej dego kere iga dego jaqatiŋ oqnsim sqom. Ariya mondoŋ iga a ombla ñam koba osim so bole gaigai sqom.

2 Korin 6:10

Iga are gulubeigeqnu. Di uŋgum. Iga gaigai areboleboleigeqnu. Iga ñoro saiqoji unum. Di uŋgum. Iga na tamo uŋgasari naŋgi aqaryainjreqnam naŋgi laŋ qaji iŋgi iŋgi koba eleŋeqnub. Iga iŋgi iŋgi saiqoji unum. Ariya iga olo laŋ qaji iŋgi iŋgi kalil ejunum.

Filipai 3:14

Tamo naŋgi gurguroqnsib bubuŋeqnub di naŋgi awai oqajqa. Dego kere e awai oqa maroqnsim siŋgila na urureqnum. Awai agiende. Kristus Yesus aqa wau na Qotei na e metbimqa e laŋ qureq oqsiy dia a ombla bole gaigai sqai.

Filipai 3:3

Ariya iga Israel tamo tiŋtiŋo unum. Agi iga Qotei aqa aŋgro unum. Iga muluŋ bole aio qaji. Deqa iga Qotei aqa Mondor aqa siŋgila na Qotei qa louoqnsim Kristus Yesus aqa ñam soqteqnum. Iga qalie, tamo naŋgo jejamu na kumbra dauryqab kumbra dena naŋgi aqaryainjrqa keresai bolesai.

1 Pita 2:9

Ariya Qotei na niŋgi giltŋgej deqa niŋgi aqa segi tamo uŋgasari tiŋtiŋ unub. Niŋgi aqa atra tamo dego sosib a ombla mandor kokba tigelejunub. Osib niŋgi aqa segi kumbra boleq di sosib walweleqnub. Niŋgi aqa segi tamo sqa marsiq giltŋgej deqa niŋgi aqa kumbra bole kalil deqa mare mare laqnub. Nami niŋgi ambruq di soqneb deqa Qotei na niŋgi metŋgonaqa niŋgi ambru uratosib suwaŋoq beleŋeb. Suwaŋ di tulaŋ bolequja.

Uli Anjam 2:9

Ni gulube ti jaqatiŋ ti ejunum di e qalie. Ni iŋgi tulaŋ saiqoji unum di dego e qalie. Di uŋgum. Ni laŋ qure qa iŋgi iŋgi koba eleŋejunum. E qalie, tamo qudei naŋgi na ni misiliŋmoqnsib anjam uge uge mermeqnub. Naŋgi segi qa mareqnub, “Iga Juda tamo.” Di gisaŋ. Naŋgi Satan aqa aŋgro.