Jems 1:26 - Yesus Aqa Anjam Bole

²⁶ Tamo bei a endegsi are qalqas, “E gaigai Qotei qa loueqnum. Deqa e Kristen tamo bole.” Ariya tamo di a aqa segi medabu geregere taqatosaieqnu. Aqa kumbra dena a na aqa segi jejamu gisaŋyeqnu. Deqa a Qotei qa loueqnu di a laŋa loueqnu.

Jems 1:26 Iomraidhean Croise

Matyu 15:9

Naŋgi mandam tamo naŋgo dal anjam palontoqnsib olo beltoqnsib mareqnub, “Gago anjam endi Qotei aqa anjam.” Deqa naŋgi laŋa babaŋ na e qa loueqnub.’”

Mak 7:7

Naŋgi laŋa babaŋ na e qa loueqnub. Naŋgi naŋgo segi anjam palontoqnsib olo beltoqnsib gisaŋosib mareqnub, “Gago anjam endi Qotei aqa anjam.” ’ Aisaia a niŋgi qa keretsiqa anjam degsi neŋgreŋyej. Aqa anjam di bole.

Luk 8:18

“Deqa niŋgi ijo anjam geregere qusib poiŋgem. Di kiyaqa? Tamo a powo ti sqas di Qotei na powo olo yimqa a powo koba oqas. Ariya tamo a powo ti sqasai di powo kiñala aqaq di unu qaji di Qotei na olo yaiyimqa a laŋa sqas. A mareqnu, ‘E powo ti.’ Di sai. A powo saiqoji.”

1 Korin 15:15

Qotei na tamo moreŋeb qaji naŋgi olo subq na tigeltnjrqasai anjam di bole qamu Qotei na Kristus dego subq na tigeltosai qamu iga Qotei aqa kumbra kalil gisaŋ qa mareqnum qamu. Agi iga mareqnum, Qotei a Kristus subq na tigeltej.

1 Korin 15:2

Anjam e nami palontosim niŋgi merŋgoqnem qaji di niŋgi olo torei siŋgila na ojesoqniye. Ojesqab di Qotei a niŋgi oqas. Niŋgi nami Yesus qa nuŋgo areqalo siŋgilateb. Ariya niŋgi laŋa babaŋ na siŋgilatqab di Qotei a niŋgi oqasai.

1 Korin 3:18

Niŋgi na nuŋgo segi jejamu gisaŋyaib. Nuŋgo ambleq di tamo bei a mandam qaji powo ti sosim endegsi are qalqas, “E segi powo koba ti unum.” Di gisaŋ. Deqa tamo di a mati marqas, “Bole, e powo ti sosai. E nanari tamo.” Degsi marim Qotei na a olo powo yimqa dena a powo bole ti sqas.

Galesia 2:6

Tamo qudei naŋgi Kristen gate kokba. Naŋgi ñam ti. Ariya ijo areqalo agiende. Naŋgi gate kokba kio sai kio di laŋa. Qotei a tamo naŋgo ñam qa are qalosaieqnu. Ariya e na tamo ñam ti naŋgi di ijo wau ubtsim minjrnamqa naŋgi mareb, “Di kere.” Naŋgi olo anjam bei e merbosai.

Galesia 2:9

Tamo uŋgasari naŋgi mareqnub, Jems na Pita na Jon na naŋgi qalub Kristen naŋgo gate kokba. Ariya naŋgi qalub qalieeb, Qotei a e qa are boleiyosiq wau ebej. Deqa naŋgi aqo Barnabas wo gago baŋ ojsib mergeb, “Niŋgi gago Kristen was bole.” Osib naŋgi iga ti areqalo qujaitosim anjam endegsi keretem, aqo Barnabas wo sawa bei beiq dia Qotei aqa wau yoqnqom. Ariya naŋgi Juda naŋgo ambleq di wauoqnqab.

Galesia 3:4

Gulube kalil nami niŋgi qa boqneb qaji di niŋgi laŋa qoboiyoqneb e? E are qalonum, niŋgi laŋa qoboiyosai.

Galesia 6:3

Nuŋgo ambleq di tamo bei a marqas, “E ñam koba ti unum.” Ariya a ñam ti sosai. A ñam saiqoji deqa a na aqa segi jejamu gisaŋyqo.

Efesus 4:29

Niŋgi nuŋgo medabu waqtoqnsib anjam uge uge maroqnaib. Niŋgi anjam bole segi maroqnsib dena tamo naŋgi gulube ti unub qaji naŋgi olo siŋgilatnjroqniye. Yoqnim naŋgi nuŋgo anjam di quoqnib dena Qotei a naŋgi qa are tulaŋ boleiyoqnsim kumbra bole bole enjroqnqas.

Efesus 5:4

Anjam jiga ti nanari anjam ti alaŋ anjam ti di dego niŋgi maroqnaib. Iga anjam deqaji maroqnqasai. Niŋgi anjam bei marqa oqnsib Qotei biŋiyoqniye.

Kolosi 4:6

Niŋgi anjam bole segi gaigai maroqniye. Yim nuŋgo anjam dena tamo naŋgo are siŋgilatetnjroqnqas. Tamo naŋgi na niŋgi anjam bei nenemŋgibqa niŋgi kamba anjam bei minjrqa oqnsib geregere are qaloqnsib minjroqniye.

Jems 1:19

O ijo was bole, niŋgi ijo anjam endi geregere qalieosib soqniye. Niŋgi anjam bei marqa osib urur medabu waqtaib. Mati didaboqniye. Urur minjiŋ oqaiq.

Jems 1:22

Ariya Qotei aqa anjam niŋgi ojejunub qaji di torei dauryoqniye. Laŋa qusib olo urataib. Niŋgi laŋa quqwab di niŋgi nuŋgo segi jejamu gisaŋyqab.

Jems 2:20

Ni nanari tamo. Ni mareqnum, “E Kristus qa ijo areqalo siŋgilateqnum.” Ni degsi maroqnsim ariya ni olo kumbra bole bei babtosaieqnum. Deqa ni laŋa medabu na mareqnum. Ni ijo anjam di aqa utru poimqo e? Ariya ni que.

1 Pita 3:10

Agi Qotei aqa anjam bei nami endegsib neŋgreŋyeb unu, “Tamo bei a mandamq endia so bole sqa marsimqa a anjam uge bei maroqnaiq. A gisaŋ anjam dego maroqnaiq.