Jems 1:19 - Yesus Aqa Anjam Bole

¹⁹ O ijo was bole, niŋgi ijo anjam endi geregere qalieosib soqniye. Niŋgi anjam bei marqa osib urur medabu waqtaib. Mati didaboqniye. Urur minjiŋ oqaiq.

Jems 1:19 Iomraidhean Croise

Matyu 5:22

Ariya e na dal anjam di buŋyosiy niŋgi endegsi merŋgwai. Tamo bei na aqa was laŋa ŋiriŋtqas di a une ti sqas. Tamo bei na aqa was laŋa misiliŋyqas di a une kobaquja yqas. Deqa a ojsib Juda gate kokba naŋgo ulatamuq di tigeltosib aqa une ubtetqab di kere. Ariya tamo bei na aqa was laŋa minjqas, ‘Ni tulaŋ nanari, areqalo saiqoji,’ degyqas aqa une deqa Qotei na a osim ŋamyuoq waiyqas.

Mak 12:37

Agi Devit a segi marej, ‘Kristus a ijo Tamo Koba.’ Deqa Kristus a kiersi Devit aqa ŋiri dego sqas?” Yesus a na tamo uŋgasari naŋgi Qotei aqa anjam deqaji minjreqnaqa naŋgi aqa anjam quqwajqa tulaŋ arearetnjroqnej.

Mak 2:2

Degsib qusib mare mare laqnabqa tamo uŋgasari tulaŋ gargekoba queb. Deqa naŋgi bosib siraŋme juŋonabqa Yesus na Qotei aqa anjam palontosiq minjroqnej.

Luk 15:1

Bati bei takis o qaji tamo naŋgi ti une tamo naŋgi ti kalil Yesus aqa anjam quqwa marsibqa aqa areq bosib koroeb.

Aposel 1:15

Bati bei tamo uŋgasari 120 Yesus qa naŋgo areqalo siŋgilateb qaji naŋgi koroosib sonabqa Pita a naŋgo ambleq di tigelosiqa minjrej,

Aposel 10:33

Laŋ aŋgro na e degsi merbonaqa e urur tigelosim tamo qudei naŋgi qariŋnjrnam Jopa qureq aisib inoq di branteb. Brantonabqa ni na naŋgi daurnjrsim agi ijo talq bonum. Deqa e ni qa tulaŋ areboleboleibqo. Endego iga kalil endia koroosimqa Qotei aqa ŋamgalaq di awejunum. Deqa anjam kalil Tamo Koba Qotei na ni mermej qaji di mergimqa iga quqwom.” Kornilius na Pita degsi minjej.

Aposel 13:48

Onaqa sawa bei bei qaji tamo naŋgi Pol aqa anjam di qusibqa naŋgi tulaŋ areboleboleinjrnaqa Tamo Koba Yesus aqa anjam biŋiyeb. Deqa qure dia tamo uŋgasari kalil Qotei na nami ŋambile gaigai sqajqa giltnjrej qaji naŋgi are bulyosib Yesus qa naŋgo areqalo siŋgilateb.

Aposel 17:11

Juda tamo uŋgasari Beria qureq di soqneb qaji naŋgo kumbra tulaŋ boledamu. Tesalonaika qureq di soqneb qaji naŋgi ti keresai. Juda tamo uŋgasari Beria qureq di soqneb qaji naŋgi Qotei aqa anjam quqwajqa tulaŋ areboleboleinjreqnaqa bati gaigai Qotei aqa anjam nami neŋgreŋyeb qaji di geregere peleiyoqneb. Pol wo Sailas wo naŋgo anjam bole kio sai kio di naŋgi qalieqa marsib deqa bati gaigai naŋgo aiyel anjam ti Qotei aqa anjam nami neŋgreŋyeb qaji de ti geregere tenemtoqneb.

Aposel 2:42

Tamo uŋgasari Yesus qa naŋgo areqalo siŋgilateb qaji naŋgi bati gaigai Yesus aqa aŋgro 12-pela naŋgo anjam quoqnsib dauryoqneb. Naŋgi bati gaigai are qujaitoqnsib bem gentosib uyoqnsibqa Qotei pailyosib soqneb.

Efesus 4:26

Niŋgi minjiŋ oqimqa ariya niŋgi geregere ŋam atiye. Niŋgi olo une ato uge. Niŋgi urur minjiŋ kobotiye. Niŋgi minjiŋ ti soqnib seŋ aiaiq.

Efesus 4:31

Deqa niŋgi are uge ti minjiŋ ti ŋiriŋ ti qoto ti misiliŋ anjam ti kumbra uge uge ti kalil torei uratiye.

Kolosi 3:15

Kristus a na iga lawo kumbra egeqnu. Lawo kumbra dena nuŋgo are miligi taqatesoqneme. Qotei na niŋgi metŋgej deqa niŋgi jejamu qujai bul sosib are qujaitosib soqniye. Sosib deqa niŋgi gaigai Qotei biŋiyoqniye.

Kolosi 3:8

Ariya bini niŋgi kumbra uge kalil di uratekritiye. Ŋiriŋ ti minjiŋ ti are uge ti yomu anjam ti anjam jiga ti di kalil uratekritiye.

1 Tesalonaika 2:13

Iga Qotei aqa anjam niŋgi merŋgeqnam niŋgi quoqnsib endegsib marosaioqneb, “Anjam di mandam tamo naŋgo anjam.” Niŋgi degsib marosaioqneb. Niŋgi quoqnsib maroqneb, “Bole, anjam di Qotei aqa anjam tiŋtiŋ.” Niŋgi degsib maroqneb deqa Qotei aqa anjam di nuŋgo are miligiq di siŋgila na waueqnu. Di kiyaqa? Niŋgi Kristus qa nuŋgo areqalo siŋgilateqnub deqa. Deqa iga gaigai niŋgi qa are qaloqnsim Qotei biŋiyeqnum.

Jems 1:16

O ijo was bole, une aqa kumbra dena niŋgi gisaŋgaim deqa niŋgi une kalil uratiye.

Jems 1:2

O ijo was qu, gulube utru segi segi gargekoba niŋgi qa boqnimqa uŋgum niŋgi endegsib are qaloqniye, “Iga gulube deqa areboleboleigim sqom.”

Jems 1:26

Tamo bei a endegsi are qalqas, “E gaigai Qotei qa loueqnum. Deqa e Kristen tamo bole.” Ariya tamo di a aqa segi medabu geregere taqatosaieqnu. Aqa kumbra dena a na aqa segi jejamu gisaŋyeqnu. Deqa a Qotei qa loueqnu di a laŋa loueqnu.

Jems 2:1

O ijo was qu, e qalieonum, niŋgi gago Tamo Koba Yesus Kristus agi laŋ qa iŋgi iŋgi kalil taqatejunu qaji a qa nuŋgo areqalo siŋgilateqnub. Nuŋgo areqalo dego deqa e na niŋgi endegsi merŋgwai. Niŋgi tamo ñam ti naŋgi kumbra bole bole enjroqnsib olo tamo laŋaj naŋgi qoreinjroqnaib.

Jems 2:5

O ijo was bole, niŋgi quiye. Qotei a tamo iŋgi iŋgi saiqoji unub qaji naŋgi qa osiqa giltnjrej. Yim naŋgi a qa naŋgo areqalo siŋgilaboletibqa a na naŋgi taqatnjrsim naŋgo Mandor Koba sqajqa deqa. Agi Qotei a nami endegsi marej, “Tamo uŋgasari e qalaqalaibeqnub qaji naŋgi e na taqatnjrsiy naŋgo Mandor Koba sqai.” Ariya mandam endeqaji tamo uŋgasari naŋgi mareqnub, “Tamo iŋgi iŋgi saiqoji unub qaji naŋgi tamo uge.”

Jems 3:10

Ariya iga olo kumbra ugeteqnum. Agi iga gago medabu waqtoqnsim Qotei aqa ñam soqtoqnsim olo medabu qujai dena anjam uge mareqnum. O ijo was qu, gago kumbra di uge.

Jems 4:11

O was qu, niŋgi na Qotei aqa tamo uŋgasari naŋgi uge qa minjraib. Tamo bei na aqa was naŋgi uge qa minjrsim naŋgo jejamuq di une qametnjrqas di a dal anjam dego uge qa marsiq qamqo. Niŋgi dal anjam uge qa marsib qamqab di niŋgi dal anjam aqa sorgomq di sqa uratonub. Osib laŋa pegiyonub.

Jems 5:12

O was qu, e anjam kobaquja bei unu. Anjam agiende. Niŋgi anjam bei marqa osibqa iŋgi bei na siŋgilataib. Niŋgi laŋ qure aqa ñam na anjam siŋgilataib. Niŋgi mandam aqa ñam na anjam siŋgilataib. Anjam boleamqa od qa mariye. Anjam bolesaiamqa said qa mariye. Niŋgi degyqab di Qotei na niŋgi awai uge bei eŋgwasai.

Jems 5:19

O ijo was qu, nuŋgo ambleq di was bei a Qotei aqa anjam bole dauryqa uratimqa tamo bei na olo Qotei aqa anjam minjimqa a are bulyqas di tamo dena kumbra boledamu yqo. Niŋgi ijo anjam deqa geregere are qaliye. Tamo bei a une ti soqnimqa was bei na gilsim aqaryaiyimqa a gam uge di uratosim olo Qotei aqa areq bqas di was dena aqa qunuŋ moio sawaq dena oqo. Deqa tamo di a moiqasai. Qotei na aqa une gargekoba kobotetqas.

1 Jon 2:21

Niŋgi anjam bole qaliesai e deqa osim anjam endi neŋgreŋyosai. Niŋgi anjam bole qalieonub e deqa osim anjam endi neŋgreŋyonum. Niŋgi qalie, iga anjam bole marqom dena iga gisaŋ anjam bei babtqa keresai.