Jems 1:11 - Yesus Aqa Anjam Bole

¹¹ Iga qalie, seŋ oqsim kaŋkaŋamqa balamtamo aqa so laosim moiqas. Yim aqa wala bole di koboqas. Dego kere tamo naŋgi ñoro koba ti unub qaji naŋgi wauoqnsibqa bati qujai qa naŋgi urur moreŋosib koboqab.

Jems 1:11 Iomraidhean Croise

Matyu 13:6

Naŋgo jirim tulaŋ guma aiosai deqa seŋ oqsiq kaŋkaŋonaqa naŋgi laosib moreŋeb.

Matyu 20:12

‘Tamo naŋgi di bilaq bosib waukiñalayonubqa silali iga egonum qaji dego kere naŋgi enjronum. Iga nobqolo waueqnam seŋ oqsiq gago jejamu tulaŋ kaŋkaŋeqnaqa bilaqtqo. Iga silali koba osai.’

Matyu 6:30

Maŋ laŋaj bini oqwas nebe tamo naŋgi na giŋgeŋyosib olo ŋamyuoq waiyqab. Maŋ laŋaj di Qotei na wala enjreqnu. Deqa niŋgi kiyaqa Qotei qa nuŋgo areqalo siŋgilatqa yonub keresaiiŋgwo? Niŋgi maŋ laŋaj sai. Niŋgi tamo qunuŋ ti. Deqa niŋgi endegsi poiŋgem. Qotei a niŋgi dego gara eŋgoqnqas.

Mak 4:6

Naŋgo jirim tulaŋ guma aiosai deqa seŋ oqsiq kaŋkaŋonaqa naŋgi laosib moreŋeb.

1 Korin 7:31

Tamo naŋgi mandam qa iŋgi iŋgi qa waueqnub qaji naŋgi iŋgi iŋgi qa wauosai bul soqnebe. Niŋgi qalie, sokiñala mandam ti aqa iŋgi iŋgi kalil ti torei koboqab.

1 Pita 1:4

Qotei na iga laŋ goge qaji ŋambile tulaŋ boledamu egwajqa deqa marsiq iga giltgej. Ŋambile di ugeqa keresai. A Qotei aqa ŋamgalaq di tulaŋ boledamu. A koboqa keresai dego. Qotei na ŋambile di laŋ goge dia gereiyetŋgej unu. Deqa mondoŋ niŋgi Qotei ombla laŋ qureq di sosib ŋambile di oqab.

1 Pita 5:4

Niŋgi kumbra degyibqa mondoŋ kaja naŋgo Mandor Koba Yesus a laŋ qureq na olo brantimqa bati deqa niŋgi awai tulaŋ boledamu oqab. Awai di ugeqa keresai. Gaigai sqas.