Hibru 2:4 - Yesus Aqa Anjam Bole

⁴ Qotei na maŋwa ti siŋgila ti babtoqnsiqa aqa segi areqalo dauryosiq aqa Mondor Bole aqa kumbra segi segi jeisiq tamo uŋgasari naŋgi enjroqnej. Kumbra dena naŋgi osornjrej, Qotei aqa Ŋiri aqa anjam di bole kalil.

Hibru 2:4 Iomraidhean Croise

Mak 16:20

Onaqa aqa aŋgro naŋgi jaraiosib sawa sawa kalil keretosib Yesus aqa anjam bole minjre minjre laqneb. Laqnabqa Tamo Koba Yesus a naŋgi koba na wauoqnsiqa maŋwa gargekoba yeqnaqa dena naŋgo anjam siŋgilaoqnej.

Mak 6:14

Yesus aqa aŋgro naŋgi aqa ñam mare mare laqnabqa Mandor Koba Herot a dego quej. Qusiqa marej, “Tamo di Jon yansnjro qaji tamo de kio? A moisiq olo subq na tigelqo. Dena a siŋgila osiqa maŋwa endeqaji babteleŋeqnu.”

Jon 15:26

“Niŋgi siŋgilatŋgwajqa Mondor a ijo Abu ombla unub. E na a qariŋyit niŋgi qa bqas. A anjam bole qa Mondor. A ijo Abu aqaq dena bqas. Bosim ijo wau qa ti ijo kumbra qa ti anjam babtqas.

Jon 4:48

Onaqa Yesus na qaja tamo di minjej, “Nuŋgo segi ŋamdamu na ijo maŋwa bei unqasai di niŋgi e qa nuŋgo areqalo siŋgilatqasai.”

Aposel 14:3

Deqa naŋgi aiyel Aikoniam qureq dia sokobaiyosib Tamo Koba Qotei a tamo uŋgasari naŋgi qa are tulaŋ boleiyeqnu anjam di minjroqneb. Naŋgi aiyel ulaosai. Tamo Koba Qotei na naŋgi aiyel siŋgila enjreqnaqa naŋgi maŋwa gargekoba yoqneb. Naŋgo kumbra dena Tamo Koba Qotei na tamo uŋgasari naŋgi osornjroqnej, naŋgo aiyel anjam di bole.

Aposel 4:10

Deqa niŋgi ti Israel tamo uŋgasari kalil ti ijo anjam endi qusib poiŋgem. Yesus Kristus Nasaret qaji agi niŋgi na ŋamburbasq di qalnab Qotei na olo subq na tigeltej qaji aqa ñam na tamo endi aqa jejamu boleosiq nuŋgo ulatamuq endia tigelesonaq niŋgi unonub.

Aposel 5:32

Iga gago segi ŋamdamu na Yesus aqa kumbra di unoqnsim deqa mare mare laqnum. Qotei aqa Mondor Bole na dego Yesus aqa kumbra deqa mare mare laqnu. Qotei na tamo uŋgasari aqa anjam dauryeqnub qaji naŋgi aqa Mondor di enjreqnu.”

Efesus 1:5

Tulaŋ nami Qotei na iga qalaqalaigosiqa iga aqa segi aŋgro sqa marsiqa Yesus Kristus aqa wau na iga eleŋej. Qotei aqa segi areqalo na a degyej.

Efesus 1:9

Nami Qotei a Kristus aqa wau na iga eleŋqa are qalej. Aqa areqalo di ulitesoqnej. Ariya bini a na aqa areqalo di olo boleq atsiq osorgej.

Efesus 4:7

Kristus a na iga iŋgi tulaŋ kobaquja egej. Iŋgi agiende. Aqa wau na Qotei a iga kalil qa are tulaŋ boleiyosiq iga eleŋej.

Hibru 6:4

Tamo qudei naŋgi Qotei aqa suwaŋ uneb. Naŋgi laŋ qureq oqwajqa gam geregere qalieeb. Naŋgi Qotei aqa Mondor esoqneb. Naŋgi Qotei aqa anjam pegiyosib deqa naŋgi qalieeb, aqa anjam bolequja. Naŋgi Qotei aqa siŋgila mondoŋ brantqas qaji di dego qalieosib ojesoqneb.