Filemon 1:20 - Yesus Aqa Anjam Bole

²⁰ O ijo was Filemon, ni que. Ni Tamo Koba Kristus aqa ñam na kumbra bole di e ebe. Aqo ombla Kristus aqa tamo unum deqa ni kumbra di yosim dena ijo are boletetbe.

Filemon 1:20 Iomraidhean Croise

1 Korin 16:18

Bosib e ti niŋgi ti gago are latetgonub. Deqa niŋgi tamo deqaji naŋgi qa tulaŋ areboleboleiŋgeme.

2 Korin 2:2

E niŋgi are gulube eŋgwai di tamo yai na ijo are olo boletetbqas? Niŋgi segi na ijo are boletbqa kere.

2 Korin 7:13

Nuŋgo kumbra dena gago are tulaŋ laejunu. Gago are laejunu deqa iga areboleboleigwo. Ariya niŋgi na Taitus aqa are gulube kobotetosib are boleteteb deqa iga olo tulaŋ areboleboleigwo.

Filipai 1:8

Qotei a segi qalie, Kristus Yesus a iga qa are tulaŋ boleiyeqnu aqa kumbra dena ijo are tigeltetbej deqa e niŋgi kalil qa bosiy nuŋgwajqa are koba qaleqnum.

Filipai 4:1

Deqa ijo was bole, niŋgi Tamo Koba Yesus beteryosib siŋgila na tigelesoqniye. Agi e nami niŋgi degsi merŋgem. E niŋgi tulaŋ qalaqalaiŋgeqnum deqa e niŋgi qa are koba qaleqnum. Niŋgi segi ijo awai bole bul. Deqa e niŋgi oqajqa waukobaeqnum. E niŋgi qa tulaŋ areboleboleibeqnu.

Filemon 1:12

Ariya endego e a qariŋyonum a ni qa olo bqo. Deqa e a qa are ugeibqo. Di kiyaqa? E a tulaŋ qalaqalaiyeqnum deqa.

Filemon 1:7

Od, was, ni na Qotei aqa segi tamo uŋgasari kalil naŋgi tulaŋ qalaqalainjreqnum. Ino kumbra dena ni na naŋgo are tulaŋ siŋgilatetnjreqnum. E ino kumbra deqa qusim dena ijo are latetbqoqa e tulaŋ areboleboleibqo.

Hibru 13:17

Nuŋgo Kristen gate naŋgi na nuŋgo qunuŋ taqateqnub. Deqa mondoŋ Qotei a naŋgo wau deqa nenemnjrimqa naŋgi kamba a minjqab. Deqa niŋgi naŋgo medabu geregere dauryoqnsib naŋgo sorgomq di soqniye. Niŋgi degyqab di naŋgi arebolebole na niŋgi taqatŋgwab. Naŋgi are gulube ti niŋgi taqatŋgwasai. Ariya naŋgi are gulube ti niŋgi taqatŋgwab di naŋgi na niŋgi geregere aqaryaiŋgwa keresai.

1 Jon 3:17

Tamo bei a mandam endeqa iŋgi iŋgi koba koroiyosimqa ariya aqa was bei iŋgi saiqoji soqnim unsim a aqaryaiyosaiamqa iga endegsi qalieqom, Qotei aqa qalaqalaiyo kumbra tamo di aqa are miligiq di sosai.

3 Jon 1:4

Ijo aŋgro naŋgi anjam bole dauryeqnub e di quoqnsim deqa e tulaŋ areboleboleibeqnu. Ijo arebolebole dena arebolebole kalil tulaŋ buŋyejunu.