Filemon 1:16 - Yesus Aqa Anjam Bole

¹⁶ Onesimus a kaŋgal tamo laŋaj ni degsi are qalaim. Bole, a ino kaŋgal tamo. Ariya bini a ino Kristen was dego. Deqa ni a tulaŋ qalaqalaiyoqne. E a unonum, a ijo Kristen was bole. Deqa e a tulaŋ qalaqalai-yeqnum. Ariya e qalieonum, ni a olo tulaŋ qalaqalaiyoqnqam. Kristus na aqa are bulyetej deqa a ino kaŋgal tamo boledamu sqas. Soqnim ni a unsim marqam, “Bole, a ijo Kristen was bole.” Osim ni a tulaŋ qalaqalaiyoqnqam.

Filemon 1:16 Iomraidhean Croise

Matyu 23:8

Ariya tamo qudei naŋgi na niŋgi endegsib merŋgaib, ‘O Qalie Tamo.’ Tamo qujai a segi nuŋgo qalie tamo. Niŋgi kalil was qu.

Aposel 9:17

Onaqa Ananaias na minjej, “Od, Tamo Koba, e ino anjam dauryqai.” Osiqa tigelosiq gilsiq Sol soqnej qaji tal di gogetosiqa Sol aqaq di baŋ atsiqa minjej, “O ijo was Sol, Tamo Koba Yesus agi gamq dia inoq di brantonaq unem qaji a na e endegsi merbej, ‘Ni gilsim Sol boletimqa aqa ŋamdamu olo poiyqas. Yimqa Qotei aqa Mondor Sol aqa are miligiq aisim a siŋgilatqas.’ Yesus na e degsi merbsiqa qariŋbqoqa agi e inoq bonum.”

1 Korin 7:22

Tamo naŋgi kaŋgal tamo sonabqa Qotei na metnjrej qaji naŋgi Tamo Koba Yesus aqa. Deqa naŋgi aqa ŋamgalaq di kaŋgal tamo sosai. Dego kere tamo naŋgi kaŋgal tamo sosai sonabqa Qotei na metnjrej qaji naŋgi olo Kristus aqa kaŋgal tamo bul unub.

Kolosi 3:22

O kaŋgal tamo, niŋgi gaigai nuŋgo wau qa gate naŋgo anjam dauryoqniye. Niŋgi gisaŋosib nuŋgo wau qa gate naŋgo ŋamdamuq di laŋa wau bole yobulaib. Niŋgi Tamo Koba Kristus qa ulaosib deqa gaigai are bole na wau bole yoqniye.

1 Timoti 6:2

Kaŋgal tamo qudei naŋgo wau qa gate naŋgi Kristen tamo. Deqa ni na kaŋgal tamo naŋgi di minjrimqa naŋgi endegsib are qalaib, “Gago wau qa gate naŋgi gago Kristen was qu. Deqa uŋgum, iga naŋgo anjam gotraŋyoqnqom.” Naŋgi degsib are qalaib. Ni na naŋgi minjrimqa naŋgi endegsib are qalqab, “Gago wau qa gate naŋgi Kristen tamo bole. Deqa iga na naŋgi qalaqalainjroqnqom.” Naŋgi degsib are qalqab di naŋgi naŋgo wau qa gate naŋgi geregere wauetnjroqnqab. O Timoti, ni gaigai Kristen tamo uŋgasari naŋgi kumbra bole dauryqajqa minjroqnsim are tigeltetnjroqnimqa naŋgi kumbra bole kalil e nami mermonum qaji di yoqnqab.

Hibru 3:1

O Kristen was qu, Qotei laŋ qureq di unu qaji a na niŋgi dego metŋgej deqa niŋgi Yesus qa are qaloqniye. Qotei na Yesus qariŋyonaq mandamq aiej. A gago atra tamo kobaquja unu. Deqa iga a qa gago areqalo siŋgilatoqnsim aqa ñam boleq na maroqnqom.

1 Jon 5:1

Yesus a segi Kristus. Tamo kalil degsib maroqnsib Yesus qa naŋgo areqalo siŋgilateqnub qaji naŋgi Qotei aqa aŋgro tiŋtiŋ unub. Tamo kalil Abu Qotei qalaqalaiyeqnub qaji naŋgi na aqa aŋgro naŋgi dego qalaqalainjreqnub.