Aposel 9:3 - Yesus Aqa Anjam Bole

^3-4 Degsi minjnaqa anjam di neŋgreŋyosiq yonaqa walwelosi aisiq Damaskus qure jojomyeqnaqa gamq dia puloŋ siŋgila koba minjal ti laŋ goge dena aqaq aisiq tulaŋ koba riaŋonaqa a uloŋosiq mandamq di ŋeiej. Ŋeiesosiqa Yesus aqa kakoro quej. Yesus na minjej, “O Sol. Ni kiyaqa e ugeugeibeqnum?”

Aposel 9:3 Iomraidhean Croise

Aposel 22:6

“Deqa e walwelosi aisim Damaskus qure jojomyeqnamqa qanam jige puloŋ siŋgila koba minjal ti laŋ goge dena aisiq ijo ulatamuq di tulaŋ koba riaŋonaqa e uloŋosim mandamq di ŋeiem. Ŋeiesosim kakoro bei laŋ goge dena brantonaq quem. A endegsi merbej, ‘O Sol, ni kiyaqa e ugeugeibeqnum?’

Aposel 9:17

Onaqa Ananaias na minjej, “Od, Tamo Koba, e ino anjam dauryqai.” Osiqa tigelosiq gilsiq Sol soqnej qaji tal di gogetosiqa Sol aqaq di baŋ atsiqa minjej, “O ijo was Sol, Tamo Koba Yesus agi gamq dia inoq di brantonaq unem qaji a na e endegsi merbej, ‘Ni gilsim Sol boletimqa aqa ŋamdamu olo poiyqas. Yimqa Qotei aqa Mondor Sol aqa are miligiq aisim a siŋgilatqas.’ Yesus na e degsi merbsiqa qariŋbqoqa agi e inoq bonum.”

Aposel 9:27

Onaqa Barnabas na Sol osiqa Yesus aqa aŋgro 12-pela naŋgoq gilsiqa Sol a nami Damaskus qureq aioqnsiqa gamq dia Tamo Koba Yesus unnaqa anjam minjej qaji deqa naŋgi sainjrej. Sol a Damaskus qureq aisiq dia sosiqa Juda tamo uŋgasari naŋgi Yesus aqa anjam minjroqnsiq laqnej a ulaosaioqnej deqa ti naŋgi sainjrej.

1 Korin 15:8

Ariya olo bunuqna a e qa dego brantonaq unem. Uŋa bei a bati grotosim aqa aŋgro ŋambabtougetqas dego kere Kristus a bunuqna e qa brantonaq unem.

1 Korin 9:1

Niŋgi ijo kumbra uniye. E kumbra kie yqa are sqas e yqai. Qotei na e qariŋbej deqa e aqa anjam marsim laqnum. E ijo segi ŋamdamu na gago Tamo Koba Yesus unem. E nuŋgo ambleq di Tamo Koba Yesus aqa wau ojem dena niŋgi are bulyosib Kristen tamo branteb. Niŋgi ijo kumbra deqa qaliesai kio?

1 Timoti 6:16

A segi qujai moiosaieqnu. A suwaŋoq di unu. Aqa suwaŋ di kobaquja. Deqa iga aqa areq di brantqa keresai. Tamo bei na nami aqa ulatamu unosaioqnej. Tamo bei na a unqa keresai dego. Deqa iga kalil gaigai aqa ñam soqtoqnqom. A bati gaigai siŋgila koba ti sqas. Bole.

Uli Anjam 21:23

Qure di seŋ ti bai ti na suwantosai. Qotei aqa segi riaŋ na qure di suwantoqnqas. Kaja Du a segi qure di aqa puloŋ.

Uli Anjam 22:5

Qure dia ambruoqnqasai. Deqa lam qatrentqasai. Seŋ suwaŋoqnqasai. Tamo Koba Qotei a segi na tamo uŋgasari naŋgi suwantnjroqnqas. Yim naŋgi bati gaigai mandor kokba sqab.