Aposel 9:15 - Yesus Aqa Anjam Bole

¹⁵ Onaqa Tamo Koba Yesus na Ananaias minjej, “Ni ijo anjam mermonum qaji endi daurye. Sol a ijo wau tamo. E na a giltonum deqa a na ijo ñam osi walwelosim sawa sawa kalilq dia tamo uŋgasari Qotei qaliesai qaji naŋgi ti mandor kokba ti Israel tamo uŋgasari naŋgi ti ijo ñam minjroqnqas.

Aposel 9:15 Iomraidhean Croise

Matyu 10:18

Naŋgi ijo ñam ugetqa maroqnsib deqa niŋgi joqoqnsib Rom naŋgo gate kokba ti naŋgo mandor kokba ti naŋgo ulatamuq dia niŋgi tigeltŋgoqnqab. Bati deqa niŋgi ijo anjam bole naŋgi minjroqnqab. Osib sawa bei bei qaji tamo naŋgi dego ijo anjam bole minjroqnqab.

Jon 15:16

“Niŋgi na e giltbosai. E na niŋgi ijo segi qa osim giltŋgem. Osim niŋgi wau eŋgem. Yimqa niŋgi gilsib gei koba ateleŋoqnibqa nuŋgo gei bole gaigai sqas. Deqa niŋgi ijo ñam na iŋgi bei qa ijo Abu pailyqab di a na eŋgwas.

Aposel 13:2

Bati bei naŋgi Tamo Koba Qotei qa louoqnsib qurieŋosib iŋgi ti ya ti uratsib sonabqa Qotei aqa Mondor na naŋgi minjrej, “Niŋgi na Barnabas wo Sol wo naŋgi aiyel giltnjrsib qariŋnjribqa e na wau enjro qaji di naŋgi gilsib wauoqnqab.”

Aposel 22:14

Onaqa Ananaias na olo merbej, ‘Gago moma naŋgo Qotei a na ni giltmqo. Ni aqa areqalo dauryosim Yesus unimqa a na ni anjam bei mermim quqwajqa deqa ni giltmqo. Yesus agi kumbra tiŋtiŋ yeqnu qaji tamo.

Aposel 22:21

Onaqa Tamo Koba Yesus na e olo merbej, ‘Ni tigelosim Jerusalem qure uratosim aie. E ni qariŋmitqa ni sawa isaq aisim dia sawa bei bei qaji tamo naŋgi ijo anjam minjroqnqam.’”

Aposel 25:22

Festus a na Agripa degsi minjnaqa Agripa na minjej, “E dego Pol aqa anjam quqwai.” Onaqa Festus na minjej, “Nebe ni aqa anjam quqwam.”

Aposel 26:1

Onaqa Agripa na Pol minjej, “Ni kamba ino anjam marimqa e quqwai.” Degsi minjnaqa Pol na aqa baŋ soqtosiqa endegsi marej,

Aposel 26:32

Naŋgi degsib marsibqa Agripa na Festus minjej, “Pol a Sisar aqa ulatamuq di tigelqa marosai qamu ni na endego a tonto talq dena uratim oqedqo qamu.”

Aposel 28:17

Pol a di sosiqa bati qalub koboonaqa a na Juda tamo kokba Rom dia soqneb qaji naŋgi metnjrnaqa bosib aqa areq di koroonab minjrej, “O ijo was niŋgi quiye. Jerusalem dia Juda tamo kokba naŋgi e laŋa ojsib tonto talq waibeb. Naŋgi ijo une bei unosai. E Juda gago kumbra bei ugeugeiyosaioqnem. Gago moma naŋgo dal anjam dego gotraŋyosaioqnem. Juda tamo kokba naŋgi e laŋa ojsib Rom naŋgo baŋq di ateb.

Aposel 28:28

Osiqa Pol a olo anjam endegsi minjrej, “Deqa ijo was niŋgi endegsi poiŋgem. Juda tamo uŋgasari naŋgi na Qotei aqa anjam quqwa urateqnub deqa Qotei na sawa bei bei qaji tamo naŋgi oqa marsiqa anjam qariŋyqo naŋgoq gilqo. Naŋgi Qotei aqa anjam uratqasai. Naŋgi qusib dauryqab.”

Rom 1:1

E Pol. E Kristus Yesus aqa wau tamo. E aqa anjam maro tamo sqajqa deqa metbej. Osiqa e Qotei aqa anjam bole marsim laqajqa deqa giltbej.

Rom 1:5

Yesus Kristus aqa wau na Qotei a iga qa are tulaŋ boleiyosiqa aqa ñam na iga aqa anjam maro tamo sqajqa deqa wau egej. Tamo uŋgasari sawa sawa kalilq di unub qaji naŋgi Yesus qa naŋgo areqalo siŋgilatosib aqa anjam dauryqajqa deqa are qalsiq wau egej.

Rom 11:13

Ariya endego e na niŋgi sawa bei bei qaji tamo uŋgasari naŋgi anjam endegsi merŋgit quiye. Qotei na e nuŋgo ambleq di wauqajqa deqa qariŋbej. Deqa e ijo wau deqa tulaŋ areboleboleibeqnu.

1 Korin 15:10

Ariya Qotei a e qa are boleiyej deqa bini e aqa anjam maro tamo unum. A e qa are boleiyej aqa kumbra di laŋa uloŋosai. E aqa kumbra di osim siŋgila na waukobaoqnsim Qotei aqa anjam maro tamo kalil naŋgi tulaŋ buŋnjreqnum. Ariya e ijo segi siŋgila na wau di yosaieqnum. Qotei a e qa are boleiyej deqa a na e siŋgila ebeqnaqa e wau di yeqnum.

1 Korin 9:16

E Yesus aqa anjam bole marsim laqnum ijo wau deqa e ijo segi ñam soqtqa keresai. Qotei na e wau ebej deqa e wau di yoqnqai. E uratqa keresai. Uratqai di Qotei na e gulube ebqas.

Galesia 1:1

E Pol. Yesus Kristus na e qariŋbej deqa e aqa anjam mare mare laqnum. Mandam tamo bei na e qariŋbosai. Tamo bei na e wau ebosai dego. Yesus Kristus naŋgi Abu Qotei agi Kristus subq na tigeltej qaji wo naŋgi aiyel na e wau ebeb.

Efesus 3:1

Qotei na niŋgi kumbra tulaŋ boledamu eŋgej anjam di e marsim laqnem deqa jeu tamo naŋgi na e ojsib tonto talq endia ateb unum. E Pol. E na niŋgi sawa bei bei qaji tamo niŋgi aqaryaiŋgwa osim deqa Kristus Yesus aqa wau di ojeqnum. Utru deqa e tonto talq endi unum.

1 Timoti 2:7

Qotei a na e aqa anjam marsiy laqajqa deqa osiq e giltbej. Deqa e aqa anjam marqajqa wau ti. E bole mermonum. E gisaŋosai. E sawa bei bei qaji tamo uŋgasari naŋgi qa gilsiy Qotei aqa anjam minjroqnitqa naŋgi qusib Kristus qa naŋgo areqalo siŋgilatosib aqa anjam bole poinjrqajqa deqa osiqa e wau ebej.

2 Timoti 1:11

Qotei aqa areqalo agiende. E Kristus aqa anjam bole marsiy laqnqai. Qotei aqa areqalo degsi unu deqa a na e giltbosiq wau ebej. Deqa e Qotei aqa anjam palontoqnsim Kristus aqa ñam maroqnsim tamo uŋgasari naŋgi Qotei aqa kumbra osornjreqnum.

2 Timoti 2:4

Qoto tamo naŋgo kumbra di ni qalie. Naŋgi qotqajqa wau ojsibqa olo wau bei qa are qalosaieqnub. Naŋgi qotqajqa wau segi ojeqnub. Deqa naŋgo gate a naŋgi unjroqnsiq naŋgi qa tulaŋ areboleboleiyeqnu.

Uli Anjam 17:14

Osib Kaja Du qa ŋiriŋosib qoto itqab. Amqa Kaja Du a qoto siŋgilaosimqa naŋgi ñumqas. Kaja Du a tamo kokba kalil naŋgo Tamo Koba. A mandor kokba kalil naŋgo Mandor Koba. Tamo kalil a ombla unub qaji naŋgi a ti qoto siŋgilaqab. Naŋgi di Kaja Du na metnjrsiq aqa segi tamo uŋgasari sqajqa giltnjrej qaji. Deqa naŋgi aqa anjam bole dauryeqnub.”