Aposel 9:14 - Yesus Aqa Anjam Bole

¹⁴ Deqa ni que. Atra tamo kokba naŋgi na Sol qariŋyonab Damaskus qure endeq bej. A qure endia tamo uŋgasari ino ñam qa loueqnub qaji naŋgi tontnjrsim joqsim Jerusalem gilqajqa deqa bej.”

Aposel 9:14 Iomraidhean Croise

Jon 15:21

Ariya jeu tamo naŋgi ijo Abu e qariŋbej qaji a qa qaliesai. Deqa naŋgi na niŋgi ugeugeiŋgoqnqab. Di kiyaqa? Niŋgi ijo ñam ejunub deqa.

Aposel 22:16

Deqa ni tariŋaim. Ni urur tigelosim are bulyosim Yesus aqa ñam qa ino areqalo siŋgilatosim pailye. Yimqa e na ni yansmitqa Qotei na ino une kalil kobotetmqas.’ Ananaias na e anjam degsi merbonaqa e aqa anjam di dauryosim yem.

Aposel 7:59

Osib meniŋ na Stiven qaleqnabqa moiqa osiqa Yesus endegsi pailyej, “O Tamo Koba Yesus, ni na ijo qunuŋ ame.”

Aposel 9:21

Yeqnaqa tamo uŋgasari aqa anjam quoqneb qaji naŋgi tulaŋ prugeleŋoqnsib maroqneb, “Niŋgi uniye. Sol a Yesus aqa ñam mare mare laqnu. A nami Jerusalem dia tamo uŋgasari Yesus aqa ñam qa loueqnub qaji naŋgi ugeugeinjroqnej. Osiqa Damaskus qureq endia dego naŋgi tontnjrsim atra tamo kokba naŋgoq joqsim gilqajqa bej.” Tamo uŋgasari naŋgi degsib maroqnsib tulaŋ prugeleŋoqneb.

1 Korin 1:2

Niŋgi Korin qureq dia Qotei qa loueqnub qaji. Kristus Yesus a na niŋgi osiqa Qotei aqa segi kumbra boleq di atej. Osiqa niŋgi aqa segi tamo sqa marsiqa giltŋgej. Niŋgi ti Kristen tamo uŋgasari kalil qure qure kalilq dia gago Tamo Koba Yesus Kristus aqa ñam qa louoqnsib pailyeqnub qaji naŋgi ti Qotei na turtŋgosiqa aqa segi tamo sqa marsiqa niŋgi giltŋgej. Yesus a gago Tamo Koba. A Kristen tamo kalil dego naŋgo Tamo Koba.

2 Timoti 2:22

Deqa areqalo uge uge kalil aŋgro wala naŋgo are miligiq dena branteqnu qaji di ni na qoreiye. Osim ni kumbra tiŋtiŋ yqajqa wauoqnsim Qotei qa ino areqalo siŋgilatoqnsim tamo kalil naŋgi qalaqalainjroqnsim are lawo na soqne. Ni ti tamo kalil are bole na Tamo Koba Qotei qa louoqnsib aqa ñam na pailyeqnub qaji naŋgi ti kumbra di yoqniye.