Aposel 9:11 - Yesus Aqa Anjam Bole

¹¹ Onaqa Tamo Koba Yesus na minjej, “Ni tigelosimqa gam bei aqa ñam Tiŋtiŋ di dauryosim gilsim Judas aqa talq di brantqam. Tarsus tamo bei aqa ñam Sol a dia pailyoqnsi unu di unqam.

Aposel 9:11 Iomraidhean Croise

Jon 4:10

Onaqa Yesus na uŋa di minjej, “Ni iŋgi Qotei na laŋa emqajqa di qalieosim qamu tamo ni na ya tigsim anaiyqajqa mermqo qaji a qa poimqo qamu ni na e merbimqa ŋambile gaigai sqajqa ya di anaimonum qamu.”

Aposel 11:13

Gogetonamqa Kornilius na iga saigosiq endegsi mergej, ‘Laŋ aŋgro bei a bosiqa ijo talq endia tigelesonaq unem. Unnamqa merbej, “Ni na tamo qudei naŋgi qariŋnjrimqa Jopa qureq aisib dia tamo bei aqa ñam Saimon ñam bei Pita a osib beb. Osib babqa a na ni anjam bei mermqas. Mermimqa anjam dena Qotei na ni ti tamo uŋgasari kalil ni ombla tal qujaiq di unub qaji naŋgi ti oqas.” ’

Aposel 11:25

Ariya bati bei Barnabas a Sol ŋamqajqa deqa Tarsus qureq gilej.

Aposel 2:21

Bati deqa tamo uŋgasari gargekoba naŋgi endegsib pailyqab, ‘O Tamo Koba, ni na iga aqaryaigime.’ Yimqa a na naŋgo pail qusim naŋgi kalil eleŋamqa naŋgi so bole gaigai sqab.” ’ Qotei aqa medabu o qaji tamo Joel a nami anjam degsi marej.

Aposel 21:39

Onaqa Pol na minjej, “E tamo di sai. E Juda tamo. Ijo qure utru Tarsus. Tarsus a qure kobaquja. A Silisia sawaq di unu. A qure ñam ti. Deqa ni mare. E na tamo uŋgasari kalil naŋgi anjam bei minjrqa kere e?”

Aposel 22:3

“E Juda tamo. Ijo qure utru Tarsus. Tarsus a Silisia sawaq di unu. E dia ŋambabonam ijo ai wo abu wo naŋgi na e Jerusalem qureq osi bonabqa e endia tamo kobaqujaem. Kobaqujaosimqa Gamaliel aqa skul kobaq gilem. Gilsim di sonamqa a na gago moma naŋgo dal anjam kalil geregere plaltosiq osorboqnej. Deqa e Qotei aqa kumbra kalil dauryqajqa tulaŋ siŋgilaoqnem. Niŋgi bini Qotei aqa kumbra kalil dauryqajqa siŋgilaeqnub dego kere e dego dauryqajqa tulaŋ siŋgilaoqnem.

Aposel 8:22

E ni numonum ino areqalo tulaŋ uge. Ino kumbra uge dena ni ojosiŋgilatmqo. Deqa ni are bulye. Osim ino kumbra uge di uratosim Tamo Koba Qotei pailyimqa a ino areqalo uge di taqal waiyetmosim a ni qa olo are boleiyqas.”

Aposel 8:26

Onaqa Tamo Koba Yesus aqa laŋ aŋgro bei Filip aqaq aisiqa minjej, “Ni tigelosim gam Jerusalem dena Gasa qureq aiejunu deq aie.” Gam di wadau sawaq di unu.

Aposel 9:30

Onaqa Kristen was naŋgi anjam di qusibqa Sol osib Sisaria qureq osi aieb. Aisib dena Sol qariŋyonabqa Tarsus qureq gilej.