Aposel 7:60 - Yesus Aqa Anjam Bole

⁶⁰ Degsi pailyosiqa siŋga tombol na awoosiq tulaŋ koba maosiq marej, “O Tamo Koba Yesus, naŋgi e lubonub naŋgo une deqa marsim kambatnjraime. Naŋgo une di kobotetnjrime.” A degsi pailyosiqa moiej.

Aposel 7:60 Iomraidhean Croise

Matyu 27:52

Onaqa bati deqa Qotei aqa segi tamo uŋgasari gargekoba nami moreŋeb qaji naŋgo sub waqeleŋonabqa naŋgi olo subq na tigeleb. Ariya bunuqna Yesus a dego subq na tigelonaqa tamo uŋgasari naŋgi di Qotei aqa qure koba miligiq gilnabqa tamo uŋgasari gargekoba naŋgi na unjreb.

Matyu 5:44

Ariya e na dal anjam di buŋyosiy niŋgi endegsi merŋgwai. Niŋgi nuŋgo jeu tamo naŋgi dego qalaqalainjroqniye. Tamo qudei naŋgi na niŋgi ugeugeiŋgibqa niŋgi na olo naŋgi qa Qotei pailyoqniye.

Luk 22:41

Yesus a degsi minjrsiqa naŋgi uratnjrsiq kiñala sasalej. Tamo bei na meniŋ waiyim isaq yala gilqas dego kere a sasalosiqa siŋga pulutosiq Qotei pailyej.

Luk 23:34

Yesus a ŋamburbas goge di sosiqa a endegsi Qotei pailyej, “O Abu, ni na naŋgo une di kobotime. Naŋgi une yonub di naŋgi qaliesai.” Ariya qaja tamo naŋgi Yesus aqa gara eleŋqa marsib gilteleŋeb. Osib meniŋ silali alaŋeb. Tamo yai aqa meniŋ na buŋnjrqas a na gara oqas. Degsib marsib meniŋ silali alaŋosib gara eleŋeb.

Luk 6:28

Niŋgi ijo segi aŋgro unub deqa tamo qudei naŋgi na niŋgi misiliŋgeqnub. Ariya niŋgi na kamba naŋgi misiliŋnjraib. Naŋgi olo anjam bole bole minjroqniye. Tamo naŋgi niŋgi ugeugeiŋgeqnub qaji naŋgi kamba ugeugeinjraib. Niŋgi naŋgi qa olo Qotei pailyoqniye.

Jon 11:11

Yesus a anjam degsi marsiqa olo minjrej, “Gago was Lasarus a ŋeiejunu. E aisiy dudumyqai.”

Aposel 13:36

Niŋgi qalie, Devit a mandor koba sosiqa Qotei aqa areqalo dauryoqnsiqa Israel tamo uŋgasari naŋgi geregere taqatnjroqnej. Bunuqna a moinaqa aqa jejamu osib subq ateb. Aqa moma naŋgi nami subq ateleŋeb a degsib subq ateb. Onaqa aqa jejamu subq di qusaej.

Aposel 20:36

Pol a na Efesus gate naŋgi anjam degsi minjrsiq koboonaqa siŋga pulutosiqa naŋgi koba na Qotei pailyeb.

Aposel 21:5

Ariya bati 7-pela koboonaqa iga Pol ombla na qure di uratosim qobuŋ gogetqa marsim alile aiem. Kristen tamo uŋgasari naŋgo aŋgro ti naŋgi na iga suweigosib alile aisim dia iga koba na siŋga pulutosim Qotei pailyem.

Aposel 9:40

Onaqa Pita a naŋgi minjrej, “Niŋgi kalil oqediye.” Degsi minjrnaqa naŋgi oqedonab siŋga pulutosiq Qotei pailyej. Pailyosiq koboonaqa uŋa moiej qaji aqa areq gilsiqa minjej, “O Tabita, ni tigel.” Degsi minjnaqa a ŋam plaltosiqa Pita unsiq tigelosiq awoej.

1 Korin 11:30

Utru deqa nuŋgo ambleq di tamo uŋgasari gargekoba naŋgi siŋgila saiqoji sosib mainjreqnu. Osib naŋgi qudei moreŋeqnub.

1 Korin 15:18

Deqa tamo naŋgi Kristus qa naŋgo areqalo siŋgilatosib nami moreŋeb qaji naŋgi torei padaleb qamu.

1 Korin 15:20

Ariya iga degsi sqasai. Kristus a moinaqa Qotei na a olo subq na tigeltej. A tamo kalil nami moreŋeb qaji naŋgi qa namoosiq subq na tigelej.

1 Korin 15:51

Deqa e na uli anjam bei niŋgi endegsi merŋgwai. Iga kalil moiqasai. Ariya iga kalil jejamu bulyosim jejamu bunuj oqom.

1 Korin 15:6

Osiqa bunuqna bati qujai qa a Kristen tamo 500 naŋgoq di dego brantonaq uneb. Naŋgi gargekoba bini unub. Ariya naŋgi qudei moreŋeb.

1 Tesalonaika 5:10

Yesus a iga qa moiej deqa iga ŋambile sqom kio iga moiqom kio di uŋgum. Iga Yesus koba na ŋambile gaigai sqom.

2 Timoti 4:16

Bati jeu tamo naŋgi namoqna e ojsib Rom qaji anjam pegiyo tamo aqa ulatamuq dia tigeltbeb bati deqa tamo bei na e taqbosai. Tamo kalil naŋgi e uratbosib jaraieb. Deqa e Qotei endegsi pailyem, “O Abu, ni naŋgo une deqa are qalsim naŋgi olo kambatnjraime.” E degsi Qotei pailyem.

2 Pita 3:4

“Qotei a nami marej, ‘Mondoŋ Kristus a olo bqas.’ Ariya a qabi unu? A bqa keresai. Niŋgi uniye. Gago moma utru naŋgi nami moreŋoqneb bosi bosiq agi bini iga degsi unum. Qotei a nami mandam atej agi bini mandam a degsi unu. Deqa Kristus a olo bqa keresai.”