Aposel 7:44 - Yesus Aqa Anjam Bole

⁴⁴ “Ariya gago moma naŋgi wadau sawaq di sosibqa naŋgi Qotei bole aqa segi so tal dego osi laqneb. Tal di Qotei na nami sigitosiqa Moses osoryonaqa degsi gereiyej. Tal dia Qotei a segi bati gaigai sosiqa Israel tamo uŋgasari naŋgi anjam minjroqnej.

Aposel 7:44 Iomraidhean Croise

Hibru 8:2

A atra tal laŋ qureq di unu qaji di miligiq giloqnsiqa laŋ qaji iŋgi iŋgi Qotei atraiyeqnu. Atra tal di Qotei aqa segi tal bole. Tamo bei na atosai. Tamo Koba Qotei a segi na atej unu.

Hibru 8:5

Livai naŋgi gaigai mandam qaji atra tal miligiq giloqnsib waueqnub. Atra tal di laŋa mandam qaji tal. Tal di laŋ qure qaji atra tal laŋa sigitejunu. Agi Moses a nami tal di atqa laqnaqa Qotei na tal sigitosiqa Moses osoryonaqa degsi gereiyej. Agi Qotei na Moses endegsi minjej, “E mana goge dia atra tal sigitosim ni osormem. Ni di geregere dauryosim atra tal aqa iŋgi iŋgi kalil degsi gereiyime.” Qotei na nami Moses degsi minjej.