Aposel 7:2 - Yesus Aqa Anjam Bole

^2-3 Onaqa Stiven a kamba marej, “O ijo was ti ijo abu ti niŋgi ijo anjam endi quiye. Nami gago moma utru Abraham a Mesopotemia sawaq di sosiqa Haran qureq gilosaisonaqa bati deqa gago Qotei laŋ qureq di unu qaji a Abraham aqa ulatamuq di brantosiqa minjej, ‘O Abraham, ni na ino mandam ti ino was naŋgi ti uratnjrsimqa mandam bei e na osormitqa deq gilime.’

Aposel 7:2 Iomraidhean Croise

Matyu 6:13

Satan na iga walawalaigosim uneq waigwa laqnimqa ni na Satan getentime. Yim kumbra uge bei na iga ugetetgwasai.’

Luk 2:14

“Laŋ goge dia Qotei a ñam kobaquja oqo. Mandamq endia tamo uŋgasari naŋgi are lawo na soqnebe. Qotei a naŋgi qa are boleiyeqnu.”

Jon 1:14

Anjam di a tamo yusiqa gago ambleq di soqnej. Onaqa iga aqa ñam koba ti aqa siŋgila ti di unem. Aqa ñam agiende. A segi qujai Qotei aqa Ŋiri. A iga qa are tulaŋ boleiyeqnu. A segi anjam bole qa utru.

Jon 12:41

Aisaia a nami Yesus aqa siŋgila unsiq deqa Yesus qa degsi marej.

Aposel 22:1

“O ijo was niŋgi ijo abu ti e kamba anjam bei merŋgit quiye.”

Aposel 23:7

Pol a na naŋgi degsi minjrnaqa Farisi ti Sadyusi ti naŋgi ŋiriŋkobaosib areqalo aiyel osib poeleŋeb.

Aposel 7:1

Onaqa atra tamo gate a na Stiven nenemyej, “Naŋgo anjam maronub di bole e?”

1 Korin 2:8

Aqa powo di mandam qaji tamo kokba naŋgi kalil poinjrosaieqnu. Naŋgi poinjrej qamu naŋgi Tamo Koba Yesus laŋ qureq di unu qaji a osib ŋamburbasq di qamosai qamu.

Efesus 1:17

A gago Tamo Koba Yesus Kristus aqa Qotei. A gago Abu riaŋ koba ti siŋgila ti unu qaji. Deqa e niŋgi qa endegsi pailyeqnum, “O Abu, ni na Efesus naŋgi areqalo bole enjrimqa naŋgi ino anjam aqa utru geregere poinjrim ni qa bole qalieoqnqab.”

Taitus 2:13

Osim iŋgi tulaŋ boledamu iga mondoŋ oqom qaji di unqajqa areboleboleigoqnimqa tariŋoqnsim sqom. Yesus Kristus a segi Qotei. A siŋgila koba. A na iga eleŋej. Mondoŋ a wala bole ti riaŋ koba ti Qotei aqa siŋgila ti di osim laŋ qureq dena bqas. Iga di unqajqa tariŋoqnsim unum.

Hibru 1:3

Yesus a na Qotei aqa riaŋ koba iga osorgeqnu. Yesus aqa so ti Qotei aqa so ti ombla kerekere. Aqa anjam siŋgila ti unu deqa anjam dena a na iŋgi iŋgi kalil siŋgilatejunu. A na gago une kobotetgosiqa laŋ qureq oqsiq Qotei siŋgila koba ti unu qaji aqa baŋ woq di awejunu.

Hibru 11:8

Abraham a dego Qotei qa aqa areqalo siŋgilatej deqa Qotei na metonaqa a Qotei aqa anjam dauryosiqa mandam bei Qotei na a yqajqa minjej qaji deq gilej. A sawa qabitqas kio di a qalieosaisosiqa gilej.

Jems 2:1

O ijo was qu, e qalieonum, niŋgi gago Tamo Koba Yesus Kristus agi laŋ qa iŋgi iŋgi kalil taqatejunu qaji a qa nuŋgo areqalo siŋgilateqnub. Nuŋgo areqalo dego deqa e na niŋgi endegsi merŋgwai. Niŋgi tamo ñam ti naŋgi kumbra bole bole enjroqnsib olo tamo laŋaj naŋgi qoreinjroqnaib.

Uli Anjam 4:11

“O Tamo Koba, ni gago Qotei. Ni segi qujai laŋ goge di unum. Deqa tamo kalil naŋgi ni qa tulaŋ areboleboleinjreqnaqa ino ñam soqtoqnsibqa ino siŋgila biŋiyoqnsibqa ino sorgomq di geregere unub. Naŋgi ni kumbra degmeqnub. Di kiyaqa? Ni na qujai marnam iŋgi iŋgi kalil branteb unub. Ni ino segi areqalo na iŋgi iŋgi kalil gereiyem. Dena qujai iŋgi iŋgi kalil branteb unub.”