Aposel 6:10 - Yesus Aqa Anjam Bole

¹⁰ Naŋgi Stiven ombla anjam na qoteqnab Qotei aqa Mondor na Stiven powo koba yoqnej deqa naŋgi aqa anjam qalotqa keresai.

Aposel 6:10 Iomraidhean Croise

Luk 1:17

Tamo Koba Kristus a bqa laqnimqa Jon a Kristus qa namoosimqa Qotei aqa medabu o qaji tamo Elaija aqa kumbra ti siŋgila ti osim Kristus aqa gam gereiyetqas. A Kristus aqa gam endegsi gereiyqas. Tamo naŋgi naŋgo aŋgro ti jeu jeu soqnibqa a na naŋgi anjam minjroqnimqa naŋgi are bulyosib koba na are qujaitosib sqab. Tamo naŋgi Qotei aqa anjam gotraŋyeqnub qaji a na powo ti siŋgila ti enjroqnimqa naŋgi are bulyosib kumbra uge uratosib tamo naŋgi kumbra bole bole yeqnub qaji naŋgo kumbra dauryosib sqab. A na degsim tamo uŋgasari naŋgo areqalo gereiyetnjrim soqnibqa Tamo Koba a bqas.”

Luk 21:15

Di kiyaqa? E segi na nuŋgo medabu siŋgilatetŋgsiy areqalo eŋgitqa niŋgi kamba anjam minjroqnqab. Minjroqnibqa naŋgi na anjam bei nuŋgo jejamuq di qametŋgwa yoqnib ugeinjroqnqas.

Jon 7:46

Onaqa qaja tamo naŋgi na kamba minjreb, “Iga Yesus aqa anjam quonum di anjam bolequja maroqnaj. Tamo bei nami anjam deqaji marosaioqnej. Deqa iga a ojosai.”

Aposel 5:39

Ariya naŋgi Qotei aqa areqalo na wauqab di niŋgi na naŋgi kobotnjrqa keresai. Niŋgi naŋgi ñumqab di niŋgi Qotei ti qotqab.” Gamaliel a na Juda tamo kokba naŋgi anjam degsi minjrnaqa naŋgi aqa anjam di qusib dauryosib Yesus aqa aŋgro 12-pela naŋgi ñumqa urateb.

Aposel 6:11

Deqa naŋgi lumu na tamo qudei naŋgi metnjrnab bonab minjreb, “Niŋgi na Stiven aqa jejamu laŋa gisaŋyiye.” Degyosib silali enjreb. Silali enjrnab naŋgi gisaŋosib mareb, “Stiven a Moses wo Qotei wo qa misiliŋ anjam mareqnaq iga quonum.”

Aposel 6:9

Onaqa bati bei Juda tamo qudei naŋgi tigelosib Stiven ombla anjam na qotoqneb. Tamo naŋgi di Juda naŋgo Qotei tal beiq dia gaigai louoqneb. Naŋgi nami kaŋgal tamo sonabqa uratnjrnab laŋa soqneb deqa naŋgi Qotei tal dia louoqneb. Deqa Qotei tal di aqa ñam endegsib waiyeb, “Tamo Laŋaj Naŋgo Qotei Tal.” Tamo naŋgi di Stiven ombla anjam na qotoqneb. Naŋgi nami Sairini qure ti Aleksandria qure ti Silisia sawa ti Esia sawa dena ti beleŋeb.

Aposel 7:51

Stiven a anjam di kalil marekritosiq olo siŋgila na endegsi minjrej, “Niŋgi anjam gotraŋyo ani tamo. Nuŋgo are Qotei aqaq di sosai. Niŋgi sawa bei bei qaji tamo naŋgi bul. Sawa bei bei qaji tamo naŋgi Qotei qaliesai dego kere niŋgi dego Qotei qaliesai. Niŋgi Qotei aqa anjam quqwa urateqnub. Niŋgi bati gaigai Qotei aqa Mondor aqa anjam dego quqwa urateqnub. Nuŋgo moma naŋgi kumbra di yoqneb agi niŋgi na olo yeqnub.

1 Korin 2:4

Anjam e palontoqnem qaji di e powo tamo naŋgo kumbra na palontosai. E ijo segi powo kobaquja na palontosai. Yim dena niŋgi are bulyqajqa e deqa are qalosai. E Qotei aqa Mondor aqa siŋgila niŋgi osorŋgoqnem.