Aposel 5:39 - Yesus Aqa Anjam Bole

³⁹ Ariya naŋgi Qotei aqa areqalo na wauqab di niŋgi na naŋgi kobotnjrqa keresai. Niŋgi naŋgi ñumqab di niŋgi Qotei ti qotqab.” Gamaliel a na Juda tamo kokba naŋgi anjam degsi minjrnaqa naŋgi aqa anjam di qusib dauryosib Yesus aqa aŋgro 12-pela naŋgi ñumqa urateb.

Aposel 5:39 Iomraidhean Croise

Matyu 16:18

Deqa e ni endegsi mermqai. Ni Pita. Ino ñam di aqa damu, ‘Meniŋ’. Ni e Qotei aqa Ŋiri qa merbonum. Ino anjam di meniŋ bul tulaŋ siŋgila koba. Deqa e na ijo segi tamo uŋgasari kalil naŋgi koroinjritqa naŋgi meniŋ quraq dia tigelesqab. Yimqa Moio aqa siŋgila na naŋgi ugetnjrqa keresai.

Luk 21:15

Di kiyaqa? E segi na nuŋgo medabu siŋgilatetŋgsiy areqalo eŋgitqa niŋgi kamba anjam minjroqnqab. Minjroqnibqa naŋgi na anjam bei nuŋgo jejamuq di qametŋgwa yoqnib ugeinjroqnqas.

Aposel 11:17

O ijo was niŋgi quiye. Iga nami gago Tamo Koba Yesus Kristus qa gago areqalo siŋgilatonamqa Qotei na aqa Mondor Bole iga egej. Dego kere bini sawa bei bei qaji tamo naŋgi dego Yesus qa naŋgo areqalo siŋgilatonubqa Qotei na aqa Mondor naŋgi dego enjrqo. Deqa aqa wau di e na getentqa keresai.” Pita a degsi marej.

Aposel 23:9

Deqa naŋgi poeleŋosib ŋiriŋosib murqumyoqneb. Onaqa Farisi naŋgo dal anjam qalie tamo qudei naŋgi tigelosib siŋgila na mareb, “Iga Pol aqa anjam quonum di a une saiqoji. Mondor bei na kio laŋ aŋgro bei na kio anjam minjonubqa a degsi marqo.”

Aposel 6:10

Naŋgi Stiven ombla anjam na qoteqnab Qotei aqa Mondor na Stiven powo koba yoqnej deqa naŋgi aqa anjam qalotqa keresai.

Aposel 7:51

Stiven a anjam di kalil marekritosiq olo siŋgila na endegsi minjrej, “Niŋgi anjam gotraŋyo ani tamo. Nuŋgo are Qotei aqaq di sosai. Niŋgi sawa bei bei qaji tamo naŋgi bul. Sawa bei bei qaji tamo naŋgi Qotei qaliesai dego kere niŋgi dego Qotei qaliesai. Niŋgi Qotei aqa anjam quqwa urateqnub. Niŋgi bati gaigai Qotei aqa Mondor aqa anjam dego quqwa urateqnub. Nuŋgo moma naŋgi kumbra di yoqneb agi niŋgi na olo yeqnub.

Aposel 9:5

Onaqa Sol na minjej, “O Tamo Koba, ni yai?” Onaqa minjej, “E Yesus agi ni na ugeugeibeqnum qaji.

1 Korin 1:25

Mandam tamo naŋgi mareqnub, “Qotei aqa anjam di nanari anjam.” Di sai. Anjam di Qotei aqa powo ti unu deqa anjam dena mandam tamo naŋgo powo tulaŋ buŋyejunu. Mandam tamo naŋgi mareqnub, “Qotei aqa anjam di siŋgila saiqoji.” Di sai. Anjam di Qotei aqa siŋgila ti unu deqa anjam dena mandam tamo naŋgo siŋgila tulaŋ buŋyejunu.

1 Korin 10:22

Iga kumbra degyqom di iga Tamo Koba Yesus aqa are ugetetim a iga qa minjiŋ oqwas. Gago siŋgila na aqa siŋgila buŋyqa kere e? Keresai.