Aposel 5:21 - Yesus Aqa Anjam Bole

²¹ Onaqa naŋgi laŋ aŋgro aqa anjam di qusib dauryosib nobqolo malu qameqnaqa atra tal miligiq gilsib dia tigelosib tamo uŋgasari naŋgi Qotei aqa anjam palontosib minjroqneb. Ariya atra tamo gate aqa wau tamo ti naŋgi na Juda tamo kokba ti Israel tamo bole bole ti naŋgi metnjrnab bosib koroeb. Koroosib anjam keretosib naŋgo qaja tamo naŋgi minjreb, “Niŋgi aisib Yesus aqa aŋgro 12-pela naŋgi tonto talq dena joqsib boiye.”

Aposel 5:21 Iomraidhean Croise

Matyu 5:22

Ariya e na dal anjam di buŋyosiy niŋgi endegsi merŋgwai. Tamo bei na aqa was laŋa ŋiriŋtqas di a une ti sqas. Tamo bei na aqa was laŋa misiliŋyqas di a une kobaquja yqas. Deqa a ojsib Juda gate kokba naŋgo ulatamuq di tigeltosib aqa une ubtetqab di kere. Ariya tamo bei na aqa was laŋa minjqas, ‘Ni tulaŋ nanari, areqalo saiqoji,’ degyqas aqa une deqa Qotei na a osim ŋamyuoq waiyqas.

Luk 22:66

Onaqa nobqolo malu qameqnaq Juda gate kokba ti atra tamo kokba ti dal anjam qalie tamo naŋgi ti bosib koroonabqa qaja tamo naŋgi na Yesus osi bosib naŋgo ulatamuq dia tigeltonabqa Juda tamo kokba naŋgi na nenemyeb,

Jon 18:35

Onaqa Pailat na olo minjej, “Ni are qalonum, e Juda tamo e? Sai. E sawa bei qaji. Nuŋgo segi leŋ deqaji naŋgi na ni osi bonub. Agi atra tamo kokba naŋgi na ni ijoq osi bonub. Deqa ni merbe. Ni une kie yonum deqa ni osi bonub?”

Jon 8:2

Nobqolo ambru a olo tigelosiqa atra tal miligiq gilej. Gilsiq di sonaqa tamo uŋgasari kalil naŋgi aqa areq beqnabqa a di awesosiqa Qotei aqa anjam palontosiq minjroqnej.

Aposel 22:15

Deqa ni Yesus aqa anjam mare mare laqnimqa tamo uŋgasari kalil naŋgi quoqnqab. Kumbra kalil ni unoqnqam qaji deqa ti anjam kalil ino dabkala na quoqnqam qaji deqa ti ni na tamo uŋgasari kalil naŋgi sainjroqnimqa quoqnqab.

Aposel 22:5

Niŋgi na Juda tamo kokba ti atra tamo gate a ti naŋgi nenemnjribqa ijo kumbra deqa niŋgi saiŋgwab. Agi e na nami atra tamo gate a endegsi minjem, ‘Ni anjam bei neŋgreŋyosim ebimqa e anjam di Damaskus qureq osi aisiy Juda gate kokba Damaskus qureq di unub qaji naŋgi enjritqa sisiyosib odbibqa e na tamo uŋgasari Yesus qa naŋgo areqalo siŋgilateqnub qaji naŋgi ojeleŋosiy joqsiy bosiy Jerusalem endia tonto talq di breinjrqai.’ E degsim atra tamo gate minjem.

Aposel 5:17

Yesus aqa aŋgro 12-pela naŋgi kumbra degyeqnabqa atra tamo gate aqa wau qujai agi Sadyusi naŋgi ti koba na unsib minjiŋ oqetnjrnaqa naŋgi ojeleŋosib tonto talq di breinjrnab soqneb.

Aposel 5:27

Jiŋga na joqsib gilsib Juda tamo kokba naŋgo ulatamuq dia tigeltnjreb. Tigelonabqa atra tamo gate a na naŋgi ŋiriŋtnjrsiqa minjrej,

Aposel 5:34

Onaqa naŋgo ambleq dena Farisi tamo bei aqa ñam Gamaliel a tigelej. A dal anjam qalie tamo kobaquja. Tamo kalil naŋgi bati gaigai a qa maroqneb, “A tamo bolequja.” A tigelosiqa qaja tamo naŋgi minjrej, “Niŋgi mati Yesus aqa aŋgro 12-pela naŋgi joqsib taqal beiq giliye.”

Aposel 5:41

Onaqa naŋgi areboleboleinjrnaqa koro sawa di uratosib gileb. Naŋgi Yesus aqa ñam qa jaqatiŋ eb deqa Qotei a naŋgi qa marej, “Naŋgi Yesus aqa ñam qa siŋgilaonub deqa naŋgi jaqatiŋ oqa kere.” Qotei a naŋgi qa degsi marej deqa naŋgi areboleboleinjrnaq gileb.