Aposel 5:14 - Yesus Aqa Anjam Bole

¹⁴ Tamo ti uŋa ti tulaŋ gargekoba Tamo Koba Yesus qa naŋgo areqalo siŋgilatoqnsib boqnsib tamo nami Yesus qa naŋgo areqalo siŋgilateb qaji naŋgo miligiq aieqnab naŋgi tulaŋ kobaoqneb.

Aposel 5:14 Iomraidhean Croise

Aposel 11:24

Barnabas a tamo tulaŋ bolequja. Qotei aqa Mondor aqaq di sonaqa a siŋgila ti wauoqnej. Aqa areqalo kalil Yesus qa siŋgilatsiq soqnej. Deqa a Qotei aqa anjam mareqnaqa tamo uŋgasari gargekoba naŋgi quoqnsib are bulyoqnsib Tamo Koba Yesus qa naŋgo areqalo siŋgilatoqneb.

Aposel 2:41

Onaqa tamo uŋgasari kalil Pita aqa anjam di qusib naŋgo are miligiq di ateb qaji naŋgi yansnjreb. Bati deqa tamo uŋgasari 3,000 naŋgi Yesus qa naŋgo areqalo siŋgilatosib tamo uŋgasari nami Yesus qa naŋgo areqalo siŋgilateb qaji naŋgo miligiq aisib koba na soqneb.

Aposel 22:4

Deqa e na tamo uŋgasari Yesus aqa gam dauryoqneb qaji naŋgi tulaŋ ugeugeinjroqnsim tontnjroqnsim tonto talq di breinjreqnam qaja tamo naŋgi na ñumeqnab moreŋoqneb.

Aposel 4:4

Tamo uŋgasari tulaŋ gargekoba naŋgo aiyel anjam qusib Yesus qa naŋgo areqalo siŋgilateb. Tamo uŋgasari Yesus qa naŋgo areqalo siŋgilateb qaji kalil turteb 5,000.

Aposel 6:7

Bati deqa Qotei aqa anjam tulaŋ kobaoqnej. Tamo uŋgasari Jerusalem di soqneb qaji naŋgo ambleq di tamo uŋgasari tulaŋ gargekoba naŋgi are bulyoqnsib Yesus qa naŋgo areqalo siŋgilatoqnsib tamo nami Yesus qa naŋgo areqalo siŋgilateb qaji naŋgo miligiq aioqneb. Atra tamo gargekoba naŋgi dego Yesus aqa aŋgro 12-pela naŋgo anjam dauryoqnsibqa Yesus qa naŋgo areqalo siŋgilatoqneb.

Aposel 8:12

Ariya Qotei a tamo uŋgasari naŋgo Mandor Koba sosiq naŋgi taqatnjreqnu anjam bole di Filip a palontoqnsiqa Yesus Kristus aqa ñam mare mare laqnaqa tamo uŋgasari gargekoba naŋgi quoqnsib are bulyoqnsib Yesus qa naŋgo areqalo siŋgilatoqneb. Degyeqnabqa Filip a na naŋgi yansnjroqnej.

Aposel 8:3

Sol a dego tamo uŋgasari Yesus qa naŋgo areqalo siŋgilateb qaji naŋgi qa tulaŋ minjiŋ oqnaqa ugeugeinjroqnej. Deqa a naŋgo segi segi talq giloqnsiqa tamo ti uŋa ti ojeleŋoqnsiqa naŋgi joqsi aioqnsiqa tonto talq di breinjroqnej.

Aposel 9:2

“Ni anjam bei neŋgreŋyosim ebimqa e anjam di osiy aisiy Damaskus qureq dia Juda tamo kokba naŋgi enjritqa naŋgi na anjam di sisiyosib e odbibqa tamo uŋgasari Damaskus qureq dia Yesus aqa gam dauryeqnub qaji naŋgi tontnjrsiy joqsiy Jerusalem bqai.”

Aposel 9:31

Bati deqa Judia sawaq dia, Galili sawaq dia, Samaria sawaq dia dego tamo uŋgasari Yesus qa naŋgo areqalo siŋgilateb qaji naŋgi geregere lawo na soqneb. Naŋgi bati gaigai Tamo Koba Qotei aqa ñam biŋiyoqnsibqa aqa anjam dauryeqnabqa Qotei aqa Mondor na naŋgo are siŋgilatetnjreqnaqa tamo uŋgasari tulaŋ gargekoba are bulyoqnsib naŋgo miligiq aieqnab naŋgi tulaŋ kobaoqneb.

Aposel 9:35

Onaqa tamo uŋgasari kalil Lida qure ti Saron sawa ti dia soqneb qaji naŋgi tamo di boleonaq unsibqa naŋgi are bulyosib Tamo Koba Yesus qa naŋgo areqalo siŋgilateb.

Aposel 9:42

Onaqa tamo uŋgasari kalil Jopa qureq di soqneb qaji naŋgi deqa queb. Qusib naŋgo qure dia tamo uŋgasari tulaŋ gargekoba naŋgi are bulyosib Tamo Koba Yesus qa naŋgo areqalo siŋgilateb.

2 Korin 6:15

Kristus wo Satan wo naŋgi aiyel are qujaitosib ombla sqa kere e? Di keresai. Niŋgi Yesus qa nuŋgo areqalo siŋgilateqnub deqa niŋgi ti tamo uŋgasari Yesus qa naŋgo areqalo siŋgilatosaieqnub qaji naŋgi ti areqalo qujaitosib ombla sqa kere e? Di dego keresai.

Galesia 3:28

Deqa niŋgi endegsib maraib, “E Juda qaji” o “E Grik tamo” o “E kaŋgal tamo” o “E kaŋgal tamo sai.” o “E tamo” o “E uŋa”. Niŋgi degsib maraib. Niŋgi Kristus Yesus beteryejunub deqa niŋgi kalil tamo qujai bul unub.