Aposel 5:12 - Yesus Aqa Anjam Bole

¹² Bati deqa Qotei na Yesus aqa aŋgro 12-pela naŋgi siŋgila enjreqnaqa naŋgi maŋwa gargekoba yeqnabqa tamo uŋgasari naŋgi unoqneb. Tamo uŋgasari Yesus qa naŋgo areqalo siŋgilateb qaji naŋgi kalil are qujaitoqnsibqa Juda naŋgo atra tal meq dia korooqnsibqa Qotei qa louoqneb. Tal me di aqa ñam Solomon aqa Tal Me.

Aposel 5:12 Iomraidhean Croise

Mak 16:20

Onaqa aqa aŋgro naŋgi jaraiosib sawa sawa kalil keretosib Yesus aqa anjam bole minjre minjre laqneb. Laqnabqa Tamo Koba Yesus a naŋgi koba na wauoqnsiqa maŋwa gargekoba yeqnaqa dena naŋgo anjam siŋgilaoqnej.

Jon 10:23

Onaqa Yesus a atra tal miligiq gilsiqa dena atra tal me ñam Solomon dia walweloqnej.

Jon 4:48

Onaqa Yesus na qaja tamo di minjej, “Nuŋgo segi ŋamdamu na ijo maŋwa bei unqasai di niŋgi e qa nuŋgo areqalo siŋgilatqasai.”

Aposel 1:14

Naŋgi ti uŋgasari qudei ti Yesus aqa was naŋgi ti aqa aniqali Maria dego naŋgi koba na gaigai warum dia korooqnsibqa are qujaitoqnsib Qotei pailyoqneb.

Aposel 14:3

Deqa naŋgi aiyel Aikoniam qureq dia sokobaiyosib Tamo Koba Qotei a tamo uŋgasari naŋgi qa are tulaŋ boleiyeqnu anjam di minjroqneb. Naŋgi aiyel ulaosai. Tamo Koba Qotei na naŋgi aiyel siŋgila enjreqnaqa naŋgi maŋwa gargekoba yoqneb. Naŋgo kumbra dena Tamo Koba Qotei na tamo uŋgasari naŋgi osornjroqnej, naŋgo aiyel anjam di bole.

Aposel 16:18

Bati gargekoba uŋa dena anjam degsi maroqnsiq iga daurgoqnej. Onaqa bati bei Pol a uŋa deqa minjiŋ oqnaqa bulosiqa mondor uge di minjej, “E Yesus Kristus aqa ñam na ni mermonum, ni uŋa di uratosim ulaŋ.” Degsi minjnaqa mondor uge dena uŋa di uratosiq ulaŋej.

Aposel 19:11

Qotei na Pol siŋgila yeqnaqa a maŋwa gargekoba babtoqnej.

Aposel 2:46

Naŋgi bati gaigai naŋgo areqalo qujaitosib sosibqa Juda naŋgo atra tal miligiq dia korooqnsib louoqneb. Naŋgo segi segi talq dia dego korooqnsibqa bem gentosib uyoqneb. Naŋgi kalil arebolebole ti lawo na sosibqa Qotei aqa ñam soqtoqnsib koba na iŋgi uyoqneb. Degyeqnabqa tamo kalil naŋgi Yesus aqa tamo uŋgasari naŋgo kumbra di unoqnsibqa naŋgi qa tulaŋ areboleboleinjroqnej. Bati gaigai tamo uŋgasari qudei naŋgi are bulyeqnab Tamo Koba Qotei na naŋgi eleŋeqnaqa naŋgi boqnsib tamo nami Yesus qa naŋgo areqalo siŋgilateb qaji naŋgo miligiq aioqnsib koba na soqneb.

Aposel 28:9

A degyonaqa nui deqaji tamo uŋgasari mainjrej qaji naŋgi qusibqa Pol aqa areq beqnabqa a na naŋgi kalil boletnjroqnej.

Aposel 3:11

Tamo a di Pita wo Jon wo naŋgi aiyel daurnjrsi laqnaqa tamo uŋgasari kalil naŋgi a unoqnsib tulaŋ prugeleŋosib are koba qaloqneb. Deqa naŋgi gurgur ti bosib atra tal meq dia Pita wo Jon wo sonabqa koba na korooqneb. Atra tal me di aqa ñam Solomon aqa Tal Me.

Aposel 4:30

Ni na iga siŋgila egoqnimqa iga ino segi wau tamo bole Yesus aqa ñam na tamo uŋgasari naŋgi boletnjroqnimqa naŋgo ma kobooqnqas. Iga ino maŋwa yoqnimqa tamo uŋgasari naŋgi unoqnsib Yesus qa poinjroqnimqa ino ñam soqtoqnqab.”

Aposel 9:33

Dia tamo bei soqnej aqa ñam Ainias. A jejamu laiyonaq soqnej. Wausau 8-pela a bijalq di ŋeiesoqnej. Onaqa Pita na unsiqa minjej, “Ainias, Yesus Kristus na ni boletmqo. Deqa ni tigelosim ino bijal qale.” Degsi minjnaqa aqa jejamu siŋgilaonaq a tigelej.

Aposel 9:40

Onaqa Pita a naŋgi minjrej, “Niŋgi kalil oqediye.” Degsi minjrnaqa naŋgi oqedonab siŋga pulutosiq Qotei pailyej. Pailyosiq koboonaqa uŋa moiej qaji aqa areq gilsiqa minjej, “O Tabita, ni tigel.” Degsi minjnaqa a ŋam plaltosiqa Pita unsiq tigelosiq awoej.

2 Korin 12:12

Agi e nuŋgo ambleq di sosimqa e maŋwa gargekoba babteqnam dena niŋgi qalieeb, Qotei na e qariŋbej. Agi e siŋgila na tigeloqnsim gulube qoboiyeqnam dena maŋwa ti wau siŋgila ti gargekoba nuŋgo ambleq di brantoqnej. Kumbra dena niŋgi osorŋgej, e Qotei aqa wau tamo bole.

Hibru 2:4

Qotei na maŋwa ti siŋgila ti babtoqnsiqa aqa segi areqalo dauryosiq aqa Mondor Bole aqa kumbra segi segi jeisiq tamo uŋgasari naŋgi enjroqnej. Kumbra dena naŋgi osornjrej, Qotei aqa Ŋiri aqa anjam di bole kalil.