Aposel 4:22 - Yesus Aqa Anjam Bole

²² Tamo siŋga qandamo naŋgi aiyel na boleteb qaji aqa wausau 40. Deqa tamo uŋgasari naŋgi tulaŋ prugeleŋosib areboleboleinjrnaqa Qotei aqa ñam soqtoqneb.

Aposel 4:22 Iomraidhean Croise

Matyu 9:20

Naŋgi gileqnabqa uŋa bei ma ti soqnej qaji a Yesus aqa qoreq na dadauryosiqa baŋ waiysiq Yesus aqa gara mutu ojej. Uŋa di a nami bai na unej leŋ aioqnsiq degsi soqnej wausau 12-pela uratej.

Jon 5:5

Ariya Yesus a Jerusalem aiej bati deqa tamo bei wausau 38 ma ti soqnej qaji a di tariŋesoqnej.

Jon 9:1

Yesus a walwelosiq gilsiq gam qalaq dia tamo bei ai miligiq na ŋam qandimo ŋambabej qaji di awesonaq unej.

Aposel 4:21

Onaqa Juda tamo kokba naŋgi na olo naŋgi aiyel Yesus aqa ñam marqajqa siŋgila na saidnjrsib uratnjrnab gileb. Naŋgi aiyel na tamo siŋga qandamo boletonabqa tamo uŋgasari tulaŋ gargekoba unsib deqa tulaŋ areboleboleinjrnaqa Qotei aqa ñam soqtoqneb. Deqa Juda tamo kokba naŋgi tamo uŋgasari naŋgi ulainjreb. Osib endegsib are qaleb, “Iga naŋgo aiyel jejamuq di une bei unosai. Deqa iga naŋgi aiyel ñumqa keresai. Ñumqom di tamo uŋgasari naŋgi minjiŋ oqetnjrimqa iga kamba lugwab.” Utru deqa Juda tamo kokba naŋgi tamo uŋgasari naŋgi ulainjrsib naŋgi aiyel uratnjrnab gileb.

Aposel 4:23

Juda tamo kokba naŋgi na naŋgi aiyel uratnjrnab gilsib tamo uŋgasari Yesus qa naŋgo areqalo siŋgilateb qaji naŋgoq di brantosib anjam kalil atra tamo kokba ti tamo bole bole ti naŋgi na minjreb qaji deqa sainjreb.

Aposel 9:33

Dia tamo bei soqnej aqa ñam Ainias. A jejamu laiyonaq soqnej. Wausau 8-pela a bijalq di ŋeiesoqnej. Onaqa Pita na unsiqa minjej, “Ainias, Yesus Kristus na ni boletmqo. Deqa ni tigelosim ino bijal qale.” Degsi minjnaqa aqa jejamu siŋgilaonaq a tigelej.