Aposel 4:21 - Yesus Aqa Anjam Bole

²¹ Onaqa Juda tamo kokba naŋgi na olo naŋgi aiyel Yesus aqa ñam marqajqa siŋgila na saidnjrsib uratnjrnab gileb. Naŋgi aiyel na tamo siŋga qandamo boletonabqa tamo uŋgasari tulaŋ gargekoba unsib deqa tulaŋ areboleboleinjrnaqa Qotei aqa ñam soqtoqneb. Deqa Juda tamo kokba naŋgi tamo uŋgasari naŋgi ulainjreb. Osib endegsib are qaleb, “Iga naŋgo aiyel jejamuq di une bei unosai. Deqa iga naŋgi aiyel ñumqa keresai. Ñumqom di tamo uŋgasari naŋgi minjiŋ oqetnjrimqa iga kamba lugwab.” Utru deqa Juda tamo kokba naŋgi tamo uŋgasari naŋgi ulainjrsib naŋgi aiyel uratnjrnab gileb.

Aposel 4:21 Iomraidhean Croise

Matyu 15:31

Deqa tamo meŋ siŋgilainjro qaji naŋgi olo anjam bole maroqneb. Tamo jejamu lainjro qaji naŋgo jejamu olo siŋgilaoqnej. Tamo siŋga qandamnjro qaji naŋgi olo tigelosib walweloqneb. Tamo ŋam qandimnjro qaji naŋgi olo ŋam poinjreqnaqa sawa unoqneb. Onaqa tamo uŋgasari kalil naŋgi di unsibqa naŋgi are koba qaloqnsib Israel naŋgo Qotei aqa ñam soqtoqneb.

Matyu 21:46

Naŋgi degsib qalieosib deqa naŋgi Yesus ojqa mareb. Ariya tamo uŋgasari kalil naŋgi maroqneb, “Yesus a Qotei aqa medabu o qaji tamo bole.” Deqa naŋgi tamo uŋgasari naŋgi ulainjrsib Yesus ojqa urateb.

Matyu 26:5

Ariya naŋgi endegsib maroqneb, “Iga yori bati qa Yesus ojqasai. Ojqom di tamo uŋgasari naŋgi iga nugsib ŋiriŋosib qoto tigelo uge.”

Matyu 9:33

Osi bonabqa Yesus na mondor uge di wiyetonaqa aqa meŋ otyonaqa medabu waqtosiqa anjam maroqnej. Onaqa tamo uŋgasari kalil naŋgi Yesus aqa maŋwa di unsibqa naŋgi are koba qaloqnsib maroqneb, “Israel sawaq endia tamo bei na kumbra deqaji bei yeqnaq iga nami unosaioqnem.”

Matyu 9:8

Onaqa tamo uŋgasari kalil naŋgi Yesus aqa siŋgila di unsibqa naŋgi tulaŋ ulaosib Qotei aqa ñam soqteb. Di kiyaqa? Qotei na siŋgila kobaquja Yesus yej deqa.

Luk 13:17

Yesus a degsi marnaqa aqa jeu tamo naŋgi aqa anjam di qusibqa naŋgi kalil jemainjrej. Kumbra kalil Yesus na yoqnej qaji di tulaŋ bolequja deqa tamo uŋgasari kalil naŋgi di unoqnsib tulaŋ areboleboleinjroqnej.

Luk 20:19

Yesus a na atra tamo kokba ti dal anjam qalie tamo naŋgi ti yawo anjam degsi minjrnaqa naŋgi qusib endegsib qalieeb, “Yesus a yawo anjam dena gago jejamu qametgwo.” Naŋgi degsib qalieosibqa minjiŋ oqetnjrnaqa Yesus ojqa mareb. Ariya naŋgi tamo uŋgasari naŋgi tulaŋ ulainjrsib deqa naŋgi Yesus ojqa uratosib jaraieb.

Luk 20:6

Ariya iga minjqom, ‘Tamo bei na Jon qariŋyej’ degsi minjqom di tamo uŋgasari naŋgi ŋiriŋosib bosib iga meniŋ na lugwab. Di kiyaqa? Naŋgi mareqnub, ‘Jon a Qotei aqa medabu o qaji tamo bole.’”

Luk 22:2

Deqa bati di atra tamo kokba ti dal anjam qalie tamo naŋgi ti Yesus qalsib moiotqajqa gam ŋamoqneb. Di kiyaqa? Naŋgi tamo uŋgasari naŋgi ulainjreb deqa.

Luk 5:26

Onaqa tamo uŋgasari kalil naŋgi Yesus aqa siŋgila di unsibqa naŋgi tulaŋ prugeleŋosib Qotei aqa ñam soqtosib a biŋiyeb. Osib naŋgi ulaosib mareb, “Kumbra iga endego unonum di kumbra bei. Tamo bei na kumbra deqaji bei yeqnaq iga nami unosaioqnem.”

Aposel 4:17

Naŋgo aiyel anjam tulaŋ kobaamqa tamo uŋgasari gargekoba quo uge. Deqa iga endegyqom. Iga naŋgi aiyel saidnjrnamqa Yesus aqa ñam mare mare laqasai.”

Aposel 4:22

Tamo siŋga qandamo naŋgi aiyel na boleteb qaji aqa wausau 40. Deqa tamo uŋgasari naŋgi tulaŋ prugeleŋosib areboleboleinjrnaqa Qotei aqa ñam soqtoqneb.

Aposel 5:13

Tamo uŋgasari laŋa laŋaj kalil Jerusalem qureq di soqneb qaji naŋgi na tamo uŋgasari Yesus qa naŋgo areqalo siŋgilateb qaji naŋgo ñam soqtetnjroqnsibqa naŋgi ti koba na koroqajqa ulaoqneb.

Aposel 5:26

Degsi minjrnaqa atra tal taqato tamo naŋgo gate ombla na tigelosib atra tal miligiq gilsib ŋam ateb Yesus aqa aŋgro 12-pela naŋgi na tamo uŋgasari naŋgi anjam minjreqnab unjreb. Unjrsib naŋgi ojeleŋosib joqsib gileb. Siŋgila na ojsib gilosai. Jiŋga na joqsib gileb. Tamo uŋgasari naŋgi ŋiriŋosib meniŋ osib naŋgi ñumaib deqa ulaosib jiŋga na joqsib gileb.

Aposel 5:40

Osib naŋgi metnjrnabqa naŋgi olo bonabqa bu toqoŋ na naŋgi kumbaiŋnjrsib naŋgi Yesus aqa ñam olo marqajqa siŋgila na saidnjrsib naŋgi uratnjreb.