Aposel 4:20 - Yesus Aqa Anjam Bole

²⁰ Aqo aiyel medabu getentqa keresai. Kumbra kalil gago ŋamdamu na unoqnem qaji deqa iga maroqnsim laqnqom. Anjam kalil gago dabkala na quoqnem qaji di dego iga maroqnsim laqnqom. Iga uratqa keresai.”

Aposel 4:20 Iomraidhean Croise

Aposel 1:22

Jon yansnjro qaji aqa bati qa Yesus na aqa wau utru atej dena bosi bosiq Qotei na Yesus yaigosiqa laŋ qureq oqej bati deqa tamo naŋgi iga koba na soqnem qaji deqaji bei giltonamqa a iga ti Yesus aqa wau ojsim Yesus a moisiq olo subq na tigelej deqa mare mare laqnqom.”

Aposel 1:8

Ariya Qotei aqa Mondor nuŋgoq bamqa niŋgi siŋgila osib e qa anjam mare mare laqniye. Niŋgi Jerusalem endia, Judia sawaq dia, Samaria sawaq dia, sawa sawa kalil keretosib e qa anjam mare mare laqniye.”

Aposel 18:5

Onaqa bati bei Sailas wo Timoti wo naŋgi Masedonia sawa uratosib bosib Korin qureq dia Pol itosib naŋgi koba na soqneb. Deqa Pol a na aqa silali wau di uratosiqa Qotei aqa anjam segi wauoqnej. Osiqa Juda naŋgo Qotei tal miligiq giloqnsiqa naŋgi siŋgila na endegsi minjroqnej, “Yesus a bole Kristus Qotei na qariŋyej qaji.”

Aposel 2:32

Yesus qujai di Qotei na subq na tigeltonaqa iga kalil ŋamdamu na unem. Deqa bini iga a qa mare mare laqnum.

Aposel 2:4

Osiqa naŋgo segi segi are miligiq aisiq meŋ bulyetnjrnaqa naŋgi kalil qure segi segi naŋgo anjam mareleŋoqneb.

Aposel 22:15

Deqa ni Yesus aqa anjam mare mare laqnimqa tamo uŋgasari kalil naŋgi quoqnqab. Kumbra kalil ni unoqnqam qaji deqa ti anjam kalil ino dabkala na quoqnqam qaji deqa ti ni na tamo uŋgasari kalil naŋgi sainjroqnimqa quoqnqab.

Aposel 3:15

Ariya Yesus a segi ŋambile qa utru. Di niŋgi na qalnab moiej. Onaqa Qotei na Yesus olo subq na tigeltonaqa iga gago ŋamdamu na unem. Deqa bini iga a qa mare mare laqnum.

Aposel 5:32

Iga gago segi ŋamdamu na Yesus aqa kumbra di unoqnsim deqa mare mare laqnum. Qotei aqa Mondor Bole na dego Yesus aqa kumbra deqa mare mare laqnu. Qotei na tamo uŋgasari aqa anjam dauryeqnub qaji naŋgi aqa Mondor di enjreqnu.”