Aposel 28:9 - Yesus Aqa Anjam Bole

⁹ A degyonaqa nui deqaji tamo uŋgasari mainjrej qaji naŋgi qusibqa Pol aqa areq beqnabqa a na naŋgi kalil boletnjroqnej.

Aposel 28:9 Iomraidhean Croise

Matyu 4:24

Onaqa tamo uŋgasari kalil Siria sawaq di soqneb qaji naŋgi anjam endegsib queb, “Yesus a maŋwa tulaŋ gargekoba yeleŋeqnu.” Degsib qusib deqa naŋgo ma tamo kalil joqsib Yesus aqa areq osi beleŋeb. Tamo ma utru segi segi osi beleŋeb. Tamo jejamu jaqatiŋnjro qaji naŋgi ti tamo mondor uge uge na ojeleŋo qaji naŋgi ti tamo gate na nanarioqnsib maŋgaloqneb qaji naŋgi ti tamo jejamu lainjro qaji naŋgi ti kalil joqsib beqnab Yesus na boletnjroqnej.

Aposel 13:6

Naŋgi Saiprus nui aqa qure kalil keretosib qure qujai Pafos di branteb. Osib qure dia quñam tamo bei aqa ñam Barjisas iteb. A Juda tamo. A na tamo uŋgasari naŋgi gisa gisaŋnjroqnsiqa endegsi minjroqnej, “E Qotei aqa medabu o qaji tamo bole.”

Aposel 28:10

Ariya nui deqaji tamo uŋgasari kalil naŋgi iga geregereigoqnsib kumbra tulaŋ boledamu egoqneb. Onaqa bunuqna iga nui di uratqa laqnamqa iŋgi iŋgi kalil iga saigeleŋej qaji di naŋgi na olo egeleŋonab gago iŋgi iŋgi kereej.

Aposel 28:8

Iga Publius aqa talq di sonamqa aqa siqali makobaiyonaqa ŋeiesoqnej. Aqa jejamu tulaŋ kaŋkaŋyosiqa bi mormantej. Deqa Pol na aqa areq gilsiqa Qotei pailyosiq aqa jejamuq di baŋ atnaqa aqa ma koboosiq olo boleej.

Aposel 5:12

Bati deqa Qotei na Yesus aqa aŋgro 12-pela naŋgi siŋgila enjreqnaqa naŋgi maŋwa gargekoba yeqnabqa tamo uŋgasari naŋgi unoqneb. Tamo uŋgasari Yesus qa naŋgo areqalo siŋgilateb qaji naŋgi kalil are qujaitoqnsibqa Juda naŋgo atra tal meq dia korooqnsibqa Qotei qa louoqneb. Tal me di aqa ñam Solomon aqa Tal Me.

Aposel 5:15

Deqa naŋgi na tamo uŋgasari ma ti soqneb qaji naŋgi saperaq di ŋeiotnjroqnsib qoboinjrsib boqnsib gam qalaq di ateleŋoqneb. Pita a gam na walwelosim giloqnimqa aqa seŋ qunuŋ na naŋgi waburtnjroqnimqa naŋgo ma kobooqnqajqa deqa are qalsibqa gam qalaq di ateleŋoqneb.