Aposel 28:7 - Yesus Aqa Anjam Bole

⁷ Ariya tamo bei aqa ñam Publius a nui dia soqnej. A tamo kobaquja. A na nui di taqatoqnej. Aqa tal jojomq di soqnej deqa a na iga joqsiqa aqa talq gilsiqa dia bati qalub iga geregereigoqnej.

Aposel 28:7 Iomraidhean Croise

Aposel 13:7

Rom naŋgo gate koba bei aqa ñam Sergius Paulus a qure dia soqnej. Barjisas a gaigai Sergius Paulus dauryosiq laqnej. Sergius Paulus a qalie tamo kobaquja. Barnabas wo Sol wo Pafos qureq di brantonabqa Sergius Paulus a Qotei aqa anjam quqwa marsiqa naŋgi aiyel metnjrnaqa aqa areq bosib Qotei aqa anjam minjoqneb. Minjeqnabqa quñam tamo Barjisas (Grik anjam na aqa ñam Elimas) a qusiqa are qalej, “E na Barnabas wo Sol wo naŋgo anjam gegentoqnqai. Sergius Paulus a Qotei aqa anjam di qusimqa aqa areqalo Yesus qa siŋgilato uge.”

Aposel 18:12

Ariya Pol a Korin qureq di sonaqa Rom naŋgo gate koba bei aqa ñam Galio a Akaia sawa taqatoqnej. Bati deqa Juda naŋgi Pol qa minjiŋ oqetnjrnaqa a ojsib koro sawaq osi gilsib Galio aqa awo jaram namoq di tigelteb.

Aposel 23:24

Pol aqa hos qudei dego gereiyib soqnem. Pol a hos goge dia awoamqa niŋgi na geregere taqatosib osi aisib Rom tamo koba Feliks aqa talq di brantiye.’ Niŋgi aiyel na qaja tamo naŋgi degsib minjriye.” Qaja tamo naŋgo gate koba a na naŋgi aiyel degsi minjrsiqa olo endegsi minjrej,

Aposel 28:2

Onaqa tamo uŋgasari nui dia soqneb qaji naŋgi kumbra tulaŋ boledamu ysibqa iga geregereigeb. Osib awa boqnej deqa iga yorgonaqa ŋam tuŋguyosib mergeb, “Niŋgi bosib ŋamyuo areq endi awooiye.” Onaqa iga ŋamyuo areq di awoonam jejamu kaŋkaŋgej.

Aposel 28:6

Onaqa naŋgi Pol koqyoqneb. Aqa jejamu suŋyqas kio a moisim uloŋoqujatqas kio degsi marsibqa tariŋkobaiyeb. Tariŋonab tariŋonab Pol aqa jejamuq di gulube bei brantosai. Deqa naŋgi areqalo bei osib mareb, “Tamo endi a qotei bei.”

Aposel 28:8

Iga Publius aqa talq di sonamqa aqa siqali makobaiyonaqa ŋeiesoqnej. Aqa jejamu tulaŋ kaŋkaŋyosiqa bi mormantej. Deqa Pol na aqa areq gilsiqa Qotei pailyosiq aqa jejamuq di baŋ atnaqa aqa ma koboosiq olo boleej.

1 Timoti 5:10

Naŋgi nami wau bole bole yoqneb deqa naŋgi tamo uŋgasari naŋgo ŋamgalaq di uŋa bole. Naŋgi na naŋgo aŋgro naŋgi geregere-injroqnsib boletnjroqneb. Tamo laŋaj naŋgi naŋgo meq beqnabqa oqnsib geregereinjroqneb. Naŋgi na Kristen tamo uŋgasari naŋgo siŋga yansetnjroqneb. Tamo uŋgasari naŋgi gulube ti sonabqa naŋgi na aqaryainjroqneb. O Timoti, ni na uŋa qobul deqaji naŋgo ñam neŋgreŋyim Kristen tamo uŋgasari naŋgi na iŋgi iŋgi qa aqaryainjroqnqab.

Hibru 13:2

Qure bei qaji tamo naŋgi nuŋgo meq boqnib niŋgi na oqnsib geregereinjroqniye. Kumbra di niŋgi urataib. Niŋgi qalie, nami qure bei qaji tamo naŋgi nuŋgo moma qudei naŋgo meq beqnab tamo bole ede-goqnsib geregereinjroqneb. Ariya naŋgi tamo sai. Naŋgi Qotei aqa laŋ aŋgro. Nuŋgo moma naŋgi are qaleb, naŋgi tamo naŋgi gereinjreb. Di sai. Naŋgi laŋ aŋgro naŋgi gereinjreb.