Aposel 28:4 - Yesus Aqa Anjam Bole

⁴ Onaqa nui deqaji tamo uŋgasari naŋgi amal uge Pol aqa baŋq di uñiyosiq gaiŋesonaqa unsibqa segi segi maroqneb, “Tamo endi a tamo qalo qaji kio? A yuwalq di moiosai deqa gago qotei na amal uge qariŋyqoqa a uñiyqo. Deqa a moiqas.”

Aposel 28:4 Iomraidhean Croise

Matyu 23:35

Niŋgi na naŋgi kumbra degnjroqnqab. Deqa tamo kalil nami Qotei aqa tamo bole bole naŋgi ñumoqneb qaji naŋgo une di Qotei na osim nuŋgo jejamuq di ateleŋqas. Naŋgo une di agi naŋgi nami utru atsib Kein na Abel qalnaq moiej. Dena bosi bosib Berekia aqa ŋiri Sekaraia atra bijal ti atra tal ti ambleq di qalnab moiej. Une kalil di Qotei na osim nuŋgo jejamuq di ateleŋqas.

Matyu 27:25

Onaqa tamo uŋgasari naŋgi na minjeb, “Di kere. Uŋgum. Yesus a moiqas di gago une na moiqas. Gago aŋgro naŋgi dego une di o ti sqab.”

Luk 13:2

Onaqa Yesus na minjrej, “Niŋgi kiersib are qalonub? Galili tamo naŋgi di Qotei aqa ŋamdamuq di une kokba ti soqneb deqa kio degsib ñumeleŋeb? Ariya Galili tamo qudei naŋgi Qotei aqa ŋamdamuq di une kiñilala ti unub deqa naŋgi ñumeleŋosai. Niŋgi degsib are qalonub kio?

Luk 13:4

Jerusalem dia tal olekoba aqa ñam Siloam di puosiqa tamo 18-pela naŋgi ñumnaq moreŋeb. Deqa niŋgi kiersib are qalonub? Tamo 18-pela moreŋeb qaji naŋgi Qotei aqa ŋamdamuq di une kokba ti soqneb deqa kio naŋgi degsib moreŋeb? Ariya tamo uŋgasari kalil Jerusalem di unub qaji naŋgi une kiñilala ti unub deqa naŋgi moreŋosai. Niŋgi degsib are qalonub kio?

Jon 7:24

Laŋa ŋamdamu na iŋgi iŋgi tenemtoqnaib. Kumbra bole na iŋgi iŋgi kalil tenemtoqniye.”

Aposel 28:2

Onaqa tamo uŋgasari nui dia soqneb qaji naŋgi kumbra tulaŋ boledamu ysibqa iga geregereigeb. Osib awa boqnej deqa iga yorgonaqa ŋam tuŋguyosib mergeb, “Niŋgi bosib ŋamyuo areq endi awooiye.” Onaqa iga ŋamyuo areq di awoonam jejamu kaŋkaŋgej.

Aposel 28:3

Onaqa Pol a ŋam koroiyosiqa osi gilsiqa ŋamyuoq di atnaqa amal uge ŋam miligiq di soqnej qaji kaŋkaŋyonaqa oqedosiqa Pol aqa baŋq di uñiyosiqa gaiŋesoqnej.

Aposel 28:5

Onaqa Pol na aqa baŋ butuyonaqa amal uloŋosiqa ŋamyuoq aiej. Onaqa Pol a bole soqnej. Aqa jejamu yala gulube bei osai.

Uli Anjam 21:8

“Ariya tamo naŋgi ulakobaoqnsib Yesus qa naŋgo areqalo siŋgilatosaieqnub qaji naŋgi kalil ŋamyuo kobaq aiqab. Tamo kumbra uge yo qaji, leŋ ojo qaji, sambala kumbra yo qaji, gumaniŋo qaji, quñam qalo qaji, qotei gisaŋ biŋinjro qaji, gisaŋ anjam maro qaji naŋgi kalil ŋamyuoq aieleŋqab. Ŋamyuoq dia meniŋ kalil yusiq ñaŋgaeqnu. Ŋamyuo di moio bunu qaji.”