Aposel 27:43 - Yesus Aqa Anjam Bole

⁴³ Degsi marnabqa naŋgo gate Julius a are qalej, “Naŋgi Pol dego qalib moiaim deqa e na naŋgi saidnjrqai.” Degsi are qalsiqa naŋgi minjrej, “Tonto tamo naŋgi ñumaib.” Osiqa tamo qawaiŋo qalie naŋgi minjrej, “Niŋgi namo prugosib yuwalq aisib qawaiŋosib alile di patqab.”

Aposel 27:43 Iomraidhean Croise

Aposel 23:10

Onaqa Sadyusi naŋgi anjam di qusibqa naŋgi tulaŋ ŋiriŋkobaosib Pol qalqajqa laqnabqa qaja tamo naŋgo gate koba a di unsiqa are qalej, “Naŋgi Pol ojsib aqa jejamu tulaŋ ugeugeiyqab.” A degsi are qalsiqa ulaosiq aqa qaja tamo naŋgi metnjrnaqa bosib Sadyusi naŋgo baŋq dena Pol yainjrsib naŋgo ŋeio talq olo osi gileb.

Aposel 23:24

Pol aqa hos qudei dego gereiyib soqnem. Pol a hos goge dia awoamqa niŋgi na geregere taqatosib osi aisib Rom tamo koba Feliks aqa talq di brantiye.’ Niŋgi aiyel na qaja tamo naŋgi degsib minjriye.” Qaja tamo naŋgo gate koba a na naŋgi aiyel degsi minjrsiqa olo endegsi minjrej,

Aposel 27:11

Pol a na naŋgi degsi minjrnaqa qobuŋ kuñi ojo tamo wo qobuŋ aqa abu wo naŋgi aiyel na Pol aqa anjam di gotraŋyosib gilqa mareb. Julius a dego Pol aqa anjam gotraŋyosiqa naŋgo aiyel anjam dauryej.

Aposel 27:3

Iga gilsim nebeonaqa Saidon qureq di tiryem. Tiryonamqa Julius a Pol qa dulosiq odyonaqa qobuŋ uratosiq aqa was naŋgi itnjrnaqa naŋgi na iŋgi iŋgi qudei qa aqaryaiyeb.

Aposel 27:31

Degyeqnabqa Pol a di unsiqa qaja tamo naŋgi ti naŋgo gate Julius a ti endegsi minjrej, “Tamo qobuŋq di wauo qaji naŋgi qobuŋ uratosib jaraiqa laqnub. Naŋgi jaraiqab di niŋgi kalil padalqab.”

Aposel 27:42

Onaqa qaja tamo naŋgi mareb, “Tonto tamo naŋgi qawaiŋosi jaraiaib deqa iga na ñumnam moreŋqab.”

2 Korin 11:25

Bati qalub naŋgi bu toqoŋ na e luboqneb. Bati qujai naŋgi na e moiotbqa marsib meniŋ na luboqneb. Bati qalub e qobuŋ na gileqnam qobuŋ a padalej. Qobuŋ padalonaq qolo ti qanam ti e yuwalq di otosi laqnem.