Aposel 27:23 - Yesus Aqa Anjam Bole

^23-24 Ya qolo ijo Qotei agi e bati gaigai a qa loueqnum qaji aqa laŋ aŋgro bei bosiqa ijo areq di tigelosiq merbej, ‘O Pol, ni ulaaim. Ni Mandor Koba Sisar aqa ulatamuq di tigelqam. Deqa Qotei na ni taqatmim ni padalqasai. Tamo kalil ni ombla qobuŋ na gileqnub qaji naŋgi dego taqatnjrim naŋgi padalqasai.’ Laŋ aŋgro na e degsi merbej.

Aposel 27:23 Iomraidhean Croise

Jon 12:26

Tamo bei a ijo wau yqa osimqa a e daurbem. Yimqa qure e sqai qaji di ijo wau tamo a dego e ombla sqas. Tamo bei a ijo wau yoqnqas di ijo Abu na a ñam kobaquja yqas.”

Aposel 12:23

Herot aqa kumbra dena a Qotei aqa ñam soqtosai. Aqa segi ñam soqtoqnsiqa anjam maroqnej. Deqa Tamo Koba Qotei a Herot qa ŋiriŋosiqa aqa laŋ aŋgro bei qariŋyonaqa urur aisiq Herot a ma uge yonaqa aqa bi ani ambli na uynab a moiej.

Aposel 16:17

Iga Pol koba na aieqnamqa uŋa di a iga daurgoqnsiqa tulaŋ koba leleŋoqnsiqa maroqnej, “Tamo naŋgi di Tamo Koba Qotei aqa wau tamo. Qotei a niŋgi oqajqa gam di naŋgi na osorŋgeqnub.”

Aposel 18:9

Bati bei qolo Qotei na Pol aqa areqalo waqtetonaqa a ŋeiobilqeiobulosiqa Tamo Koba Yesus unej. Unnaqa minjej, “O Pol, ni ulaaim. Ni qure endia sosimqa ino medabu waqtoqnsimqa boleq na ijo anjam mare mare laqne. Mequmaim.

Aposel 23:11

Gilsib di sonab nebeosiq olo qoloonaqa Tamo Koba Yesus a bosiqa Pol aqa areq di tigelosiq minjej, “Ni are siŋgilatime. Ulaaim. Ni Jerusalem endia ijo anjam mare mare laqnum dego kere ni Rom aisim dia dego ijo anjam siŋgila na minjroqne.” Tamo Koba Yesus na Pol degsi minjej.

Aposel 5:19

Sonabqa qoloej. Onaqa Tamo Koba Qotei aqa laŋ aŋgro bei aisiqa tonto tal siraŋme waqtosiq naŋgi joqsiq oqedeb. Oqedonabqa laŋ aŋgro na minjrej,

Aposel 8:26

Onaqa Tamo Koba Yesus aqa laŋ aŋgro bei Filip aqaq aisiqa minjej, “Ni tigelosim gam Jerusalem dena Gasa qureq aiejunu deq aie.” Gam di wadau sawaq di unu.

Rom 1:1

E Pol. E Kristus Yesus aqa wau tamo. E aqa anjam maro tamo sqajqa deqa metbej. Osiqa e Qotei aqa anjam bole marsim laqajqa deqa giltbej.

Rom 1:9

E ijo are miligi siŋgilatsim deqa e Qotei aqa wau ojoqnsim aqa Ŋiri aqa anjam bole palontosim laqnum. Qotei a segi qalie, bati gaigai e pailyqa oqnsim niŋgi qa are qaleqnum.

Rom 6:22

Ariya nuŋgo une na niŋgi tonto talq waiŋgobulonaq sonabqa Qotei a dena olo niŋgi eleŋej. Deqa bini niŋgi Qotei aqa segi wau tamo unub. Deqa niŋgi iŋgi bole bole endi oqnqab. A na niŋgi aqa segi kumbra boleq di atimqa niŋgi kumbra bole bole a tulaŋ areareteqnu qaji di yoqnqab. Osib niŋgi ŋambile gaigai sqab.

1 Korin 6:20

Qotei a awai kobaquja na niŋgi awaiŋgej. Deqa kumbra kalil niŋgi yeqnub qaji di niŋgi Qotei aqa ñam soqtqa maroqnsib yoqniye.

2 Timoti 1:3

Ijo moma utru naŋgi nami kumbra tiŋtiŋ na Qotei aqa wau ojoqneb dego kere e bini kumbra qujai dena Qotei aqa wau ojeqnum. Ijo are miligiq di e qalieonum, e Qotei aqa ŋamgalaq di une bei saiqoji. E qolo ti qanam ti Qotei pailyoqnsim ni qa are qaloqnsim Qotei biŋiyeqnum.

2 Timoti 2:24

Ni na Tamo Koba Qotei aqa wau tamo naŋgi minjrimqa naŋgi anjam na qotoqnsib ŋiriŋoqnaib. Naŋgi na tamo kalil naŋgi kumbra bole enjroqnebe. Tamo qudei naŋgi na bosib naŋgi gulube enjribqa naŋgi deqa ŋiriŋaib. Naŋgi kamba olo Qotei aqa kumbra bole naŋgi osornjroqnebe.

2 Timoti 4:17

Ariya Tamo Koba Yesus a segi na e taqbosiqa siŋgila ebej. Deqa e anjam pegiyo tamo aqa ulatamuq dia tigelosimqa Yesus aqa anjam bole mareqnamqa sawa bei bei qaji tamo naŋgi quoqneb. Qotei na e aqaryaibosiqa bauŋ juwaŋ naŋgo medabuq dena e osiq taqal waibej.

Taitus 1:1

E Pol. E Qotei aqa wau tamo. Yesus Kristus na e qariŋbej deqa e aqa anjam marsim laqnum. Tamo uŋgasari Qotei na aqa segi qa giltnjrej qaji naŋgi aqa anjam minjroqnitqa naŋgi Yesus qa naŋgo areqalo siŋgilatqajqa deqa qariŋbej. E na naŋgi aqaryainjritqa naŋgi Qotei aqa anjam qalie boleosib aqa kumbra dauryosib sqajqa deqa ti qariŋbej. Qotei aqa anjam di gisaŋ sai. Di anjam bole.

Taitus 2:14

Kristus a na iga eleŋosim gago une kalil kobotqajqa deqa marsiq aqa segi ŋambile uratosiq moiej. Iga aqa segi tamo uŋgasari boledamu sosim kumbra bole bole siŋgila na dauryoqnqajqa deqa marsiq aqa segi ŋambile uratej.

Hibru 1:14

Laŋ aŋgro naŋgi mondor. Naŋgi Qotei aqa wau ojeqnub. Agi Qotei na naŋgi qariŋnjreqnaqa naŋgi giloqnsib tamo uŋgasari a na oqas qaji naŋgi aqaryainjreqnub.

Uli Anjam 22:16

E Yesus. E na ijo laŋ aŋgro qariŋyo-numqa niŋgi e qa loueqnub qaji niŋgi qa aisiq anjam endi palontosiq merŋgwo. E Mandor Koba Devit aqa leŋq dena ŋambabem qaji. E Devit aqa Aŋgro. Nebeqa laqnaqa burbas bunuj oqeqnu dego kere e minjaleqnum.”